الى كل الاعضاء الذين اتموا صيانة 5000 كيلو متر .....نرجو التوضيح للاهميه

[الاستاذ/ علاء]

المشاركة الأصلية كتبت بواسطة khggk74 صوت الموتور فعلا عالى بس انا مش عارف من الزيت ولا ايه

اخى الكريم هل غيرت الزيت بنوع جيد ؟؟؟؟

وياريت تجربه حضرتك مع السيارة ....هل السيارة جيده واعتمادية ؟؟؟؟

ياريت التواصل للافادة ....

[ahmed zohier]

صوت الماتور هوا هوا بعد صيانه ال 5000 كم وده مش مهم لأنو الصوت بيبقا عالي بعد 120كم

المهم الخشونه بتاعت الفتيس هتفضل زي ما هيا وكل اللي هيعملوه لو اشتكيت من الفتيس هيحطولك عليه شويه زيت ويقولك اتعمل وهيفضل زي ما هوه :fun_wallba sh:

[melsheshtawy]

أنا أمتلك السيارة منذ حوالى شهرين ولا أعتقد إن صوت الموتوربيكون عالى إلا بعد تخطى عداد لفات الموتور ال 3000 ثم يعود للهدوء بعد 3200 تقريبا وأعتقد أن سبب ذلك هو حدوث رنين (توافق إهتزازات الموتور مع إهتزاز جسم السيارة) عند هذا العدد من لفات الموتور
أيضا يلاحظ أن صوت الموتور بيكون عالى فى الصباح الباكر عند تدوير المحرك لمده حوالى 5 دقايق (حتى تسخن السيارة) ثم ينخفض الأر بى إم إلى 800 لفة تقريبا على السرانسية ويكون صوته هادئ جدا ... على فاكره أنا العربية عاملة معايا 3600 كيلومتر لحد دلوقتى

[الاستاذ/ علاء]

المشاركة الأصلية كتبت بواسطة melsheshtawy أنا أمتلك السيارة منذ حوالى شهرين ولا أعتقد إن صوت الموتوربيكون عالى إلا بعد تخطى عداد لفات الموتور ال 3000 ثم يعود للهدوء بعد 3200 تقريبا وأعتقد أن سبب ذلك هو حدوث رنين (توافق إهتزازات الموتور مع إهتزاز جسم السيارة) عند هذا العدد من لفات الموتور أيضا يلاحظ أن صوت الموتور بيكون عالى فى الصباح الباكر عند تدوير المحرك لمده حوالى 5 دقايق (حتى تسخن السيارة) ثم ينخفض الأر بى إم إلى 800 لفة تقريبا على السرانسية ويكون صوته هادئ جدا ... على فاكره أنا العربية عاملة معايا 3600 كيلومتر لحد دلوقتى

السلام عليكم
واخبار الفتيس معاك ايه ...فى مشاكل ؟؟؟

[lonedoctor]

فعلا صوت الموتور بيعلى بين 115 و 125 ك/س وبعد كدة بيرجع طبيعى واظن انه ظاهرة الرنين تمثل جزء وليس كل الاسباب المسؤلة عن ذلك
بعد 5000 ك صوت السيارة اصبح انعم من الاول والسحب افضل
تم تغيير زيت الموتور الى زيت شل 5000 ك بصراحة روعة ومختلف تماما وفيه ناس بيوصوا بزيت فيزكو
قمت بتغيير زيت الفتيس بالكامل وتغيير زيت الفتيس بالكامل فى بنزينة كالتكس السيارة تغيرت بشكل ملحوظ وجوهرى والصوت اصبح انعم بكثير
جرب وهتدعيلى
تقبل تحياتى