كل ما يخص بيجو 405

[ghlhv]

اول حاجة فى العربية البيجو ال405 لازم تفحص علبة الدركسيون كويس قوى قوى متكنش بتسرب زيت او يكون الدركسيون بيلق معاك ودورة زيت الباور تكون سليمة خالية من تسريب الزيوت تماما ثانى حاجة لازم تكشف على الكابالن كويس قوى قوى والتكيف بناعها برضة لان الحاجات دى اصلاحها متعب ومش اى حد بيصلحها ومكلفة وتعتبر من اغلى الحاجات فيها بمعنى اصح لازم تكون العفشة ميه ميه ولا انصحك بمساعدين استيراد لانها لاتعيش معاك وكذلك الكابالن عموما العفشة بتاعة العربية مكلفة جدا اما الموتور بتاع ال405 glx ال1600 سى سى هو موتور كويس ويفضل يكون كويس عشان ميتعبكش والعربية ال405 فى وجهة نظرى فوق الممتازة وافضل عربية انا ركبتها واحسن اتزان على الطريق ومتماسكة جدا وخصوصا فى السرعات العالية وكمان بتمشى ببنزين 80 عادى لانها كاربراتير وموفرة جدا فى البنزين العشرين ليتر بيعمل معاك حوالى 200 كيلو جوا البلد او اكثر بالاختصار الكشف على علبة الدركسيون بمشتملاتها والكوبلن هو اهم شيئى اى استفسار فى العربية او اى فنيات فيها انا جاهز للرد عليها بامر الله ربنا ياجرنى

[nonoee2010]

ما شاء الله على المعلومات الجميلة ..جد حاجة رائعة جدا
وربنا يجزيكم خير
أنا قدامي عربية 405 موديل 90 ... فابريكة دواخل بس رشة الرفارف من برة
حالة الموتور على حسب كلام البائع 85% ... هي 1600 سي سي ... فيها تكييف بس الزرار مكسور ومحتاج شحن(يا ريت أعرف تكلفة اصلاحه) .. هو طالب 33 بس بنتفاوض معاه تنزل الف او اتنين كمان
رأيكم ايه ؟؟

[Nour_peugeot]

سعرها حلوه اكشف عليها و توكل علي الله

[محمدفرج]

شكرا جداعلى الموضوع ده

[Nour_peugeot]

تحت امرك يا باشا