|
منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم |
|
أدوات الموضوع |
#1
|
|||
|
|||
محدش يركن تحت بيتى
طبعا كل اللى داخل الموضوضوع داخل يتخانق
المشكلة بقى ياجماعة ان والدى اشترالنا بيت فى عين شمس قرب المساكن بس مش فيها بيت كامل المهم هو فى حارة مسدودة تشيل عربيتين واحدة راكنة والتانية بتتحرك المهم الحارة كلها معاهم عربيات المشكلة بقى اننهم اتفققوا يركنوا على ناحية واحدة اللى هى قدام بيتنا بس انا معنديش عربية ومسالم جدا وماليش فى الاذية والله مرة كنا بنوضب الشقة وعايزين نشيل العربيات فضلنا مستنين ساعة عقبال مكل واحد ياكل ويغير وينزل وطبعا فلوس وفى مرة طلعت خبطت على واحد مرضيش يفتح والصنايعية حطين الونش على السطح وطبعا اليوميات محسوبة واخبط على صاحب التاكس ينزل يشيلة مبيردش فنزلت من ضيقى طفشتلة العربية واتفتحت بطريقة قديمة اتعلمتها فقولت بلاش واجرب تانى ببص لشباكة لاقيتة باصص من ورا الشيش وشايفنى وانا فاتح الباب طلعتلة وقالى ثوانى ونزل جرى بيلبس على السلم . قولت الناس مش زى بعضها اتفاجات بواحد تانى من كام يوم بيقولى دة فلان عايز يحط حديد قدام بيتنا عشان يحجز ركنة فضحكت وقولتلة لا طبعا وواحد تانى رائد جيش فى الجوية بيكلمنى بارف وبيقولى لما تنزل رملة خدها على جنب عشان اركن قولتلة ابقى زحها انت لو عرفت انا مبخفش من ظباط انا مش عسكرى عندك فوالدى قعد يضحك وانا وحيد يعنى مليش فالخناقات والبهدلة والله مش عارف احط حديد قدام البيت واتخانق وخلاص مع العلم انتوا عارفين الخناقات بقت بالسلاح كانة مثلا بيتخانق بالحزام ووانا ماليش فى الجو دة ولا اسيبهم يركنوا تحت البيت مع العلم تحت البيت فى دكنتين هاعملهم جراج لو جبت عربية بس بردة بيركنوا قدامهم شورو عليا بجد اتخنقت المهم ظابط الجيش دة شايف نفسة اوى اصل كل اللى حوالية جهلة وبيتنطط عليا فكرنى زيهم مع ان كلامى اغلبة حضرتك وسيادتك وبعد اذنك بس والله مبينفع وبدات الووم اهلى عشان ربونى اللى معاه موقف مماثل يقول قولولى اعمل اية؟ |
#2
|
|||
|
|||
رد: محدش يركن تحت بيتى
أنا هفترض أنك محتاج المكان علشان الشغل الذى فى البيت عندكم، بص أطلب بزوق الأول ولو مش سمعوا الكلام يبقى جيب حاجة تشغل المنطقة اللى قدام بيتك. يعنى خشب ولا برميلين. يعنى طبعا محدش يقدر يقول لك مش تستغل قدام بيتك...
فى واحد كنت بأركن تحت بيته وقالى مرة مش تركن هنا، قلت له مفيش مكان تانى. مش أتكلم تانى ولكن كان مروق العربية بتاعتى لمدة سنتين بواقى خضار وأرز وأكل فراخ حامض وماية غسل السطح وحفاظات اطفل. فضلت متبت فى الحته لانه مكنش فى مكان تانى بس بجد الحركات دى كانت بتقرفنى وأول ما لقيت مكان فضى فى الشارع جريت نقلت العربية... مرة ركنت قدام محل لمدة نص ساعة رجعت لقين الزجاج وباب السواق مليان تفل شاى. عرفت طبعا أن الراجل حب يقول لى " أزاى تركن قدام محلى" كما لو كان الركنه لمدة نص ساعة هتقطع الرزق... |
#3
|
||||
|
||||
رد: محدش يركن تحت بيتى
للاسف فى ناس الذوق مبينفعش معاها
لما بيشفوك محترم بيفكروا انك ضعيف وبيذيدوا فيها |
#4
|
||||
|
||||
رد: محدش يركن تحت بيتى
معلش بس علشان انا كنت هتجنن انا حاسس انى قريت الموضوع ده بالظبط قبل كده ودورت فعلاً لقيته
http://www.masrmotors.com/vb/showpos...3&postcount=31 |
#5
|
|||
|
|||
رد: محدش يركن تحت بيتى
الحل بسيط جدا حضرتك بتقول فى محلين اسفل البيت حضرتك تبيض باب المحل وتكتب على الباب جراج ممنوع الوقف منعا للاحراج
__________________
كمال معروف ان الله لا يغير ما بقوم حتى يغيروا ما بانفسهم |
أدوات الموضوع | |
|
|