أخبار اللادا 2017 التجميع

[ايمن عبدالحميد]

المشاركة الأصلية كتبت بواسطة nour_2001 معقولة ياأستااذ أيمن كل ده فرق بين الروسى والمصرى ، طيب بالنسبة للروسى المستعمل إيه أخباره كويس وسعره كام دلوقت للموديلات المستعمله الحديثة من 2003 وإنت طالع

انا اسف جداً للتأخير فى الرد ، الروسى المستعمل سعرة اليومين دول مرتاح ولو قارناة بالمصرى فى السعر هتلاقى الروسى ايضا يفرق بالخمس والست الاف جنية : يعنى روسى 2003 كاربراتير (عربيتى) مكيفة فريون وسنتر وانذار وكاوتش جديد ودواسة جلد وموتور هايل شاريها ب 31000ج لو قارنتها بالمصرى نفس الموديل تلاقى المصرى اللى فى نفس الحالة ب 24000ج تخيل الفرق ، وعموما متوسط اسعار السوق النهاردة موديل 2002 ب 28000ج موديل 2004 ب ، 2005ب من 30000:32000، 2006، 2007 =33000ج:35 او 36000ج حسب الحالة ، والمعلومة الاخطر والتى لا يعرفها الا المتمرسينفى اخبار لادا ان حتى الروسى ابتداءا من 2009 بيتقفل فى مصر ، لذلك الاسعار من 2003 حتى 2008 ماسكة نفسها ، واخيراً الكربراتير اغلى من الانجكشن لأن الاخير مشاكل حسساساتة كتير ، اما الكربراتير فأى حد بيصلحة ونت بنفسك تقدر تعملة صيانة وبيتجدد كلة ب 50ج بعد عمر طويل ، ارجو ان اكون قد انجزت وفصلت ماتريدة واسف مرة اخرى للتأخير

[hazem_khidr]

بصراحه لو معايا المبلغ دا كاش مش تقسيط حشتري بيه عربيه مستعمله افضل من اللادا و اكثر رفاهيه
اما لو مقتنع باللادا و عاوزه يبقي اجيب الروسي و زيرو
و لو حشوف مستعمل يبقي الشاهين افضل بمراحل

[احمد الشناوى1981]

المشاركة الأصلية كتبت بواسطة mrastra وطبعا الـ سبرانزا 113Aعربية ممتازة وما يعلاش عليها وكل حاجة فيها حلوة بلاش النقد اللازع دة ..... شجع اللى انت عاوزة بس ما تحبطش الناس كدة وخصوصا ان كلامك مش مظبوط اوى فاما تدلة عن علم او السكوت افضل

اولاً: انا مش داخل اشجع فريق اسبيرانزا ضد فريق الادا
ثانيا : انا ممكن اكون من اكتر الناس الى فى المنتدى يعرفو الادا لانى بركب لادا من زماااان قوى بمعنى ان كان عندنا فى البدايه لادا موديل 1978 و بعدها موديل 1983 و بعدها موديل 2007 و دى كانت اخر واحده و التلاته كانو بحاله الفابريكه يعنى تقدر تقول كده خبره 20 سنه لادا
ثالثاً : انا اعتراضى على الادا النهارده من وجهه نظرى ان سعرها مبالغ فيه بالمقارنه بالبدائل التانيه فى السوق الى بتوفر مستوى تانى من الراحه و السلاسه فى الاستخدام يعنى زمان كانت ببتقارن بموديلات فيات 131 و 132 الى كانو موجودين فى التمانينات لكن لو جيت تقارنها النهارده بموديلات نفس شركه فيات هتلاقى الفرق بقا كبييير قوى
رابعاً : انا بعد انتهاء عصر الادا معايا اشتريت اكسيل 1500 و كان الفرق كبير فى الراحه بين عربيه كامله و مريحه و اقتصاديه و بتتصلح عند نفس الميكانيكى الى بيصلح الادا و نفس اسعار قطع الغيار تقريباً و بين الادا الى كانت اشبه بالجرار الزراعى مع احترمى الشديد لكونها عربيه جامده و بتستحمل و الاكلام ده بس انا كنت زهقت من صوت الموتور المزعج و الكراسى الغير مريحه و العربيه على الرغم من انها كانت موديل 2007 الا انى كنت شايف ان الموديل الى كان معانا قبلها كان انعم منها بكتير يعنى الشركه مع السنين بتقدم نفس المنتج بس بمستوى اردأ فى فى التقفيل و الخامات
خامساً : انا كنت بقول رأيى لمجرد النصيحه وانا مش ضد الادا لانى متحيز لحاجه تانيه وده بدليل انى مقولتش بلاش لادا و هات كذا انا بس قولت ان سعرها مبالغ فيه لان ال 50000جنيه ممكن يجيبو فى المستعمل عربيات كتير احسن من الادا
سادسا : انا مش عايز حد يزعل منى و لو انت يتحب الادا فقدر اقولك ان الادا موديل 83 الى كانت معانا انا مفرتش فيها الا لما لقيت ان ابن خالى و هو فى نفس البيت هو الى هيشتريها و لو وريتك صور العربيه دى مش هتصدق ان فى عربيه موديل 83 بالنضافه دى و كمان اقدر اقولك انى بستمتع بسواقتها و بتلكك علشان استلفها منه و مفيش حته حتروحها الا لما هتلاقى حد يوقفك او يسألك ان اكنت بتبيع و الا لأ
اخيرا: انا نسيت ارد على سؤالك بالنسبه للاسبيرانزا بس عموما كل عربيه و فيها عيوب و منهم طبعا الاسبيرانزا و العربيه الى تناسب استخدامى و مشاويرى ممكن جدا متناسبش غيرى لكن اقدر اقولك ان اكتر ميزة انا شايفها فى الاسبيرانزا ان سعرها مناسب ليها من وجهه نظرى

[aass]

الروسى افضل بمراحل

[mr_astra]

المشاركة الأصلية كتبت بواسطة احمد الشناوى1981 اولاً: انا مش داخل اشجع فريق اسبيرانزا ضد فريق الادا ثانيا : انا ممكن اكون من اكتر الناس الى فى المنتدى يعرفو الادا لانى بركب لادا من زماااان قوى بمعنى ان كان عندنا فى البدايه لادا موديل 1978 و بعدها موديل 1983 و بعدها موديل 2007 و دى كانت اخر واحده و التلاته كانو بحاله الفابريكه يعنى تقدر تقول كده خبره 20 سنه لادا ثالثاً : انا اعتراضى على الادا النهارده من وجهه نظرى ان سعرها مبالغ فيه بالمقارنه بالبدائل التانيه فى السوق الى بتوفر مستوى تانى من الراحه و السلاسه فى الاستخدام يعنى زمان كانت ببتقارن بموديلات فيات 131 و 132 الى كانو موجودين فى التمانينات لكن لو جيت تقارنها النهارده بموديلات نفس شركه فيات هتلاقى الفرق بقا كبييير قوى رابعاً : انا بعد انتهاء عصر الادا معايا اشتريت اكسيل 1500 و كان الفرق كبير فى الراحه بين عربيه كامله و مريحه و اقتصاديه و بتتصلح عند نفس الميكانيكى الى بيصلح الادا و نفس اسعار قطع الغيار تقريباً و بين الادا الى كانت اشبه بالجرار الزراعى مع احترمى الشديد لكونها عربيه جامده و بتستحمل و الاكلام ده بس انا كنت زهقت من صوت الموتور المزعج و الكراسى الغير مريحه و العربيه على الرغم من انها كانت موديل 2007 الا انى كنت شايف ان الموديل الى كان معانا قبلها كان انعم منها بكتير يعنى الشركه مع السنين بتقدم نفس المنتج بس بمستوى اردأ فى فى التقفيل و الخامات خامساً : انا كنت بقول رأيى لمجرد النصيحه وانا مش ضد الادا لانى متحيز لحاجه تانيه وده بدليل انى مقولتش بلاش لادا و هات كذا انا بس قولت ان سعرها مبالغ فيه لان ال 50000جنيه ممكن يجيبو فى المستعمل عربيات كتير احسن من الادا سادسا : انا مش عايز حد يزعل منى و لو انت يتحب الادا فقدر اقولك ان الادا موديل 83 الى كانت معانا انا مفرتش فيها الا لما لقيت ان ابن خالى و هو فى نفس البيت هو الى هيشتريها و لو وريتك صور العربيه دى مش هتصدق ان فى عربيه موديل 83 بالنضافه دى و كمان اقدر اقولك انى بستمتع بسواقتها و بتلكك علشان استلفها منه و مفيش حته حتروحها الا لما هتلاقى حد يوقفك او يسألك ان اكنت بتبيع و الا لأ اخيرا: انا نسيت ارد على سؤالك بالنسبه للاسبيرانزا بس عموما كل عربيه و فيها عيوب و منهم طبعا الاسبيرانزا و العربيه الى تناسب استخدامى و مشاويرى ممكن جدا متناسبش غيرى لكن اقدر اقولك ان اكتر ميزة انا شايفها فى الاسبيرانزا ان سعرها مناسب ليها من وجهه نظرى

بعتزر
تقريبا انا كنت منفعل او حاجة بس حقك علية