100ألف اجيب فورد فوكاس أو تويوتا أو لانسر او سكودا A5مستعمل

[eng_ahmed_90210]

اسكودا a5 طبعا

[ahmedsl]

المشاركة الأصلية كتبت بواسطة الأثري أجبت فأوجزت فأحسنت بورك فيك طيب من باب الطمع أيهما تقدم لانسر سوبر اكشن أم تويوتا 1600 الشكل القديم

السلام عليكم ورحمة الله وبركاته

أولا اعتذر عن التأخير فى الرد
ثانيا تويوتا الشكل القديم
تقصد بيها تويوتا كورولا 2003 الى 2007 اللى بيسموها الدبة
والا 1994 الى 1997 (بتاعت الجيش)
انا اظن قصدك 2003 الى 2007 توكل على الله فى كورولا 2007
ده رأى الشخصى لانى عاشق للكورولا
الاسباب لتفضيلها:
1. عدد احصنة اعلى
2. موتور اقوى
3. عالية من على الارض وبالتالى حلوة للمطبات ( مصر العسل)
4. واسعة من جوة وتابلوه شيك
5. مرايات طى كهربائى ( مش اى حد بيحس بقيمتها الا اللى كل شوية مرايته بتتكسر علشان نسى يقفلها)
6. تكييف تلااااااااااااااااااااااا ااااااااااااااااااااااااا ااااااااااااااااااااااااا اااااجة جدا
7. ماسكة سعرها على الدوام

طيب فى حاجة فيها ممكن تكون عيب
1. بسبب علوها عن الارض فى ناس بتقول انها غير مستقرة على السرعات اللى بزيادة عن 160 (وده مش كلام انا شفته ده على السمع بس وممكن وانا اظن انه غير اكيد)
2. قطع غيارها اغلى من اللانسر
3. مفيهاش فتحة سقف طبعا (ده فى مصر بس لان فى الخليج نزلت عندهم موديلات فيها فتحة سقف)

ثالثا علشان اكون حقانى ومحايد تماما (بغض النظر عن تفضيلى التام للكورولا)
بخصوص اللانسر السوبر اكشن
1. فتحة سقف
2. عتب
3. جنوط سبور
4. ثابتة على السرعات العالية (فى ناس بتقول ان ال180 دى بالنسبة لهم عادى جدا)
5. تكييف تلاااااااااااجة (بس اقل من الكورولا طبعا ده من وجهة نظرى الناتجة عن تجربتى الشخصية مع سيارات اصدقائى)
6. واسعة من جوة (نسبيا)
7. سعرها كويس وممتازة فى اعادة البيع (اصبحت منتشرة بكثرة ومطلوبة اوى)
8. قطع غيارها اقل فى السعر من الكورولا

عيوبها
1. قريبة من الارض (واطية) وبالتالى شغالة حك فى مطبات المحروسة الا مع اللى فاهمين السواقة (بس فى مطبات شوماخر بنفسه بيحك فيها وهو مستغل كل فنه وحرفيته الشديدة) (مصر بقى)
2. عدد الاحصنة اقل من الكورولا
وعلى فكرة تقريبا فى 2004 او 2005 كان فى اخبار السيارات (تقريبا) عملوا مقارنة صغيرة بين الكورولا واللانسر من حيث الموتور
وكان موتور الكورولا ال 1300 اعفى واشد من اللانسر ال 1600

واخيرا انت صلى صلاة الاستخارة وربنا يوفقك ويراضيك

ويا جماعة علشان محدش يزعل من دى كلها اراء خاصة بى (يعنى اللى شايف غير كده من وجهة نظره يبقى صح طبعا لان دى قناعات شخصية وفى الاول والاخر انا بشر)

وكل عام وانتم بخير
والسلام عليكم ورحمة الله وبركاته

[نبيل عبدالرحمن]

وأنا مع رأى Ahmedsl التويوتا كورولا موديل 2007 هى الأفضل بلا شك من جميع النواحى ، وربنا ان شاء الله ها يدلك على واحدة كويسه ، وياريت لو تطمنا

والله انا مستحرم انك تجيب عربية مستعملة وانتا معاك مبلغ يجبلك عربية زيرو محترمه وانتا حطط رجل علي رجل

[dobiues]

لو بتحب الامان والجودة والثبات والاستايل يبقى فوكس انا شاري واحدة لابنى واحدة لمراتى وانا راكب مونديو مدمن فورد ....... وسواق من 30 سنة ..... عربية