مساعده فى تعديل الصوت وتنظيمه

[Injection]

البازوكا عبارة عن أنبوب كبير وفى أخره صب.

الصب ووفر عبارة عن صندوق وصب.

يعنى الفرق بينهم فقط فى طريقة تركيب الصب فى الصندوق بتاعها, اللى هو فى حالة البازوكا أنبوب.

البازوكا هتدخل فى أخر الشنطة من جوه وهتتركب عند الكنبة, بالتالى هتدمر المساحة اللى جوه تماما.

الصب حسب الصندوق بتاعها, بس هتاكل مساحة كبيرة من الشنطة, أقل شوية من البازوكا علشان أرتفاع الصندوق هيبقى أعلى وبالتالى مش هياخد مساحة أفقية كبيرة.

البازوكا وهى متركبة, بس خلى بال حضرتك العربية دى هاتشباك أصلا, فالبازوكا واكلة نص الشنطة علشان الشنطة صغيرة أصلا (لاحظ الكنبة فين).


أما الصب, فشكلها هيبقى كالتالى بصندوقها



البازوكا ال jbl ال 1000 وات تعمل حوالى 620 الى 650 جنيه.

أما الصب, فالصب لوحده يعمل حوالى من 320 الى 370 جنيه لأى صب 12 بوصة.

والصب طبعا هتجيبله صندوق, الصندوق يعمل من 100 الى 150 جنيه للحاجات النضيفة.

وخلى بال حضرتك أنه برضه فى الأمكان أنك تجيب للصب تيوب بازوكا, يعنى تجيب الصب وتركبها فى صندوق أسطوانى, وبنفس تكلفة الصندوق العادى.

يعنى تجيب صب وتحوله لبازوكا.

والصب والبازوكا الأثنين هياكلوا من الشنطة جامد, بس فى المقابل طبعا صوت خرافى.

[hatem_eg]

المشاركة الأصلية كتبت بواسطة hossamrotana ........... والسماعتين البايونير شغالين على الجى ام وفتحت فتحتين فى الصاج الخلفى علشان السماعتين وثبتهم على خشبه <<<< سمك الخشبة سمكها كام ملي ؟؟ وليه كونتر ؟ ليه ما عملتهاش خشب MDF يفرق كتير في الاداء ضعيف وعن تعليه الصوت بحس ان رق السماعات البايونيرهيتخلع من مكانه وبطر اوطى الطبله شويه <<<< أسباب كتيره ، يا اما السماعات نوعهم مش اوي ، يا اما وده الارجح عدم تناسق في القدرة بين السماعات والجي ام ومش شرط السماعات 400 وات يكونو فعلا 400 ممكن استكر ايه رايكم اركب صب فى الشنطه الخلفيه ولو ركبت صب يكون نوعه ايه وكام واط وصندوقه يكون ايه <<<< MDF بسمك 16 ملي ويكون متقفل كويس ومتنجد ، تأكد من فتح فتحيتين تهويه للسماعات تتناسب مع قوة الصب وفى مشكله ضغيره عندما اوطى الصوت بسمع صوت المحرك فى السماعات لما بكون مشغل الجى ام ارجو الافاده يا حبايبى ولكم الف شكر

أخطاء شائعة يقع فيها الكثير عند تركيب السيستم وكلها تسبب تشويش في الصوت وتؤثر على درجة نقاؤه :-
قبل أن نبدأ ،، تأكد من استعمال جميع الاجهزه الصوتيه فيما يرضي الله

تأكد من الكهربا بتاعة العربية وخاصة الدينامو ، ما يبقاش اي اسلاك كهربا متعريه وكله يكون معزول بشريط كهربا.

احيانا البوجيهات القديمة تسبب تشويش على الكاسيت أو الراديو

اللي فات مافيهوش مشكله ؟ يبقا اللي جاي هو الأرجح وده للأسف عيب كبير عند أغلب الفنيين اللي بيركبو أنظمة الساوند سيستم :-

يجب تركيب فلاتر او مرشحات للتيار قبل دخول سلك مصدر الكهرباء لاي جهاز في الساوند سيستم ، ( مكثف ) يتم شراؤه من راديو شاك مثلا او اي محل يبيع مثل هذه الادوات ، وده بيعزل عزل جيد لاي شوشرة جايه من مصادر الكهرباء او الماتور

يجب ان يتم تمرير اسلاك السماعات بعيدا عن اي سلك يمر به مصدر كهربا ، ولو اسلاك السماعات الخلفية ماشيه مع ضفيرة الكهربا اللي رايحه للشنطة ( يبقا توصيل خاطئ ) يجب ان تكون اسلاك السماعات ممده من الجهه الاخرى ، بمعنى انه لو ضفيرة العربية ماشيه من جهة الشمال ، يبقا مدد اسلاك السماعات بتاعتك كلها من الجهه اليمنى

تأكد تأكد تام من ان اسلاك السماعات من نوع جيد ((( اللي بتيجي مع السماعه مش اللي بتباع المتر بربع جنيه ))) ولا يوجد بها اي انحناءات حاده ، او اي خدوش بالطبقه الخارجيه ( البلاستيكية ) المغلفة للسلك النحاسي ( مش متعري ) حتى تتجنب اي تداخلات بينها وبين اي مصدر كهربي او اي مجال كهرومعناطيسي اخر ،، والاهم انها تكون معزولة من نهاياتها سواء اللي داخله في السماعه او اللي خارجه من الكاسيت ،،، النهايات بتكون طبعا كليبسات ومغلفه بتغليف بلاستيكي بيجي مع الكلبس الاصلي للسلك.

ترتيب وتنظيم الاسلاك الخارجه من الكاسيت وضمهم لبعض كلاً حسب وظيفته ، بمعنى تخلي اسلاك خرج السماعات كلهم مع بعضهم وملفوفين بنظام مع بعض ،،، اسلاك الباور بعيده عنهم قدر الامكان ،، وكلهم معزولين عزل جيد ومافيش سلك ظاهر

مهم جدا جميع اسلاك الارضي للكاسيت او اكولايزر او امبليفاير يلتقو في نقطه واحده ومثبتة تثبيت جيد بواسطة ورده وصاموله ، او مسمار وعليه وردة ومثبتين في صاج العربية تثبيت جيد محكم ، ويكون الصاج غير معزول او مغير مدهون في نقطة الإلتقاء ، في بعض الاحيان يمكن ربطهم جميعا بسلك واحد وما يكنش ضعيف وتمديدة في مكان يتم التأكد من ملاصقتة لشاسية العربية ( غير مدهون ) ،،، طبعا مش حيكون صعب فهم السبب ، لان الالكترونات في اي جهاز مركبه بتبحث عن طريق للعوده مره اخرى لمصدر الكهرباء ( اللي هو البطاريه ) ،،، فهي دي المشكله لو ما كنش موجود او غير مثبت تثبيت جيد ، قليل من الالكترونات دي كفيلة بإنها تسبب تشويش على إشارات الصوت ،،، عزل الارضي او التأريض الخاطئ يسبب لك مشاكل في الصوت وخاصة في إستجابة البيز Bass
ونظرياً أفضل مكان يتم فيه توصيل الارضي لأنظمة الصوت هو المصدر ( البطاريه ) ، وفي اعتقادي 90% من مشاكل الشوشره في نقاء الصوت هي مشاكل عدم توصيل جيد للأرضي.

لو لزم الامر في انه لابد اسلاك السماعات تمر جمب اسلاك فيها كهربا ايا كانت وظيفتها ،، حاول قدر الامكان ان تكون نقطة الالتقاء بشكل علامة ( + ) تقاطع يعني ولا يكون التقاطع على شكل حرف X ( تقليل نقطة التلاقي قدر الامكان )،، ايضا من الخطئ ان يمرو بالتوازي ملاصقين لبعض ( اسلاك السماعات واسلاك الكهربا )

تأكد من سلك الانتينا ( الأريال ) الداخل للكاسيت معزول بواسطة الفيشة الخاصه به ، او لفه بشريط عازل

تأكد من عدم وجود سلك كهربائي يمر بجوار اي سماعه وخاصة الجزء المعناطيسي للسماعه

هام جداً في اسلاك السماعات،،، توصيل الطرف السالب في الطرف السالب لفيشة الكاسيت ، والطرف الموجب في الطرف الموجب ، عكسهم يعطي ضعف وتشويش في الصوت ،، ايضا جميع الاسلاك ايا كانت كهربا او سماعات يتم توصيلهم عن طريق كلبسات ،،، بلاش الشغل البلدي يقوم بالبنسه قاصص ومعري السلك ويروح لافف الطرفين على بعض ومشي حالك وده لو لف عليهم اصلا شريط لحام !!

يفضل ان تكون البطارية في حالة جيدة ، ضعف وانخفاض البطاريه يسبب في فشلها
في القيام بوظيفتها في عملية الشحن كما ينبغي.

لابد وان يكون هناك تناسق بين قدرة الكاسيت وقدرة الامبليفاير وقدرة السماعات وبيكون ليها حسبه مش اي حاجه على اي حاجه وخلاص.

تأكد من انه... لا بس خلاص كفاية كده طولت عليكم

تحياتي لك وشكرا

حصري وحصري فقط لمصر موتورز

[hossamrotana]

الف شكر يا حبايبى على التوضيح وبالنسبه للشوشره دى ضعيفه جدا اى لو مشغل اى اغنيه مش بسمعها خالص انا بسمعها لما بكون مشغل الجى ام فقط بدون ما اكون مشغل اى اغنيه ولو اقفله الجي ام ومشغل السى دى فقط مش بسمع شوشره خالص
انا عايز اجيب المكثف ده ومش عايز اروح للكهربائى ده اسمه ايه المكثف ده وبيركب ازاى
والحاجه الاخيره انا ناوى اجيب بازوكا عايز اعرف هيكون توصيلها ازاى مع الجى ام ومع السماعتين البايونير
وعلى فكره الجى ام 2 قناه فقط ايه رايكم اشغل قناه للسماعتين واشغل القناه الثانيه للبازوكا ولا هتكون ازاى التوصيله الصحيحه و1000000الف شكر مره اخرى
ارجو الرد السريع يا حبايبى

[hossamrotana]

فين الردود يا حبايبى