~ لو بتفكر تجيب فـــــــــــــــــــــــو رد ~

[foxman95]

السلام عليكم و رحمة الله و بركاته

دا رأي يا جماعة عن الفورد

انا كنت خلاص هشتري فورد اسكورت بس بعد بحثت كتيييييييييير جدا عنها و دا اللى وصلتله ( كلام اكيد مش مجرد قراية )
و حبيت افيد بيه اى حد بيفكر يجيب العربية دي

نبدأ بالمميزات

* الفورد بدون شك عربية محترمة جدا عن كتير اوي غيرها سواء فى لاداء او الثبات الخ .

* مش منتشرة يعني مش شعبية يعني انت هتبقى مميز بيها .

* ثمن المستعمل منها رخيص جدا بالنسبة لامكانيتها .

* شكلها شيك و شبابية جدا و التعديل الشكلي فيها بيبان من اقل لمسات

العيــــــــــــــوب

* العربية دي وجع دماااااااااااااااااااااغ ..

اولا : اللى بيبيعها 90 % بيبيعها عشان فيها حاجة مش مرياحاه تمام سواء بتسخن او غيره يعني كدا كدا هتدبس .
ممكن يكون مغير فيها حاجة بس غيار مش اصلي يقعد اسبوع معاك و بعدين بالسلامة و تلبس انت . ممكن يقولك العيوب اللى فيها و بكدا يبقى انسان محترم و العيب دا ممكن نتلاشاه . بس العربية دي تجيبها زيرو افصل 100 % من لو كانت مستعملة

ثانيا : قطع غيارها غالية مع انها معمرة الى حد ما لانها بتبقى اصلية

ثالثا ( مهم جدا ) : اماكن الصيانة محدودة جدااااااااا فى القاهرة فقط و صنايعي او اتنين فقط اللى بيفهمو فيها يعني ممكن الميكانيكا يتحكم فيك لانك مش هتلاقى غيره بعد التوكيل اللى بيسرقك عيني عينك يعني مثلا لو حصلت مشكلة بينك و بين الميكانيكي دا يبقى انسى العربية

رابعا (مهم جدا ) : ميزة اى عربية تانية عنها انك ممكن تلاقى الف جواب لاي استفسار عن اى مشكلة تواجهك فى العربية
عالنت بدون اللجوء للذهاب للميكانيكي انما الفورد ابقى قابلني لانك هتلاقي عدد قليل اوي من الناس اللى عندها العربية دي .

بصراحة العربية كانت شداني جدا جدا فى البداية بس لما فكرت تفكير منطقي لقيتها مالهاش اى لازمة

تحياااااتي للجميع و ارجو ان تكونو استفدتو

[MEMOO_1ST]

هوا فعلا الفورد عربيات حلوة جداً بس متتركبش في مصر.
وأحسن حاجة ان انتا بعدت عنها.