|
اﻷنشطة و المقابلات و التعارف خاص بمواضيع انشطة ومقابلات و التعارف بين اعضاء المنتدى يجب الحصول على موافقة من الإدارة قبل نشر أى موضوعات بهذا القسم |
|
أدوات الموضوع |
#1
|
||||
|
||||
*** الحقيقة وراء سام رام ***
السلام عليكم
ازاي اخباركم جميعا ان شاء الله تكونوا جميعا بخير و صحة و سعادة بالأمس كنت في مدينة ستة أكتوبر مشوار شغل ،، و أنا هناك ،، جاتلي فكرة ماعدي علي نجم نجوم المنتدي الأخ العزيز مهندس سامح رمزي الاسم الحركي في المنتدي سام رام ،، و اسم الدلع بتاع د/ بولبلان ،،سانجام و الفكرة جاتلي الصراحة لاني لما بروح 6 أكتوبر بتكون بالنسبة ليا متفرقشي كتير عن اني رايح السويس مثلا و الطريق طوووويل و بلاد تشيلك و بلاد تحطك فالواحد يمكن يحتاج يقف يعمل ريست و في نفس الوقت يقعد مع الممتع سام رام كلمت سام رام ،، و الحمد لله كانت الظروف سامحه و الراجل موجود في 6 أكتوبر انا كان مشواري في طريق الواحات اللي هوا طريق دريم لاند و مدينة الانتاج الاعلامي و كده خلصت المشوار و كلمت سام رام لقيته ساكن في نفس الطريق في كمباوند اسمه حي الأشجار اللي هوا حي الأشجار احسنت الاختيار او علي فين علي فين علي فين علي فين علي فين رايحين حي الأشجار رايحين لبلدنا و لك ولادنا حي الأشجار رايحين ده اعلان قديم مش هيفتكره غير قدامي البني ادميين زي حالاتي سام رام بكل ذوق خيرني ما بين اني اجيله نقعد في كافيه هناك او اي مكان تاني في 6 اكتوبر طبعا ما رضيتشي اتعبه و خصوصا انه علي طريقي و اقرب الصراحة استقبلني سام رام بكل ترحاب و خدني قعدنا علي كافيه هناك و اتكلمنا كتير اووي لمده طويلة بتاع ساعتين في كل حاجة عن الشغل و عن حياته و عن العربيات طبعا بكل انواعها و عن المنتدي العزيز صورة الكافية و بعد ذلك قام مشكورا باصطحابي بجولة داخل الكمباوند و اليكم بعض الصور ،، بكاميرا موبايل سام رام شخصيا صورة للمسجد صورة عامة و تظهر فيها متألقة سيارتي صور عامة صورة الوجيه سام رام ،، صوره الغلبان ، أحمد أنور و الكمباوند ظريف جدا و منسق باسلوب جميل و هادئ و مريح للأعصاب و متوفر به كل الخدمات لا يعيبه غير انه علي طريق مخيف ،، تريلات و عربيات بتجري و كله بينط من حارة لحارة و اللي حصل بعد كده سام رام ميعرفهوش لسه بعد ما ودعني ،، يدوب خارج من البواب و طالع علي الطريق و باعدل نفسي الاقي صوت زمارة بس مش زمارة تريلا زمارة قطر تقريبا انا قولت خلاص بيني رميت نفسي في نص الشارع رغم اني كنت يدوب مفيش اول اتنين متر في الشارع طبعا فرملت و كسرت جامد شوية و هاخش في الرملة و قلت استني بقه لما يجي يشيلني و يريحني من الذعر ده و استني الايرباجز تفتح ،،، هههههه عادي جدا لقيت القطر قصدي التريلا معدية علي بعد كبير جدا جدا مني بس علي سرعة كفيلة انها تفتح الاير باجز رغم اني معنديش ايرباجز اصلا رغم ان الصور المرة دي من موبايل سام رام اللي يبدوا انه من النوع الفاخر بس برده كالعادة معلهشي الصور تعبانه ،،، هههههه معلهشي يا سام باشا انتا صديقي و من شلتي ،،، بس الحق يتقال ههههه شكرا الاخ العزيز سام رام ،، علي حسن الإستضافة و هاقرفك ان شاء الله كل ما انزل 6 أكتوبر هتلاقيني جايلك |
#2
|
|||
|
|||
رد: *** الحقيقة وراء سام رام ***
دي مقابلة علي الطاير
صور لذيذة و واضح انه كان لقاء ممتع
__________________
IBIZA |
#3
|
رد: *** الحقيقة وراء سام رام ***
أنا بينى و بين دريم لاند بالضبط 55 كم ! و ماعرفش أى حاجه عن 6 أكتوبر غير سنة1973
و حقيقى فكرتى عنها انها لامؤاخذه ( هو ) و مبانى شعبيه صماء ! لكن الصور غيرت فكرتى رغم انها غامقه و ماطلعتش كلها و طلعت روحى على مانزلت ! وللآسف لم تظهر صورة اللواء أحمد أنور ولا الشاويش سانجام ! بس أخدت انطباع ان سام رام ده اقطاعى من الدرجه الآولى ! و ممكن أضحى ب 30 جنيه بنزين و أروح أزوره على الغذاء ( بس موش فى الكافيتريا ) ! Dr. Bolbolan ptmnlo123per154
__________________
ليت الشباب يعود يوما فأخبره بما فعل المشيب بى ! ptmnlo123per1127 |
#4
|
||||
|
||||
رد: *** الحقيقة وراء سام رام ***
أدام الله المحبة
مكان حلو وصحبة أحلى لو بتنزل الشرقية نحن فى انتظارك |
#5
|
||||
|
||||
رد: *** الحقيقة وراء سام رام ***
و الله و حشتوني
افتكرت مقابلة الزمالك و الكلبش ذكريات حلوة
__________________
مقولة مأثورة (اللَّهُ يَنْصُرُ الدَّوْلَةَ الْعَادِلَةَ وَإِنْ كَانَتْ كَافِرَةً وَلَا يَنْصُرُ الدَّوْلَةَ الظَّالِمَةَ وَإِنْ كَانَتْ مُؤْمِنَةً)
|
|
|