#1
|
|||
|
|||
شكلي اتفقعت عين النهارده مع النترا 2012
هههههههههه
قصة غريبة جدا و لا حواديت الف ليلة و ليلة .. انا كنت جبت عربية النترا اوتوماتيك 2012 زي النهارده كده من اسبوع و طول الاسبوع ده كنت بارخص فيها و اظبطها و كله تمام و النهارده كنت طالع ادور على فرش ليها و طقم دواسات و عديت على سبير كير و للاسف لم اجد ما احب و خصوصا اني كنت شفت فرش مخصوص للالنترا الجديدة بالذات و مالقتوش عند سبير كار و الرجل كان عاوز يركبلي فرش generic و يقولي كله واحد و ماتخليش حد يضحك عليك المهم كلامه مادخلش دماغي و نزلت شارع الاكسسورات عند محل اسمه القبطان و لقيت عنده فرش نازل مخصوص للالنترا 2012 بخامات الماني و ماركة يونيتكس و خدته على حوالي720 جنيه و سمعت انه بيتباع باقل من كده بس انا كنت مستريح للمحل و خدت طقم دواسات بيج vital road تايواني نضيف جدا ي 150 جنيه و ارضية جلد للشنطة بحوالي100 و حاجة الفرش كان جلد صناعي بيج بس فاخر و مرسوم بالظبط للالنترا زي الفرش الاصلي بالظبط و شاب اسمه حماصة زي الفل و قرد ماشاء الله و شكله اشتغل في كذا عربية قبل كده و عملهالي بنضافة و خدت من حوالي ساعة لاتنين .. و العربية ماشاء الله بقى شكلها فاخر جدا و اخر الاجة .. بس يا سيدي و جيت اكلمها راحت معيطة هههههه .. و انا بادوس بنزين سمعت صوت شخللة من الكرسي بتاعي ال انا قاعد عليه و انا بافرمل بارده اسمع صوت شخللة !! زي مايكون فيه مسمار عمال يروح فدام و يرجع ورا .. تدوس بنزين يقوم المسمار او اي كان يقوم متزحلق ورا و تقوم مفرمل مره واحده يقوم المسمار يتسمع و هو بيجري لقدام و هكذا قعدنا ندور في المجرى بتاع الكرسي على مسمار او فكة معدنية تكون واقعة بس مفيش حاجة باينة فكينا الفرش بتاع الكرسى القدماني و ضهره البلاستيك و دورنا و برده مافيش فايدة المهم بعد ساعتين تدوير روحنا البيت و ابويا قالي هننزل ندور عليه و خصوصا ان عنده طقم مغناطيس جامد .. و قعدنا ندور في كل حته ممكن يكون فيه مجرى تسمح لحاجة معدن انه تجرى فيه مفيش فايدة .. المهم لقينا كمان فتحات تحت الكرسي : واحدة للتكييف و التانية بيعدي منها كابل كهرباء و واحدة بتاعت الشنطة و البنزين و قعدنا ندخل فيهم المغناطيس بدراع طويل مخصوص و لا الهوا .. و بعد محاولات يائسة اصابنا اليأس و طلعنا و قلنا ننزل نكمل شغل بكره .. و قلنا مافيش حل غير اننا نخلع الكرسي و نحاول نشوفه فين و هو طبعا حاجة من اتنين يا اما نزل الجزء المعدن ده ما بين ارضية العربية الفابريك و الصاج او نزل في احدى مجارى الكرسي من تحت او ممكن يكون نزل في فتحة الهاند بريك مثلا جنيه معدن و لا حاجة المهم شوفوا سبحان الله تبقى جايب عربية بالشيئ الفولاني و يجي جنيه معدن او مسمار بجنيه ممكن يخليك تفك العربية 100 حتة و ممكن ماتلاقهوش .. على العموم الحمد لله على كل شئ و ادعوولي يا شباب ان الاقى القطعة المعدنية ده |
#2
|
|||
|
|||
رد: شكلي اتفقعت عين النهارده مع النترا 2012
يا رب تلاقيها
__________________
اشهد ان لا اله الا الله و ان محمداً رسول الله http://upload.wikimedia.org/wikipedi...oul_Fotouh.jpg |
#3
|
|||
|
|||
رد: شكلي اتفقعت عين النهارده مع النترا 2012
اولا الف مبروك ربنا يديك خيرها ويكفيك شرها
ويحميهالك من العين ثانيا ان شاء الله تلاقي القطعة المعدنية ومتنساش تطلع عليها اي شئ ذكاة او اي حاجة علشان العين وربنا يباركلك فيها
__________________
جهاز كسر زيرو بالعلبة والضمان وكامل المشتملات وامكانيات عالية http://www.masrmotors.com/vb/showthr...599#post583599 |
#4
|
||||
|
||||
رد: شكلي اتفقعت عين النهارده مع النترا 2012
ربنا يكفيك شرها و يسعدك بيها
نصيحة لوجه الله السيارات الحديثة بتغري بالجري و الالنترا في مصر خالية من كل وسائل الحماية و الامان فيا ريت ما تنخدعش بالجري و خصوصا حتلاقي شباب كتير بيشد معاك و يثيرك ما تجريش وراه امشي على مهلك و اضحك عليه و الله اغلب الحوادث بالعربيات الزيرو و الحرفيين حاليا باقت مليانه انصاص من الالنترا الجديدة كلها انصاص خلفية و الحدق يفهم |
#5
|
|||
|
|||
رد: شكلي اتفقعت عين النهارده مع النترا 2012
ربنا معاك فعلا قد النملة وتعمل عمله يعني حاجه ملهاش اي لازمه تكرهك في حياتك ده انا الهاند بريك عندي اتملي جنيهات معدن الله يسامحه بقا اللي بلانا بيها
|
|
|