لمبة الEPS منوره على طول

[احمد على 1999]

الف شكر يا استاذ فيكتور على هذه النصيحة الغالية
عندى سؤال مهم
هى العربية كانت عاملة كام الف كم ؟
و فى التوكيل مقالوش ايه اسباب التلف ؟
و الاهم
ايه النصايح علشان متبوظش ؟
و ايه بالظبط الى كان باظ فى القطمة ؟ التروس اتاكلت او سن اتكسر فى عامود القطمة ؟
هل ده يعتبر عيب فى التصنيع ؟

[victornabil2002]

شوف يا استاذ احمد انا عربيتى كانت عمله 43 الف كيلو و بالنسبه لموضوع القطمه ده فى التوكيل بيغيروه على طول من غير مناقشه عشان دى حاجه بتهدد الحياه زى مانا قلتلك لو الدركسيون قفش لا بيروح شمال م لا يمين و موضوع التلف ليه سببين عمر افتراضى و عدم جودة تصنيع القطعه و عامل السواقه ليه نسبه بسيطه بس المهندس قاللى العيب ده كان منتشر اوى فى موديل 2007 و كانو بيغيروا القطمه حتى لو بره الضمان والشركه الام عملت تعديل معين فى القطمه من اول 2008 و الشكاوى قلت بس كان المهم عندى انه يتغير و اهم النصايح ان الواحد ميلفش الدركسيون لغاية الاخر خالص بالنسبه للى باظ هوا عندى مفيش حاجه باظت هوا كان فيه بوش خفيف كده بين العمود و حاجه تانيه متوصله فيه هيا اللى كانت بتعمل صوت الطقه و عموما كل عيوب القطمه لو جوا الضمان بيغيروها على طول عشان مبيكونش عيب سواقه عشان دى قطعه على بعضها بينى و بينك انا عندى مكانتش مستاهله تغيير القطمه كان ممكن امشى كده بالصوت بتاع الطقه ده اصله مكانش بيحصل على طول دا كان يا دوب مره كل اسبوع وانا بركن كده اسمع صوت الطقه ده بس فى الملفات العاديه حتى الملفات القاسيه مكنتش يسمع صوت طقه و لا حاجه بس انا قلت اغيرها عشان اريح دماغى يا ريت اكون قدرت افيدك و ربنا يسترها على الكل

[احمد على 1999]

الف الف شكر
هو فعلا لا ينصح بلف الدركسيون لغاية الاخر حتى فى الباور الهيدروليك
و فعلا معظم الاجهاد على المنظومة و العربية واقفة و اثناء الركن لكن اثناء التحرك بتبقى الاحمال اخف

[victornabil2002]

لا شكر على واجب الواحد بيحاول ينقل تجربته عشان غيره يستفيد زى ما الواحد استفاد برضو بتجارب الاخرين

[Arch.ahmed]

جزاك الله خيراً