النترا بعد الجنوط

[ابو جودة]

ربنا يباركلك ويحفظك من كل سوء كتير اوى السرعة دى على هذا الطريق وربنا يحفظك مرة اخرى

[lol64]

المشاركة الأصلية كتبت بواسطة ابو جودة ربنا يباركلك ويحفظك من كل سوء كتير اوى السرعة دى على هذا الطريق وربنا يحفظك مرة اخرى

ويبارك فيك ياباشا وشكرا على النصيحه دى وان شاء الله اعمل بيها

[بدر بسيونى]

[quote=lol64;197467]الفيديو ده اهداء لاخى بدر بسيونى لتوضيح جمال سواقه الالنترا بعد تركيب الجنوط وعندى حاجات تانيه كتير بس مش عاوز اخضكم
ملحوطه انا سايق وفاتح الزجاج بتاعى وبصور بالايد اليمين وسايق بالشمال والارض مليانه مطبات هواومتخافوش انا المتوسط بتاعى من 140 ل 170 بسم الله ماشاء الله وربنا يباركلك فيها يارب وييك خيرها ويكفيك شرها ويحفظك ويحفظهالك واسمحولى اشكر اخويا وحبيبى علاء اللى بجد انسان محترم فوق الوصف على خلق وانا سعيد ويشرفنى معرفته

المشاركة الأصلية كتبت بواسطة lol64 وائل باشا اللمبه الحمرا دى اللى فى التابلوه بتاعت السرعه بعد ال 120هى بتدى صوت رنه حوالى 6 مرات وبعدين تسكت ويبقى نور تنبيه بس استاذ الالنتراكلام سليم 100%وكمان لمبة الحزام كده بالنسبه للجنوط هى 15 والكاوتش هانكوك الاصلى بتاعها مع ملاحظه انه مش عاجبنى لانى بدلته ببريدجستون اعرض من واحد صاحبى معاه النترا 2006 ورجعه تانى لانه حس بالفرق جامد وانا كمان مش قادر انساه كاوتش هايل مقاس الهانكوك 185-65-r15-88h وان شاء الله هاغير الجنوط الاسبور ال 15 ب 16 وكاوتش بريدجستون عريض وصدقونى ياجماعه فعلا بتفرق جامد واسال واحد مجرب الموضوع ده مش اى حد تانى بالنسبه للمناورات ممتازه جدا وعلى طريق السويس مثلا انا ولانسر سوبر اكشن كنا بنستعرض بين العربيات النقل وسرعات فوق ال 160 وسلمنا على بعض فى اول الدائرى وطلع مدير مقيم فى فندق فى الغردقه نصيحه للى يشترى النترا اولا يجيبها خليجى ويتحرق التوكيل على اللى فيه لان الفرق شاسع فى الدهان وفى كل شئ ثانيا يجيبها بجنوط وabs

وانا متفق معاك ياعلاء باشا ان الالنترا محتاجة ABS لان حتديها قدة على المناورة وانت مش قلقان مالهاش حل واسمحولى اقولكم على حاجة ومش حتصدقوا انا بستريح فى الالنترا وسواقتها اكتر من السيفيك 2008 برغم ان السيفيك موتور وثبات خرافى بس الالنترا ليها طعم الدركسيون الخفيف ده متعة وحتحس بيها بعد فترة من استخدام العربية وزى ماانت قلتلى ياعلاء حتاخد على الباور بتاعها وفعلا هو فى الاول بيخض بس مع الوقت مش حتستريح الابيه وبرغم ان السيفيك باور كهربى برضه الا ان الالنترا اخف واسهل وبالنسبة للسرعات العالية بتتعود السواقة بيه وشكرا يا علاء باشا على الموضوع اللى بتفيد بيه كل ملاك الالنترا وربنا يباركلك ويجازيك خير يارب وموضوع متميز ووممتاز جدا

[lol64]

الكلام ده كتير عليا قوى يابدر باشا انا اللى باتعلم منك والله وكفايه زوقك ومساعداتك لكل اعضاء مصر موتورز
انا الحمد لله والشكر لله مبسوط منها بس لو رجع بيا الزمن مكنتش هاتنازل عن الفرامل ال abs والخليجى مش التوكيل وانا شفت بنفسى عربيه زميلى هنا جايبها خليجى 2010 نفس الخدش البسيط اللى انا اخدته ورا ده كان بعربيته وهو طالع من جنبى فى البارك بناع الفندق وباسم الله ماشاء الله عربيته ماتاثرتش اطلاقا لما ورانى اللى حصل والعربيتين قدام بعض قلتله مصر هى امى قعد يضحك

[superstar2010]

يا أخى وقعت قلبى انا كنت خايف عليك انت ايه معندكش قلب والله انت خوفتنى عليك بجد يا لول خلى بالك من نفسك وزى ما قلك الاستاز ابو نوره اولادك محتاجنلك وربنا يسترها معاك ومعانا