#1
|
||||
|
||||
تجربتى مع ظبط زوايا و ترصيص و عمل زرجينة للاكسيل هاتش باك 1300 سى سى موضوع مميز
السلام عليكم ورحمة الله وبركاته
طبعا من ساعة ما جبت العربيه وكنت بأعانى من مشكلة صرخ الكاوتش فى الملفات و ان بعد سرعة ال 120 العربيه تترج جامد وبتبقى مراجيح المولد فبضطر اقلل من سرعتى شوية واخلينى على 100 اخرى ومبشدش عن كدا واللى كان مخلينى ااخر الحكاية ديه انى كان فيه حاجات مهمة الاول الواحد يعملها وبعدين نعمل الباقى لغاية ما جيت النهارده استعنت بالله وقولت انزل اظبط الحكاية ديه وفعلا سميت الله وروحت عند بنزينة شل اللى فى المعادى عندنا فى شارع مصر حلوان الزراعى عند دخلة الكورنيش من عند مستشفى المعادى العسكرى والمحكمة الدستورية المهم انا بصراحه كنت بتعامل معاهم من ايام ال 128 وكان اللى شغال هناك اسمه طارق بصراحه راجل محترم واكثر من ممتاز بمعنى الكلمه المهم روحت استنيته شوية لانه مكنش موجود لغاية ما جه قلتله انا عاوز ارصص و اظبط زوايا قالى ماشى بدائنا ظبط الزوايا وطلع ان العجل الامامى مفتوح روحنا ظبطناه وبعدين طلع على الكمبيوتر ان العجله الخلفية نحية السائق داخلة لجوه 1 سم فلقيت الاسطى طارق قالى عاوزه زرجينه قلتله هتكلف كام قالى 40 جنية قلتله ماشى راح رايح جاب الزرجينه وركبها وديه صورة للزرجينه اثناء عملها وبعد ما خلصنا الزرجينه ركبنا العجل تانى وركبنا الاجهزة بتاعت ظبط الزوايا الجهاز طلع ان خلاص كدا كله مظبوط تمام بعد ما خلصنا روحنا مودينها على كبينة الترصيص و اتحطط العربيه على جهاز كدا قام الجهاز رفعها وفكينا الاربع جنوط وحطيناهم جنط جنط على الجهاز و رصصناهم والحمد لله نجرب بعد كل ترصيصه بيبقى كله تمام وركبنا العجل ودفعت الحساب كالاتى 30 ظبط زوايا وتربيط عفشه 40 زرجينة العجله الخلفية 40 ترصيص الاربع جنوط اسبور يبقى الكلى 110 جنية مع العلم ترصيص الجنوط الحديد العادية ب 5 جنيهات فقط للفرده وقمت طالع من عندهم وطلعت على الكورنيش بصراحه كانت حاجه ممتازة مبقاش فيه اى نوع من انواع الاهتزازات اللى بعد ال 120 وجبت لغاية 140 وكان كأنى ماشى على 80 بدون مشاكل نهائيا وللاسف كنت ممكن اجيب اكتر من كدا بس الطريق مكنش يسمح علشان كل كام كيلو فيه مطبات وبعدين رجعت تانى من الكورنيش وخلت المعادى وبقيت اجرب الملفات بسرعه صوت صريخ الكاوتش راح نهائيا ولا كان فيه حاجه وبجد انا انصح اى حد بيفكر يزبط زوايا او يرصص يروح المكان ده اسعارهم رخيصه والشغل بمنتهى النضافه والسرعه وديه بعض الصور صورتها من ايام ال 128 لما كنت بعملها هناك ده غرفة ظبط الزوايا وده الاسطى طارق كان بيركب اجهزة ظبط الزوايا على ال128 وديه غرفة غسل حوض الماتور بالكيماوى و السلام عليكم ورحمة الله وبركاته
__________________
|
#2
|
||||
|
||||
رد: تجربتى مع ظبط زوايا و ترصيص و عمل زرجينة للاكسيل هاتش باك 1300 سى سى موضوع مميز
جزاك الله خيرا على موضوعك
كنت عايزة افهم حاجة مش قادرة آخد بالى من الزرجينة فى الصورة تحديدا فياريت تحددلى شكلها ايه اللى انا مش فاهماه بقى انا روحت لبتاع زوايا عشان اظبط زوايا العربية وقاللى الناحية الشمال طالعة لبرة بتخلى العربية تحود شمال وقاللى على الزرجينة وانه هايعملها وحاسبنى عليها بالفعل بس ماشوفتش الصنايعى فك عجل ولا حاجة وجهاز الظبط حطه مرة واحدة بس ايه الموضوع ده ولا الراجل لبسنى العمة |
#3
|
||||
|
||||
رد: تجربتى مع ظبط زوايا و ترصيص و عمل زرجينة للاكسيل هاتش باك 1300 سى سى موضوع مميز
__________________
|
#4
|
||||
|
||||
رد: تجربتى مع ظبط زوايا و ترصيص و عمل زرجينة للاكسيل هاتش باك 1300 سى سى موضوع مميز
يبقى انا كده فعلا لبست العمة وب 60 جنيه كمان
عموما جزاك الله خيرا على التوضيح وجعله فى ميزان حسناتك |
#5
|
||||
|
||||
رد: تجربتى مع ظبط زوايا و ترصيص و عمل زرجينة للاكسيل هاتش باك 1300 سى سى موضوع مميز
ينهار ابيض 60 جنية زرجينه
هو فعلا البنزينه اللى بتعامل معاها ديه ناس محترمه بجد وفعلا احنا فيه ورشه اعرفها كنت بظبط زوايا الاول عندها بس الكلام ده ايام ال 128 وكنت لسه معرفش البنزينه ديه كان ظبط الزوايا ب 40 جنية و تربيط العفشه بس ب 20 جنية و الزرجينه ب 80 جنية غير بقى لما تعمل حاجه يفضل بقى يخليك تشترى فى حاجات وغير كل ده لازم تراضى الرجاله فى الاخر يعنى الواحد علشان يربط عفشة و يظبط زوايا هيخش بس فى 50 جنية طيب على ايه كل ده لما اقدر اروح اظبط زوايا واربط عفشه وكل ده ب 30 جنية و فى مكان محترم ومعامله ادمية وكل الشغل ماشى باجهزة حديثه ففعلا انصح الناس اللى قريبين من المعادى يروحوا يظبطوا فى البنزينه ديه وفيه كمان بنزينه شل فى شارع البحر الاعظم جنب القريه الفرعونية فيها برضوا ظبط زوايا و ترصيص وكدا بس بصراحه متعملتش معاهم قبل كده وتحياتى لحضرتك وربنا يعوضك خير
__________________
|
|
|