اختبار قياده و ملاحظات على النيوسيراتو أول 700كم

[king mimo20]

بصراحة دائما بحس ان مصر موتورز زية زى توب جير

========================= =======================



وفريق عمل توب جير جيرمى كلاركسون وريتشارد هاموند وجايمس مى


هم كل الخبراء ومش عايز انسى حد
اما بقى ستينج دا بقى معليش



حازم خضر


مشكور يا دكتور وربنا يباركلك فيها يارب

[_amr.mostafa_]

يا دوك انا لقيت موقغ ده بيشرح كل حاجه فيها وكل زرار ...قلت ممكن يفيدك

http://www.kia-cerato.com/main.html

[Dr. Bolbolan]

بسم الله - نكمل ما بدأناه - صاج السياره تقريبآ ورق ! يعنى خفيف جدآ ! أنا طبعآ ما أعرفش سمكه بس لى نظره !

و فى مره ركنت على رفرف ! حسيت انى راكن على الهوا ! وساعنها عرفت معنى كلمة " أركب الهوا " ! بس ده لم

يكن مفاجأة لى لآنى كنت متوقعه ! و كمان الاكصدامات بلاستيك مرن لدائنى خفيف ! برده كنت متوقعه ! و ما باليد

حيله ! بصراحه الكروز صاجها أجمد بكثير و سياره عظمه ناشفه ! الشنطه واسعه فعلآ و عميقه ! و ممكن عن طريق

شدادين من الشنطه تثنى الكرسيين الخلفيين واحد...واحد ! و عجلة الاستبن فى فجوه فى الشنطه و عليها الكوريك

و العده فى فجوات فوق الاستبن ! و فوقهم أرضية الشنطه ! بس يستحسن تعمل دواسه جلد فوق أرضية الشنطه

لآن الآرضيه الآصليه عباره عن موكيت رقيق و ممكن يلم تراب و أشياء أخرى بسهوله ! كمان فيه لمبتين صغيرتين

فى باب الشنطه من الداخل و لكن نورهم مش قوى مثل كل أنوار السياره ! باب الشنطه ليس له فتحة مفتاح أو مفتاح

من الخارج و يتم فتحها اما بالسلك الداخلى أو بالريموت ! و أبواب السياره يتم فتحها اما بالمفتاح العادى أو بالريموت !

و بعد ما تمشى بالسياره حوالى 15 - 20 متر السنترلوك بيقفل لوحده ! الزجاج الخلفى لا ينزل على الآخر و لكن الى

المنتصف فقط ! الزجاج الخلفى و الآمامى ممكن تسخينهم فى حالة تشبير الزجاج كل على حده أو الاثنين مع بعض !

و يوجد زرار على يمين الراديو للزجاج الخلفى و على يساره للزجاج الآمامى !

نسيت أقول ان الاكصدام الخلفى عليه 4 حساسات ( سنسورز ) للمساعده عند الرجوع للخلف ! و هم مهمين جدآ لآنه

كما ذكرت سابقآ أن الرؤيه الخلفيه صعبه جدآ ! و عندما تنقل عصا الفتيس على النقله الخلفيه و حاجه جت خلف

الاكصدام الخلفى فانها تعطيك تنبيه متقطع و يتزايد فى شدته و سرعته مع اقتراب هذا الجسم من السياره وكمان بيترسم

جوه الطابلو ( ديجيتال ) منظر سياره و طاله منها أشعه متقطعه و تعطيك اتجاه الجسم من السياره يمين مائل أو شمال

مائل أو مستقيم على السياره !

كفايه كده النهارده و بكره نخش على التابلوه واستهلاك البنزين ! ( يتبع )

Dr. Bolbolan ptmnlo123per122

[ahmadyusuf]

بعد ما تمشى بالسياره حوالى 15 - 20 متر السنترلوك بيقفل لوحده

شكرا يا دكتور على الحلقه دى , و فى انتظار الحلقه القادمه

لتحرى الدقه هو السنتر بيقفل عند سرعه معينه و ليس بعد مساقه معينه و اعتقد انها 20 ك / س ptmnlo123per1127

[solid_khaled]

متشكرين يا دكتور علي التقييم الجميل أنا معاية SX فراني بس العفشة مش مريحني ناشفة معني مذبة الكوتش على ٣٢
و منتظرين باقي التقييم