اخوكم محتاج نصيحة اللوجان أو البى واى دى ... وياريت مزايا وعيوب

[kimo10]

توكل على الله اشترى BYD وحتدعيلى ولا تنسى صلاة الاستخارة

[Ma7moud ShedeD]

انا ارشحلك ال BYD..و خصوصا انى كنت فى حيرة زى حضرتك كدة و كان قدامى Renault logan..BYD F3..Hyundai Verna..Spranza A516..Chevorlet Lanos..و قعدت اربع اشهر ادور على انسب عربية لحد ما قررت ان البى واى دى هى انسب عربية ليا و لا يعيبها عيوب ضعف المتور او التكييف مثل الاسبرانزا 516 و ميزة ارتفاعها عن الارض بالمقارنة مع الفيرنا او اللانوس و ايضا المتور الممتاز 108 حصان..1600 سى سى..16 صباب..و هو بتكنولوجيا متسوبشى اليابنية و هو نفس المتور الذى استخدم فى الانسر البومة موديل 2007/2008..و العفشة المطابقة للتويوتا..و السيارة نفس صالون التيوتا كرولا و البدى هو نفس التويوتا كرولا 2005..و الفوانيس الخلفية تشبة فوانيس الهوندا سيتى الى حد كبير..و انا مشتريها من ثلات اشهر و الحمد لله زى الفل و تمام ميعبهاش الا شوية حجات بسيطة اوى و كانت عيوب فردية و ظبطها فى التوكيل الحمد لله..فتوكل على الله و قبل ما تشترى انصحك تبص على باقى العربيات الصينى زى الليفان و البريليانس و ابعد عن الجيلى و الاسبرانزا..و اى استفسار بخصوص العربية انا تحت امرك.

[ابوعاصم83]

المشاركة الأصلية كتبت بواسطة Ma7moud ShedeD و ايضا المتور الممتاز 108 حصان..1600 سى سى..16 صباب..و هو بتكنولوجيا متسوبشى اليابنية و هو نفس المتور الذى استخدم فى الانسر البومة موديل 2007/2008..و العفشة المطابقة للتويوتا.. و اى استفسار بخصوص العربية انا تحت امرك.

لو سمحت ممكن توضحلى كويس موضوع الميتسوبيشى والتويوتا
اقصد هل الموتور هو نفسه الميتسوبيشى ولا موتور صينى بمواصفات اليابانى
من الآخر جاى من اليابان ومتقفل فى العربية ولا صينى صينى
وكذلك موضوع العفشة

[kimo10]

اخى الماتور الخاص f3ميتوسبيشى يابانى اما العفشة كوبى الكورلا بس صينى ويركب عليها جميع قطع الغيار الكورلا

[ziabassem]

المشاركة الأصلية كتبت بواسطة kimo10 اخى الماتور الخاص f3ميتوسبيشى يابانى اما العفشة كوبى الكورلا بس صينى ويركب عليها جميع قطع الغيار الكورلا

أسمحلي أصحح لحضرتك معلومة .. وهي أن موتور الـ F3 هو موتور كوده 4G18 وهو نفس الموتور اللي راكب في اللانسر بومة بالظبط .. بس الفرق بينهم أنه مُصنع في الصين بالكامل تحت إشراف شركة متسوبيشي .. علشان كدة لو شيلت كفر الموتور البلاستيك حتلاقي مكتوب عليه متسوبيشي تك .. وليس متسوبيشي فقط .

الحاجة الوحيدة الياباني أصلي في العربية دي موجود في العربية الأتوماتيك .. وهو الفتيس الأتوماتيك الخاص بالسيارة نيسان صني .. والفتيس الأتوماتيك ماركة JATCO .