|
تعديلات رفع الاداء car performance tuning - قسم خاص بتعديلات رفع أداء السيارة من محرك وأجهزة تعليق وفرامل الخ ... |
|
أدوات الموضوع |
#1
|
|||
|
|||
لو الموتور خفيف ممكن اشتغل بيه قد ايه
السلام عليكم ورحمة الله وبركاته
الاخوه الكرام اشتريت عربية وصاحبها قاللى الموتور خفيف شويه ومحتاج طقم شنبر بس هو شغال زى الفل انا لسه جديد فى السواقة فمش عايز اخش فى قصة نص عمرة دلوقت الا لما اظبط حالى فى السواقة شويه المهم انا ممكن اشتغل بالموتور ده على حالته قد ايه وقت؟ واستنى عليه لحد ما يوقف خالص والا اعمله بعد وقت معين؟ افيدونا افادكم الله |
#2
|
رد: لو الموتور خفيف ممكن اشتغل بيه قد ايه
شوف كلمة الموتور خفيف دى كلمه مطاطه ! ممكن يكون المقصود بيها ان الموتور لم يعد يعطى أحصنه
بنفس القوه التى كان يعطيها و هو جديد ! و يمكن مجرد كلام علشان يكسب ثقتك ! لكن لو خلعت بوجيه و لقيت عليه زيت أو السياره بتعمل دخنه من الشكمان مع ريحة زيت محروق! أو لو بتقيس الزيت كل يومين تلاته وتلاقيه بينقص ! ptmnlo123per1106يبقى ما تستناش عليها ولا يوم ! و خساره من أساسه شرائها خاصة وانك بتقول ما معناه ان ليس لك خبره فى السيارات و ح تتلطم عند الميكانيكيه ! Dr. Bolbolab ptmnlo123per122
__________________
ليت الشباب يعود يوما فأخبره بما فعل المشيب بى ! ptmnlo123per1127 |
#3
|
||||
|
||||
رد: لو الموتور خفيف ممكن اشتغل بيه قد ايه
زى ماقال الدكتور خفيف ديه بتفرق من حالة للتانية بس على كلام الميكانيكى لو خفيف شوية مفيش مشكلة تمشى بيه على كده لحد ما تتمكن فى السواقة وتشوف عاوز تعمل ايه فى العربية متقلقش يعنى انا لى صاحب مشى سنتين بماتور 128 خفيف جددداً ومش مشى كمان ده كان بيجرى وصاحب تانى قعد سنتين تلاتة برضو بريجاتا موتورها عايز عمرة كاملة وبرضو كان بيتعامل مع العربية بعنف وبيعمل بيها فى اليوم اكتر من 100 كم بس الحق يتقال بتاع الريجاتا ده الموتور بتاعة منفعش تانى
فباختصار مفيش مشكلة انك تمشى بيها شهور ومن غير قرص جامد طبعاً وممكن تقيس كبس الموتور علشان تبقى متابع حالتة بشكل اكثر دقة وبرضو تغيير طقم الشنبر مش عمرة بالمعنى فمتقلقش منها برضو غير طقم الشنبر والجوانات وهتحس بفرق اداء ايجابى فى الموتور ومش هتبقى فتحت على نفسك فتحه برضو |
#4
|
||||
|
||||
رد: لو الموتور خفيف ممكن اشتغل بيه قد ايه
موتور خفيف
تقدر تمشي بيه لغاية لما ميرضاش يدور المهم تزود الزيت باستمرار
__________________
|
#5
|
|||
|
|||
رد: لو الموتور خفيف ممكن اشتغل بيه قد ايه
وعلى فكره العربيه فبريكة تماما وموديل 95 وصاحبها كان بيسافر بيها كل فتره وبيركنها سواء هنا او هناك والعربيه عامله 160000 كيلو فقط والقصة ان لما الميكانيكى كان بيبص عليها وفتح الكبوت ودور العربيه قعد يقرص جامد على البنزين فترة طويله لحد ما طلع دخنة بسيطة جدا لا تكاد ترى ويناءا عليه قال المكنه خفيفة وقاللى امشى بيها كده حوالى ست شهور واعملك نص عمره بس حاسس ان موضوع الست شهور ده عشان عايز يعمل شغل مش اكتر والله اعلى واعلم |
|
|