لادا اذاي تزود سرعة السيارة والتسارع

[douha_nour]

حد ليه را تاني ؟

[douha_nour]

حد يفيدنا يا اخوتي

[koashraf]

غيرابلاتين وكوندينسر واضبط كهرباء ونضف الكربراتير...وطبعا انت منضف الفلتر وضابط الكاتينه ..لوكل ده ماجبش نتيجه غير الميكانيكى..ماحصلش تغيير غير العربيه .

[ايمن عبدالحميد]

1- تغيير الاسبراتير العادى بآخر الكترونى
2- تغيير بكات السلانسية والسرعة اياً كانوا بالارقام الاتية :
السلانسية بك رقمة 120،والسرعة(البوابة التانية ) 150 وعلى فكرة دى مقاسات الفبريكة مش اختراع يعنى .
3- تظبط التاكيهات عند واحد بيفهم وبالمقاسات الآتية وتقولة كدة يشتغل زى ما انت عاوز
تاكيهات صباب العادم الفللر مقاس 25 ، وصبابات الهوا ( الحريق) على 20 فقط .
4- تشوف مستوى البنزين تحت العوامة فى حوض الكربراتير لازم لا يزيد ولا يقل عن العلامة ولو مفيش علامة فمستواة بالخبرة كدة بيبقى مليان لغاية قبل الحافة الخارجية ب حوالى عقلتين اصبع
( اصبع طبيعى مش صباع كفتة ) ، وتغير الإبرة بواحدة جديدة ارجنتينى كلها نحاس مفيش فى اخرها كوتشة سمرة .
5- واعتقد السبب دة من اهم الأسباب ضبط تقسيمة سير الكاتينة ، لأنها ممكن تكون مقدة او مأخرة شىء بسيط جدا والعربية تدور عادى وتمشى عادى بس تلاقى السلانسية فية رعشة كأن العربية متلتة
( شغالة ب 3 بوجية فقط ) ولما تزود بنزين تظبط .
لية كل النصايح دى ؟ لأنها مرت علية فى اول عربية لادا كانت 84 سير كاتية وعملت فيها كدة كانت بتجيب ال 140 كم سرعة بمنتهى الهدوء ومن غير دوشة ودى اقصى سرعة قررها مصنع السيارة والله الموفق وارجو ان تبلغنا بما تم

[mr_astra]

المشاركة الأصلية كتبت بواسطة ايمن عبدالحميد 1- تغيير الاسبراتير العادى بآخر الكترونى 2- تغيير بكات السلانسية والسرعة اياً كانوا بالارقام الاتية : السلانسية بك رقمة 120،والسرعة(البوابة التانية ) 150 وعلى فكرة دى مقاسات الفبريكة مش اختراع يعنى . 3- تظبط التاكيهات عند واحد بيفهم وبالمقاسات الآتية وتقولة كدة يشتغل زى ما انت عاوز تاكيهات صباب العادم الفللر مقاس 25 ، وصبابات الهوا ( الحريق) على 20 فقط . 4- تشوف مستوى البنزين تحت العوامة فى حوض الكربراتير لازم لا يزيد ولا يقل عن العلامة ولو مفيش علامة فمستواة بالخبرة كدة بيبقى مليان لغاية قبل الحافة الخارجية ب حوالى عقلتين اصبع ( اصبع طبيعى مش صباع كفتة ) ، وتغير الإبرة بواحدة جديدة ارجنتينى كلها نحاس مفيش فى اخرها كوتشة سمرة . 5- واعتقد السبب دة من اهم الأسباب ضبط تقسيمة سير الكاتينة ، لأنها ممكن تكون مقدة او مأخرة شىء بسيط جدا والعربية تدور عادى وتمشى عادى بس تلاقى السلانسية فية رعشة كأن العربية متلتة ( شغالة ب 3 بوجية فقط ) ولما تزود بنزين تظبط . لية كل النصايح دى ؟ لأنها مرت علية فى اول عربية لادا كانت 84 سير كاتية وعملت فيها كدة كانت بتجيب ال 140 كم سرعة بمنتهى الهدوء ومن غير دوشة ودى اقصى سرعة قررها مصنع السيارة والله الموفق وارجو ان تبلغنا بما تم

روشتة فعلا من طبيب اخصائى لادا
ربنا يزيدك يا رب