هل BYD F3 اوتوماتيك تتحمل شغل التاكسى ؟؟؟؟

[mimoneo]

اصل انا زهقت من الزحام والحر والمانيوال (سيار ة لانوس تاكسى) وبعت من 3 ايام وعايز اشترى BYD F3 اوتوماتيك. فهل الفتيس الاوتوماتيك هيستحمل الشغل الشاق بتاع التاكسى؟؟؟

[f3_byd]

المانوال متحملة معنا و شايلا بلاوي

ما افتكرش الاوتوماتيك فيها فرق هي هي العربية

[ahmedrampoo]

يشتغل ويستحمل انشاء الله ولو تعب خالص هات غيرة بس شوف هيريحك ازاي بقا

[mimoneo]

الأخوة الكرام شكرا على الرد السريع
هو اللى انا قلقان منه مش العربية انا قلقان من الفتيس الاوتوماتيك ومشاكله عامة (بغض النظر عن الماركة) انتوا عارفين التاكسى بيفضل شغال 12 أو 16 ساعة يومياً فهل دة هيخلى الفتيس كل شوية يعطل ولا عادى يعنى على اساس ان الاوتوماتيك شغال مع نفسه بدون تدخل منى وبالتالى هو بيكون مستريح؟ وفى سؤال كمان طول فترة التشغيل مش هتخليه يسخن وبالتالى ممكن يعطل؟

اما انه لو تعب اغيره - فأنا قبل ما اعمل المشاركة دى كنت فى معرض الأمل اللى فى مصر الجديدة وسألت أ/ شهاب مدير الفرع عن نفس الموضوع فقالى يا عم شغال زى الفل وعندما سألته عن سعر الفتيس قالى المانيوال عامل 6000 جنية وطبعا الاوتوماتيك أغلى.

والله الموضوع ده مهم جدا بالنسبة لى لأن انا بعت التاكسى بتاعى مخصوص علشان قرف السواقة المانيوال فى الزحام الشديد دة، الواحد بيرجع البيت متقطع. وقلت نفسى اشترى اوتوماتيك يرحنى شوية ولكن قلقان من مشاكل الاوتوماتيك اللى كنا بنسمع عنها (فى كل الماركات)
واعتذر عن الإطالة ويا ريت تفكروا معايا.

[Emgrand]

المانيوال باظ اخره ديسك واسطوانه
الاتوماتيك باظ تفتكر اخره ايه
ده غير سرعه تغير الزيت واستهلاك التيل ويمكن الطنابير