صيانة 1000 كيلو للجاك سندريلا

[د.كمال]

المشاركة الأصلية كتبت بواسطة أحمد الشلبي ياجماعة انا ان شاء الله مقدم على شراء العربية دى خلال اسبوعين بالكتير ان شاء الله فممكن أعرف أحجزها إزاى وفين وهقعد وقت قد إيه لحد ماستلمها ؟ أنا من كلامكم عنها ومن خلال معلوماتى أشهدلها بإنها عربية حلوة جدا جدا وان شاء الله توكلت على الله وناوى أشتريها بس عايز أعرف الخطوات بالظبط لإن دى أول تجربة ليا إنى أشترى عربية زيرو أنا كان عندى عربية داتسون 140 y موديل 1980 والدى الله يرحمه كان شاريها زيرو برده ولسه بايعها قريب وعايز أجيب أنا زيرو بقي فياريت تقولولي أعمل إيه بالظبط لو تكرمتم

أستاذ أحمد الشلبى منور منتدى الجاك.......بالنسبه للحجز بيكون فى التوكيل 42 ش البطل احمد عبد العزيز المهندسين وياريت تستعجل شويه عشان فى دفعه بتتسلم اليومين دول يمكن يكون من نصيبك عربيه منهم والا هتستنى الدفعه القادمه.......وذى مرديت عليك متنساش تقول لنا عملت أيه

[سيف الدين سعيد]

المشاركة الأصلية كتبت بواسطة أحمد الشلبي ياجماعة انا ان شاء الله مقدم على شراء العربية دى خلال اسبوعين بالكتير ان شاء الله فممكن أعرف أحجزها إزاى وفين وهقعد وقت قد إيه لحد ماستلمها ؟ أنا من كلامكم عنها ومن خلال معلوماتى أشهدلها بإنها عربية حلوة جدا جدا وان شاء الله توكلت على الله وناوى أشتريها بس عايز أعرف الخطوات بالظبط لإن دى أول تجربة ليا إنى أشترى عربية زيرو أنا كان عندى عربية داتسون 140 y موديل 1980 والدى الله يرحمه كان شاريها زيرو برده ولسه بايعها قريب وعايز أجيب أنا زيرو بقي فياريت تقولولي أعمل إيه بالظبط لو تكرمتم

أخويا العزيز : أستاذ أحمد . بص يا سيدى . الكلام اللى الدكتور كمال قالهولك مظبوط . بس لو انت حاتدفع تمنها كله كاش أعتقد انهم ممكن يسلموك عربيه من الدفعه اللى نزلت حاليا . أما اذا كنت حاتقسط او حاتحجز يبقى اعتقد انك حاتنتظر دور فى الدفعه اللى جايه فى شهر يناير او فبراير .. عموما انزل بسرعه واسألهم وشوف الوضع حايكون ايه معاك حسب ظروفك .. وربنا يوفقك .

[أحمد الشلبي]

انا ياجماعة بالفعل إتصلت بيهم النهاردة على التليفون أخدت التليفون من الموضوع وكلمتهم ووصلونى بالمبيعات بالأستاذ عبد عبد العظيم وقالى شرفنا وهتستلم في نفس اليوم لإنه سألنى في الأول كاش ولا تقسيط قولتله كاش قالى يبقي تستلمها في نفس اليوم , وإن شاء الله أنا هنزل في أقرب وقت على أول الإسبوع الجاى إن شاء الله وأتوكل على الله وأشتريها أنا والله عرفت العربية دى بالصدفة أول إمبارح انا كنت هشترى byd وكنت خلاص قررت وفي منتدى البي واى دى لقيت إسم جاك قولت أدخل أشوف إيه العربية دى وبصراحه جذبت إنتباهى وخصوصا إن لقيتها سمعتها حلوة أوى وإن شاء الله أنا هحافظ عليها وأشيلها في عنيا الإتنين

شكرا جزيلا ليك يادكتور كمال والأستاذ سيف الدين سعيد على الإهتمام والرد وإن شاء الله لما أستلم وأجيبها هقول على اللى حصل بإذن الله

[temo]

الف مبروك مقدما
وان شاء الله تستلم وتتمتع بالعربية على خير

ويشرفنا انضمامك لنا .

[سيف الدين سعيد]

المشاركة الأصلية كتبت بواسطة أحمد الشلبي انا ياجماعة بالفعل إتصلت بيهم النهاردة على التليفون أخدت التليفون من الموضوع وكلمتهم ووصلونى بالمبيعات بالأستاذ عبد عبد العظيم وقالى شرفنا وهتستلم في نفس اليوم لإنه سألنى في الأول كاش ولا تقسيط قولتله كاش قالى يبقي تستلمها في نفس اليوم , وإن شاء الله أنا هنزل في أقرب وقت على أول الإسبوع الجاى إن شاء الله وأتوكل على الله وأشتريها أنا والله عرفت العربية دى بالصدفة أول إمبارح انا كنت هشترى byd وكنت خلاص قررت وفي منتدى البي واى دى لقيت إسم جاك قولت أدخل أشوف إيه العربية دى وبصراحه جذبت إنتباهى وخصوصا إن لقيتها سمعتها حلوة أوى وإن شاء الله أنا هحافظ عليها وأشيلها في عنيا الإتنين شكرا جزيلا ليك يادكتور كمال والأستاذ سيف الدين سعيد على الإهتمام والرد وإن شاء الله لما أستلم وأجيبها هقول على اللى حصل بإذن الله

العفو يا أحمد باشا . بس اختار لون حلو وبلغنا بيه . وعلى فكره الدفعه اللى وصلت اول امبارح فيها عربيه واحده بس لونها فضى موجوده فى الإسكندريه . فلو كنت تحبها وكانت لسه موجوده اطلبها منهم . يجيبوهالك . والف مبروك مقدما وبلغنا بالتطورات اول بأول انشاء الله .