|
#326
09-01-2012, 01:00 PM
|
||||
|
||||
رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
السلام عليكم
بالنسبه لحالتك لازم تروح التوكيل وتقلعلهم (ألي يقولك سوء استخدام - رد فيه جامد ان العربيه زيرو و دخلت سليمه وخرجت بعيب استخدام - هم بيسوقوا العربيات ازاي- ومتسيبش حقك) حرام دي مشيت 6000 كيلو بس ده انا بعملهم فى شهر من غير مشوير كتير حتكلم عن المشكله للمعلومات العامه والأعضاء وليس ليك انت رعشه الطنابير عند الفرمله ليها مسببات وحلول العيب ممكن يكون 1) الطنابير ممكن يكون فيها ريجا عاليه - السبب تيل سئ(حلها مسحه عند الخراط ب 5 جنيه) وتصنفر التيل أكنه حته خشبه بس تحرك ايديك عشوائى على التيل 2) الطنابير تكون معوجعه (السبب مطب عفى والجنط رد لجوه أو تكون سايق والجو حر والطنابير مولعه ويجى السايس يكوب جردل ميه على الطنابير فالطنبور يقفع) الحل لو تقفيعه بسيطه (مسحه عند الخراط والتيل) لو الطنبور مقفع جامد (تغير الطنابير والتيل طبعا) 3) مطب جامد عوج الصره والطنبور ممكن يكون سليم بس حركته بيظه نتيجه عوجه الصره وديه بتحتاج ميكانيكى صايع علشان يكتشفها العوجه بتكون من 2 الي 6 ميلى بالكتير وحلها سمكري محترم بيشتغل بميزان مش بعينه بس 80% بتفشل المحاوله في التصليح وبتشتري صره (انا مش متشائم بس دي الحقيقه المره قسم المطبات) طب أزاى تكتشف العيب أنت لو جايب طنبير جديده حل الجنط (واحد بس) ودور العربيه و هات الأول (الطنبور حيلف سلنصيه) هات جردل أو أي شيء في مستوى منتصف الطنبور بس يكون مستوي من فوق هات حته خشبه مستويه أو مفك عاده و سبته بيدك علي الجردل (وش الخشبه أمام الطنبور ألي بيلف) أبدا أطلع بالخشبه ملى ملى ناحيه الطنبور لو الطنبور لمس الخشبه فى حته أيوه وحتا لأ (العيب من الصره) ملاحظه عوجه الصره ممكن تحسب مقدارها علي الجردل
__________________
Ahmed Felefel
|
|
#327
09-01-2012, 05:03 PM
|
|||
|
|||
|
رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
يعني اغير طنابير
اصل التوكيل تاني انسي ولا ايه رايك الكلام ده من اسبوعين هاقول ايه واعيد ايه حسبي الله ونعم الوكيل دنا بفكر ابيع من الا بيحصل ده حظي كده اعمل ايه
|
|
#328
09-01-2012, 05:32 PM
|
||||
|
||||
رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
والله انا مدايئ ليك ومينفعش تروح تصلح بره والصنيعيه تلغوص والعربيه زيرو (بسم الله ماشاء الله) انا رأيي تضرب يوم اجازه من الشغل وتروح بدري جدا التوكيل وتتكلم مع المهندس (تجاوب معاك تمام , لو نفض يبقى خطه 2 وعلي المدير انت صاحب حق يبقى ربنا ان شاء الله معاك (وتوكيل هيونداي اسمع انهم محترمين) وطمني عملت ايه
__________________
Ahmed Felefel
|
|
#329
09-01-2012, 05:52 PM
|
|||
|
|||
|
رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
السلام عليكم يا كل الفرناوية المحترمين... معيا فيرنا 2008 كنت ماشى بيها من اسبوع كده ف جسرالسويس وفجأه لقيتها مش رادية تدى اى غيار!!!! ركنت وبصيت على زيت الباكم لقيته فــــاضى!!! حطيت لحد العلامة وبرده مارضيتش تاخد اى غيار وهيا دايرة؟؟
بالصدفة كان فيه واحد بتاع دبرياج وفرامل قريب ف اول الجراج يمين.. فك المسترين وقالى لازم يتغيروا (190+80جنيه) وحط زيت باكم جديد.... (+40 جنيه مصنعية) انا مش عارف كدة اتضحك عليا ولا ايه؟؟؟؟؟ والأهم بقى : ان دلوقت الغيار بقى بييجى بصعوبة قوى وخايف تجيب اسطوانة.. ارجعله تانى ولا اروح لواحد تانى؟؟؟؟؟ شـــــــــــــــــــكـــر ا لوقتكم
|
|
#330
10-01-2012, 12:24 AM
|
|||
|
|||
|
رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
معلش يا فندم انا عندي مشكلة في صوت تصفييير عالي بيحصل اول ما ادور العربية و لو لفيييت الدركسيوون على الاخر مع العلم ان انا لسة مغير كل السيور و شكرا ليييك و منتظر الرد
|
 |
| الكلمات الدليلية |
| مشاكل الفيرنا |
|
|
