مصيبه..ادخل شوف الايمجراند اللى واخده اربعه نجوم حصل ليها ايه!!!!!

[fadl95]

توضيح بسيط اختبار السلامه الاوربى على سرعه 64 كيلو مش على 120 عاوز تمشى على 120 باى عربيه لو راكب دبابه مش عربيه هتتفرتك الحوادث اللى فوق 90 كيلو دى مسؤليتك مش مسؤليه الصانع المهم ان الفرامل تخفض سرعتك وما تتقلبش الكابينه ما تتدمرش والايرباج يفتح نظريه اسمها البيت الاسمنتى وده حصل اما الجزء الامامى هو متصمم عشان يمتص الصدمه ويتفتت المهم انت تخرج سليم مش العربيه تفضل يا ناصح انت بتدور على عمرك ولا العربيه هو ده معنى السلامه العربيه فى داهيه انت تخرج سليم لو مش مقتنع اركب ام60 دبابه محترمه وهتريحك يا برنس

[hyundai 2005]

بس كده خد دي

http://www.youtube.com/watch?v=bScPs...eature=related

http://www.youtube.com/watch?NR=1&v=...ture=endscreen

http://www.youtube.com/watch?v=3Ynsl...eature=related

اسف علي المناظر دي طبعا

[عصام الجارحي]

المشاركة الأصلية كتبت بواسطة mms حضرتك فكرتنى براجل فلاح طيب سافر العراق فى التمنينات . وهو راجع جاب معاه كوبيات مستورده ضد الكسر . وكان سعيد جدا ومعجب ومنبهر بالكوبيات الازاز اللى ضد الكسر دى . وبعدين حضرتك جه الاحباب والاصحاب يسلموا عليه وهو جاى من بلاد بره ,اوم ايه .........قعد يحكيلهوم عن العراق و الحاجات اللى فى العراق ....وكمان ايه ياولاد جبت من هناك كوبيات ضد الكسر . قالولوا معقول يابو حسن قالهم آى والله ضد الكسر . وراح جايب كوبايه منهم وواقف وشادد عوده ورافع ايده لفوق وكان هيخبطها فى الارض ولكنه رجع تانى . عارفين ليه ؟؟...علشان نسى يشيل الحصيره اللى كانت مفروشه على الارض قبل ما يخبط الكوبايه فى الارض . وفعلا شال الحصيره وبكل قوته خبط الكوبايه فى الارض وهومطمئن انها ضد الكسر فبقت عشرتلاف حته وضحك عليه كل الحاضرين لغايه منفسهم اتقطع من الضحك . انا بقول القصه دى ليه ؟............ لان حضرتك فاهم الاربع نجوم امان زى مهو فاهم يعنى ايه كوبيات ضد الكسر بالظبط ......تحياتى .

انا كنت هرد بس هكتفي بهذا الرد
وهي دي العقليات المصرية العبقرية الي هتطلع القمر بس لما القيامة تقوم والقمر ينزل علي الارض دا اذا حصل
يا ريت محدش من خارج مصر يشوف المشاركة دي كفايانا فضايح

[mms]

المشاركة الأصلية كتبت بواسطة osa92003 متشكرين على ذوق حضرتك فى الرد ...ياريت بقلى تفهمنى العربيه اللى واخده اربعه نجوم بيحصل لها ايه وياريت كمان تورينا فيديو واحد لعربيه واخده اربع نجوم لما حصل لها حادث حصل فيها ايه ...اعتقد ان ده افضل فى طريقه النقاش بدل المنولوج اللى قلته حضرتك :sycho2 6:

متشكر على ايه ياسيدى ....العفو .
بس اقسملك بالله ان القصه دى حصلت فعلا .
وبعدين فكره حضرتك دى اتناقشت قبل كده واترد عليها ردود قويه ومقنعه تماما وكان معروض نفس الفيديو كمان .
لذلك اتفاجئت لما حضرتك اعدت الكلام فيها تانى .
اما عن فيديوهات لماركات تانيه فدى كتير جدا ..واكيد حضرتك ساعه ما اضفت الفيديو دا من على اليوتيوب كان فيه فيديوهات تانيه لسيارات اخرى عامله حوادث .
والا مفيش الا الامجراند بس اللى بتعمل حوادث !!!!!!!!.
اخى الحبيب والغالى ...ماتزعلشى منى ابدا ....انا لم اقصد السخريه من شخص حضرتك اطلاقا . لكن احيانا اسلوب الرد على فكره معينه بيستوجب هذا النوع اللى انا رديت بيه ودا اسلوب مشهور جدا فى الادب العربى ومعروف عند اكثر الادباء تادبا ..
بل وفى خطب السياسيين ومرافعات كبار المحامين .
واذا حضرتك اعتبرت انه فيه سخريه ..فانا رايت فى فكره حضرتك ايضا عدم تقدير لعقليه المتلقين ...مره اخرى متزعلشى منى احنا كلنا اخوه .

[sayed2077]

هههههههههههههه ده اول فيديوا بيقولك السيارة كانت ماشية بسرعه 130 و مقصورة الركاب محصلهاش حاجه والايرباج فتح يعنى اللى جوه اشك انه حصله خربوش واحد هههههههههههههه ده يثبت نجاح السيارة

فعلا رائعه ومش معنى انها 4 نجوم فى الامان يبقى اخودها بقى واطلع احطها تحت تريلا واقول مش هيحصل ليها حاجه الحكاية بالظبط زى الواقى من الرصاص بيبقى ليه درجات امان معينه فيه اللى بيحميك من رصاصة المسدس و فيه اللى بيحميك من رصاصه السلاح الالى بس كده او كده لو جت فى الواقى رصاصه 50 ملم من بتاعت الطيارات هتعدى من 600 واقى ورا بعض