#1
|
|||
|
|||
شد 128 سمكرة ودوكو وسروجي بالاسعار
السلام عليكم ورحمة الله وبركاته
اول مشاركة لي ارجوا ان تنال اعجابكم وتحوز رضاكم ومعلش هي مش بمستواكم الكبير لكنها مشاركة طيبة بأذن الله تعالى بداية اشتريت عربية فيات 128 واخدتها اول شيء ورحت عند الميكانيكي غير الزيت والقطع الاتية 1- سير كاتينة 60 جنيه 2- سير دينامو 15 جنيه 3- طقم بوجيهات 40 جنيه 4- بلي كاتينة 58 جنيه 5- ابلتين + كوندنسر 20 جنيه 6- صوبع اكسراتير 5 جنيه 7- فلتر زيت 40 جنيه 8- حشو فتيس 10 جنيه 9- مصنعية 70 جنيه 10- جركن زيت 64 جنيه ودي كانت البداية والعربية طبعا زي اي 128 كانت فيها شروخ وبعد كده روحت عند السمكري وهنا كانت الكارثة اللي مكنتش متوقعها طبعا انا رايح علشان اظبط العربية على مزاجي يعني عايز اروشها اوي فطبعا السمكري سالني هتظبطها ولا عايز تعمل اللي فيها ووقتها كان معايا صديق عنده خبرة في السيارات اكتر مني فقالي نظبطها بالمرة بدل ما كل شوية نصرف عليها مرمات وشروخات نصرف مرة واحدة احسن قلتله تمام نتوكل على الله ونظبط وبدأنا الشغل بشوية طلبات (بضاعة) للسمكري علشان يشتغل وانا انهاردة الحمد لله بعد معاناة شهر كامل تم تغير العربية بالكامل تقريبا بس انا عامل العربية لنفسي مش شاغلني بيعها ومعلش طولت عليكم ودلوقتي هقول لكم الطلبات (البضاعة) اللي اشتريناها وبكام والمصنعية للسمكري كمان كام الـــــبــــضـــــاعـــــ ــــه الـــــــــــــــســــعر 1- عدد 2 رفرف امامي 260 2- صدر العربية 150 3- حامل ريداتير 45 4- عدد 2 عتب 120 5- عدد 2 عكازة 100 6- صندوق وش 10 7- عدد 4 طبلة باب اصلي ( جنب الباب ) 320 8- ظهر الشنطة 175 9- عدد 2 رفرف خلفي 400 10- عدد 2 قايم باب مليان 90 11- دواسة 110 12- عدد 2 حجاب زجاج ( لتعديل الابواب ) 80 13- عدد 2 زجاج امامي 120 14- عدد 3 علب بلاك 80 15- عدد 3 انبوبة سيلكون 75 16- عدد 2 خوصة سقف 90 17- مسامير ولوازم 65 18- سكاكة شنطة 25 واخيرا مصنعية السمكري 1500 وبكدة لحد انهاردة خلصت بحمد الله اعمال السمكرة وتم وضع السيارة عند صنايعي الدوكو وطبعا السيارة هترش برة وجوا والاتفاق مع الصنايعي على الدوكو برة وجوا بالبضاعه لحد الفنش والفرن 2000 جنيه وسنبدأ غدا بأذن الرحمن باقي مشوار العذاب مع 128 وان شاء الرحمن اما نكمل تقفيل هقولكم الكهربائي اخد كام وصنايعي الابواب وتركيب الموتور وكل الفنيشات الاخيرة ودلوقتي هقولكم على اسعار بعض الاشياء التي اشتريتها للسيارة 1- أربع ماكينة زجاج ( استيراد بتوع فيرنا ) 180 2- سنتر وولف 120 3- طقم بدالات + كلاكس 80 4- طارة اسبور + زور التثبيت 120 5- اثنين فانوس خلفي 50 وكمان السروجي هيعمل السقف والارضية والكراسي جلد و هياخد 1000 جنبه مصنعية ولوازم البضاعة والتابلوه بتاع التابلوهات هياخد 150 ويرجعوا فبريكة مع العلم اني كنت ناوي اغير تابلوه الكورسا بس الموضوع كبر اوي وربنا يعين نمشي بالتبلوه بتاعاها وبعدين نغير ان شاء الرحمن وبكدا نكون انتهينا بحمد الله واراكم قريبا مع باقي المصروفات دعواتكم لنا بالتوفيق وارجوا ارائكم حول الاسعار الموجودة وهل هي مناسبة ام لا ولكم مني أرق تحية وخالص تقدير واحترام التعديل الأخير تم بواسطة مكس الاسكندرية ; 11-11-2012 الساعة 11:34 PM |
#2
|
|||
|
|||
رد: شد 128 سمكرة ودوكو وسروجي بالاسعار
ربنا يعينك وتخلصها على خير و عايزين الصور و أنا كان عندي 128 موديل 1981 زمان وكانت عربية ممتازة و عمرها ما قلت بأصلها معايا و بعتها و أنا بأعيط
|
#3
|
||||
|
||||
رد: شد 128 سمكرة ودوكو وسروجي بالاسعار
في انتظار التقرير وان شاء الله اعمل عربيتي 128 الكوبيه زيك كده
__________________
لمن لا يعرفني
http://www.masrmotors.com/vb/member.php?u=50931 لتجاره قطع الغيار الاستيراد والجديد ومقاوله سيارات الحوادث (لانوس - نوبيرا - كيا سيراتو - تويوتا - لانسر - هيونداي - اوبترا - اوبل - متسوبيشي ) اقوي مقابلات الاسكندريه فى اجازه نصف العام 2013 http://masrmotors.com/vb/showthread.php?t=105128 |
#4
|
||||
|
||||
رد: شد 128 سمكرة ودوكو وسروجي بالاسعار
ربنا يعينك وتخلصها
وان شاء الله لازم تنزلنا صور الوحش الجديد لما يخلص ان شاء الله بره وجوه
__________________
|
#5
|
|||
|
|||
رد: شد 128 سمكرة ودوكو وسروجي بالاسعار
مش مهم تصرف عليها شواية دلوقتى بس هاتريحك لفترة كبيرة ان شاء الله
وياريت حضرتك تعمل اجندة صغيرة وتكتب فيها كل قرش صرفتة او هاتصرفة على العربية وبالتوفيق |
|
|