طيب قولولى مبروك

[hisham853]

الف مبروك العربية و ربنا يديك خيرها و يكفيك شرها

[drmagola]

المشاركة الأصلية كتبت بواسطة corsair الف مبروك يا زعيم وربنا يديك خيرها ويكفيك شرها وهستناك تديني لفه بيها هههههههههههه

يا باشا اعتبر المفتاح فى جيبك
و متشكر لك جدا
و مستنى حضرتك ترد على بنصائح تفيدنى
انا اعرف ان خبرة حضرتك ممتازة جدا ما شاء الله
و تقبل تحياتى

[MFM]

مبروك يادكتور على العربية ، ونعم الاختيار بجد ، ولو دى اول عربية تركبها احب اقولك انك محظوظ جدا ، واوعى تفرط فيها ، والعربية مانيول ولا اتو ، وكام سى سى

[drmagola]

المشاركة الأصلية كتبت بواسطة abd000 مبروك ياباشاااااااا

ربنا يبارك فى حضرتك

[drmagola]

المشاركة الأصلية كتبت بواسطة sad-bird الف مبروك يا باشا ربنا يعطيك خيرها ويكفيك شرها اول نصيحة طبعا زي ما مهندس محمد قالك تتأكد من كل حاجة في العربية خصوصا سير الكاتينة كل اللي قالو كوم وسير الكاتين ةده لوحده كوم تاني لان لو لا قدر الله متغيريش بقاله فترة طويلة تقريبا معدل 40 الف كيلو ممكن يقطع منك لا قدر الله وانت ماشي ويحصل مشاكل كتير في الماتور انت في غني عنها اول حاجة كده بعد الصلاة تنزل تروق العربية وتشوف اخبارها ايه وتلفلك لفتين بيها وبكرة ان شاء الله تشوف ميكانيكي تثق فيه او تشوف لو العربية كانت عند ميكانيكي معين تروحله هيكون عرفها اكتر من اي حد وتكشف على السيور وتشوف منها ايه عاوز يتغير ومنها ايه ينفع يتساب الزيت اكشف عليه لو لقيت لزوجته كويسة يبقى لا داعي لتغييره دلوقتي لكن لو لقيت لونه غامق قوي ومحروق او لزوجته مفيش يبقى تخبط مشوار لاي يبنزينه تغير الزيت واعتقد من الأفضل في التوقي تده لغايه لما ترعف نظام العربةي ايه تجيب زيت 10000 موبيل التكييف اعتقد مش محتاج تكشف عليه دلوقتي لكنك في الخطة تعملحسابه برضة على شهر 2 او 3 القادم العفشة لازم تبص عليها مع المياكانيكا وتشوف اخبارها ايه وهتبان معاك في اول مشاوير فيها مشاكل والا كويسة لكن على كل حاجة محتاج تبص عليها على الاقل تربط عليها على ابسط تقدير وتأكد على الفرامل وتشوف اتزان العربية علشان لو محتاجه ضبط زوايا الرادياتير هتشوف العربية عامله ايه في المشاوير الطكويلة بتسخن والا لأ علشان لو فيها مشكلة تعملها المياه بتاعتها لو كان صاحبها بيغيرها بمياه بيضاء يبقى تكمل زي ما عامل هو كان بيغير مياه خضراء يبقى تبص عليها تشوفها ناقصة والا ايه ظروفها وممكن تزودها بمياه مقطرة او علشان تطمن خالص تفضيها خالص من الرادياتير وتجيب مياه خضرا من جديد وتعرف نوعها علشان بعد كده تجيب من نفس النوع تزود بيه اي مشاكل بقى فيها هتبان مع الوقت وتعرفها اول باول بس اهم حاجة تشوف المصيبة اللي اسمه سير الكاتينة ده وتأكد عليه علشان كل حاجة كوم وده لوحده كوم تاني وان شاء الله مش هتلاقي فيها حاجة وتطلع كويسة من غير اي مشاكل مرة اخرى الف مبروك وربنا يعطيك خيرها ويكفيك شرها

مش لاقى كلمات شكر توفيك حقك
فقلت ادعو لك بالبركة و التوفيق
و ان يرزقك الله من حيث لا تحتسب
نصائح ضرورية و مفيدة جدا
و بجد انا هأعمل اللى انت نصحتنى به
ربنا يبارك لك
اللهم آمين