عاوز أزيل بقايا لصق الفاميه من على زجاج السيارة

[wwrr75]

السلام عليكم / وانا برخص فى المرور خلونى أشيل الفاميه من على الزجاج و بقايا اللزق مش عاوزه تتطلع من على الزجاج ومخليه الزجاج كأنه مصنفر ياريت لو حد يعرف طريقة سهلة ومضمونه أنظف بيه الزجاج يقولى

[hazem_khidr]

ممكن تنضفه ببنزين بس حيتعبك شويه
او روح لاي واحد بتاع كماليات حيعملهولك

[hatem_eg]

المشاركة الأصلية كتبت بواسطة wwrr75 السلام عليكم / وانا برخص فى المرور خلونى أشيل الفاميه من على الزجاج و بقايا اللزق مش عاوزه تتطلع من على الزجاج ومخليه الزجاج كأنه مصنفر ياريت لو حد يعرف طريقة سهلة ومضمونه أنظف بيه الزجاج يقولى

عندي ليك حل تافه جدا

تكلفته تكاد تكون معدومة

مضمون

مجرب قبل كده الف مره

اثاره السلبية لا توجد

طريقه ولا أسهل

أي خدمة

بص يا سيدي روح عند اي مكتبه وجبلك كاتر من ابو تلاته تعريفه ويفضل يكون من العريض مش الرفيع عشان ما تعاورش ايدك وده المهم

شوية ماية في قزازة بخاخة يا اما جلانس ولو مافيش سفنجة فيها ماية وصابون
امسح المنطقة اللي عاوز تشيل بقايا الفاميه اياكش يكون معتق على القزاز بقاله سنين ، المهم بله كويس مش لازم تغرقه يعني ،،،
طلع الكاتر ( السلاح ) من الغلاف البلاستيك بتاع الكاتر نفسه ، يعني استخدم السلاح بس وامسكه بحيث يكون على المايل ويكون كله ملامس القزاز وابتدي اكحت يا معلم في اتجاه واحد كانك بتكشط مع الضغط البسيط ، حتلاقي مع مره واتنين بتظبط ايدك وحتلاقي كل الكلام ده بيتشال ،،، ما تقلقش القزاز مش حيتجرح لانك مش بتحز فيه والماية والصابون عشان تسهيل عملية التنظيف وعشان انزلاق الكاتر على سطح القزاز ، في ثواني حتلاقي الدنيا رجعت تنور تاني
وتحياتي ليك

[mshamy]

المشاركة الأصلية كتبت بواسطة wwrr75 السلام عليكم / وانا برخص فى المرور خلونى أشيل الفاميه من على الزجاج و بقايا اللزق مش عاوزه تتطلع من على الزجاج ومخليه الزجاج كأنه مصنفر ياريت لو حد يعرف طريقة سهلة ومضمونه أنظف بيه الزجاج يقولى

الحل السحري الذي لا يعرفه الكثير من الناس هو " البيروسول"
جرب و ادعيلي

[wwrr75]

المشاركة الأصلية كتبت بواسطة hatem_eg عندي ليك حل تافه جدا تكلفته تكاد تكون معدومة مضمون مجرب قبل كده الف مره اثاره السلبية لا توجد طريقه ولا أسهل أي خدمة بص يا سيدي روح عند اي مكتبه وجبلك كاتر من ابو تلاته تعريفه ويفضل يكون من العريض مش الرفيع عشان ما تعاورش ايدك وده المهم شوية ماية في قزازة بخاخة يا اما جلانس ولو مافيش سفنجة فيها ماية وصابون امسح المنطقة اللي عاوز تشيل بقايا الفاميه اياكش يكون معتق على القزاز بقاله سنين ، المهم بله كويس مش لازم تغرقه يعني ،،، طلع الكاتر ( السلاح ) من الغلاف البلاستيك بتاع الكاتر نفسه ، يعني استخدم السلاح بس وامسكه بحيث يكون على المايل ويكون كله ملامس القزاز وابتدي اكحت يا معلم في اتجاه واحد كانك بتكشط مع الضغط البسيط ، حتلاقي مع مره واتنين بتظبط ايدك وحتلاقي كل الكلام ده بيتشال ،،، ما تقلقش القزاز مش حيتجرح لانك مش بتحز فيه والماية والصابون عشان تسهيل عملية التنظيف وعشان انزلاق الكاتر على سطح القزاز ، في ثواني حتلاقي الدنيا رجعت تنور تاني وتحياتي ليك

ألف شكر استاذ حاتم وكل من شارك معى أنا جربت طريقة استاذ حاتم والزجاج نظف وبسهولة بس كان فيه شوية قطع صغيرة أوى نظفتها بعد كده ب WD40 على قطنه والزجاج بقى مرايا ألف شكر وربنا يبارك فيك