ارجو المساعدة والافاده فى نيسان صنى EX SALOON

[mzagngy]

أنا كلمت المحمل الى فى قليوب
والى رد عليا قالى كلام غريب جدا
أولا : قالى العربية A/T ب 93000 مع انى لسه سائل عليها فى السبع ب 92000
ثانيا : قالى مفيش ABS ليه بقه عشان المشكلة بتاعت اليابان وبيقول مفيش منه .
ثالثا : قولتلو على اللون البتنجانى قالى مفيش اصلا والعربية الى تعرف تلحقها خدها ولو اى لون عشان مفيش تانى .

بصراحة حاسسنى انى لو مرحتش اخد العربية الى عنده مش هلاقى فى اى حته تانى
الغريب بقه انى قولتله انى سعر العربية فى اماكن تانية اقل من كده بالف جنية
قالى المهم التنفيذ بطريقه حاسسنى فيها ان الناس ده هتنصب عليا وبعد ما احجز هزودو تمن العربية باى حجه .
انتو ايه رايكم ياجماعة فى الكلام ده

[BASSEM BESO]

احسن واحلى مكان عن تجربتى فى عربيات كتييييير جدا هو اوتو سمير ريان
والراجل ده اللى يتعامل معاه مره مش هيروح ولا يدور فى اى معرض تانى لأن الألتزام بالكلمه هو شعارهم الأساسى وتعاملك معاهم هيريحك جدا فى اسلوبهم ومواعدهم وكل حاجه هتلاقيها عندهم
وابعد عن معرض المصريه بكل فروعه لأنه ناس ابسط حاجه تتقال عنهم انهم معندهومش رريحه الدم ولا الأدب ولا الذوق ولا احترام العميل

[mzagngy]

الكلام ده صحيح بس الى يخليك تجنن الكلام الغريب الى بيقولوه
بيحسسوك ان انت هيتنصب عليك لو رحت اى مكان تانى غير عندهم والعربيات الى عندهم بس هى احسن عربيات بس انا عايز اعرف قصة ان مفيش الوان ومفيش ABS والعربية الى الحقها اخدها ؟؟؟؟؟؟

[s0144862631]

يا استاذ mzagngy المحمل دول كلامنجيه على الفاضي و انا بشتري اقسموا لي ان موديل 2011 لسه ما اتصنعش و ما نزلش منه ولا عربيه و بعد كده لقيتها في السبع ذي ما قلتلك انت اتصلت بالسبع ولا لا و لو اتصلت كان ردهم عليك ايه

[mzagngy]

انا اتصلت فعلا بالسبع وقالى ان العربيه مش موجوده حاليا الا بعد 10 ايام وانا كمان مستنى البنك عشان مش هينفع اصرف قبل الاسبوع الجاى . وبصراحه انا كان نفسى ادفع واستلم على طول بس مش هتفرق كتير . هستنى الكام يوم دول عشان الاقى حاجه كويسة من مكان محترم .
وشكرا ليك يا اخ سعيد على ذوقك معيا واهتمامك بالموضوع