رجاء لكل ملاك نيسان صني الدخول

[dr_eslam_66]

آه معلش نسيت بس كان فيه حاجة إستفذتني توزيع إيه بقى الي غلط أداوت إيه .. تاني كدة ماسمعتش.
إزاي ياعني دواسة البنزين في السقف ياعني ولا إيه.
ماتحضرونا يارجالة مش أحسن من الي بيحط العدادات في نص الطابلوه ولا الي بيحطوا الهاند بريك في الرجل الشمال ولا الي بيقفل الزجاج من الزراير في الكونسول الي في النص.
أنا شايف الوضع طبيعي ياعني دراع الإشارات والنور شمال الطفاية في نص المساحات والمية يمين عندك مكان تخزين في نص التابلوه للمتعلقات الخفيفة والسريعة الكاسيت في مكانه الطبيعي زرار التحذير (الإنتظار) بردك وفي نفس مكانه الي كل العربيات بتحطه فيه.
هواواضح من الأول إني الرأي الي حضرتك مستشهد بيه أو بتستفسر عنه متحامل أو غير حيادي. فا ماتشغلشي بالك. وعموما إقرى عن النيسان وجرب كمان لو عايز وكون رأيك إنتا وإبقى قولنا عليه.

ههههههههههههههههههههههههه ههههههههه

انتا مش عايز غير خالد خليفة في الموضوع ده ياراجل يا طيب انا عمري ما هشوف عربية تستحمل اللي خالد بيعمله فيها زي ما شوفت النيسان

علي فكرة حرام حرام حرام تقارن الصيني بالياباني وتجيب عربية زي البي واي دي جنب النيسان انا سوقتها الفئة المانيول عربية حوت بسم الله ما شاء الله في خلال 6 ثواني كنت جايب ال 80 وعلي فكرة اانا سوقت الالنترا النيسان ماتورها يفحت ماتور الالنترا ربنا يبارك لاصحبها

[phantiza]

معايا مو2011 exمانيوال airbag+abs
سوقت سكودا واوبل وياريس بالنسبة للنيسان مريحة جدا عنهم
السحب بتاعها ممتاز متنساش حضرتك بتتكلم في 2كامة معاك 118 حصان
بالنسبة لاستهلاك البنزين في الصفيحة بتعمل 255 ممكن يزيد يقل حسب اسلوب السواقة ودة تقريبا معدل كويس مش عالي ابدا
قطع الغيار في منها الاصلي وفي التايواني والصيني (مثلا يعني الفانوس الامامي الاصلي ب900 في منة ب200 تقريبا التايواني ) لاتقلق من قطع الغيار
اتكل علي الله وربنا يوفقك

[ahmed1981]

منقول

sab3aawy

تقييم شامل للصنى بعد ثلاثة سنوات من الاستخدام

المشاركة الأصلية كتبت بواسطة sab3aawy اسمحو لى اقدم هذا التقييم الشامل لاداء السيارة صنى طوال ثلاثة سنوات كهدية لأعضاء ساحة نيسان اللى انا شفت فيها ايام جميلة جدا 1- السيارة بوجه عام: -السيارة تحمل شاسيه طورته نسيان فى اوائل العقد الحالى ويحمل رقم N16 ورثته السيارة من موديل آخر من نيسان هو بالسار ، حيث ان الموديل الساببق من صنى كان يحمل شاسيه مختلف اسمه B12 ورثته بعض السيارات الأخرى فى مجموعة نيسان-رينو مثل اللوجان -السيارة متوافرة فى مصر بمحرك واحد اسمه QG16DE، ذو سعة 1600 سى سى، بلوك من الحديد الزهر و 2 كامة علوية و 16 صباب وكاتينة جنزير، يستخرج قدرة حصانية قصوى قدرها 118 حصان عند 6000 لفة للدقيقة -كما ان السيارة تتوافر بثلاثة مجموعات من التجهيزات: أ- EX saloon بناقل يدوى، وبها تكييف وباور ستيرنج و4 زجاج كهربائى ومرايات كهربائية وعداد RPM ,وساعة،وسنترال لوك، وريموت كونترول وفتح الشنطة من الداخل او الريموت وفتح تنك البنزين من الداخل واير باج واحدة للسائق ورفع وخفض كل من طارة الديريكسيون ونقط تثبيت الأحزمة ب- EX saloon بناقل اوتوماتيكى، وتتوافر بكل التجهيزات السابقة مع ناقل اوتوماتيكى بدلا من اليدوى ج-super saloon وتتوافر بناقل اتوماتيكى فقط وتحتوى كل الكماليات السابقة بالاضافة الى طى كهربى للمرايات وجنوط سبور وابانوس داخلى وكسوة جلد للطارة وفرملة اليد، وسى دى تشانجر 6 اسطوانات و ايرباج اضافية للراكب الامامى وفوانيس شبورة، ومرايا تطوى كهربائيا، وقضيب مانع انقلاب(ميزان ) امامى وخلفى كل الموديلات السابقة يمكن الحصول عليها حاليا ب ABS و EBD مقابل مبلغ اضافى 2-الأداء: التسارع متميز جدا واستجابة السيارة من الصفر غير عادي وان كان يحد منها بشكل بسيط تشغيل المكيف ، هذا يعطى تميز عالى جدا للسيارة فى حالة الانطلاق السريع ، لكنه قد يشكل عبئ على السائق فى حالة الرغبة فى الحركة البطيئة فى الزحام حيث ترغب اليارة فى الانطلاق العنيف بمجرد لمس دواسة الوقود الجير بوكس الأوتوماتيكى سريع الاستجابة ومرن لكن غياراته عنيفة الى حد ما، تشعر بمعظم نقلاته ، لكن هذا مرادف لتسارع السيارة العالى الثبات على الأرض جيد جدا فى الموديل أى إكس صالون وممتاز فى الموديل سوبر صالون ، فى السيارتين تشعر بالأمان التام فى المناورة على سرعات تتعدى حاجز ال 140 كم/س الفرامل جيدة جدا حتى بدون ABS ، تستطيع كبح السيارة فى مسافات معقولة دون خيانة فى الطورائ التحكم فى السيارة جيد، يميزه ثبات السارة على الأرض واستجابتها للمناورة وقطر دوران معقول، لكن يقلل من فاعليته الى حد ما طول كبوت السيارة وطولها من الخلف، لذلك دائما يشعر من يركب هذة السيارة انه من السهل جدا المناورات والغرز علىالسرعات المتوسطة والمرتفعة فى حين ان المناورات الضيقة فى الزحام تعوقها قليل ابعاد السيارة ، عفشة السيارة تكون ناشفة جدا فى بدايه عمر السيارة لكن بعد ال10 ألاف الأولى تتحسن كثيرا خصوصا مع متابعة التربيط فى الصايانات الدورية، مع مرور فترة مناسبة تكون العفشة ممتازة جدا بالمقارنة بكثير من سيارات نفس الفئة ، لكن فى كل الأحوال ومن اول لحظة عندما تتعامل السيارة مع مطب قاسى فانها تخرج منه متماسكة تماما وتعطى احساس عالى جدا بالمتانة لقائد السيارة استهلاك الوقود: يعتمد تماما على اسلوب القيادة، مع القيادة الناعمة غير المتحفزة يصل الاستهلاك الى 200 كم/20 لتر داخل البلد و 280 كم للطوالى، مع القيادة العنيفة يمكن ان يرتفع الاستهلاك الى 160 كم داخل البلد و 200 للطوالى 3- الراحة: الأتساع: سائق السيارة والراكب الجانبى هم اسعد شخصين بركوب هذة السيارة حيث المسافة مناسبة والمكان مريح، يتميز كرسى السائق بامكانية رفع وخفض قعدة الكرسى، اما بالنسبة للركاب فى المقاعد الخلفية فسيكون الامر بالنسبة لهم مقبولا لو كان السائق ممن يقربون الكرسى من عجلة القيادة، اما لو كان السائق ممن يحولون الكرسى الأمامى الى نوع من انواع الشيزلونج الذى يمددون عليه اثنا القايدة فلن يكون الوضع مريحا لركاب الكانبة الخلفية إلا لو كانوا اطفالا، اما الشنطة الخلفية فهى على قدر من الاتساع يكفى حمل احتياجات الأسرة بالكامل حين السفر للمصيف الأدوات: الأدوات منسقة تماما امام السائق بشكل يجعل يده تصل الى الأداه المطلوبة بشكل آلى ودون تغيير النظر عن الطريق، العدادت مرئية بوضوح تام بشرط رفع عجلة القيادة الى اقصى درجة، فى حالة خفض عجلة القيادة فن متابعة العدادات قد تحتاج لبعض تحريك الرأس ، او ان هذا يكون مناسبا لمن يخفضون كرسى القيادة عزل الصوت: عزل الصوت من النقاط التى تؤخد على هذة السيارة، الشعور العام هو ان عزل الصوت ينتمى الى جيل سابق من السيارات، يعنى من الممكن مثلا مقارنته بعزل الصوت فى النوبيرا او اللانسر كريستالة مثلا، لكنه يقل بشكل ما عن سيارات الجيل الحالى، صوت المحرك بطبيعته مرتفع نظرا لتصميمه المعتمد على الكاتينة الحديدية لكنه صوت محبب، يكون صوت المحرك مسموعا جدا داخل السيارة فى حالة التسارع، كما ان صوت حفيف الاطارات بالأرض وراتطام الاطارات بزلط الشارع وحركة مفصلات العفشة داخل الجلب والكاوتشات الخاصة بها مسموع داخل السيارة اذا كنت ممن يركزون فى هذة الاشياء، الشئ مميز فى عزل الصوت هو ان صوت الطريق وحفيف الهواء بجسم السيارة فى السرعات العالية غير مسموع مثل اى سيارة حديثة الرؤية: الرؤية الأمامية والخلفية واضحة للغاية، المرايات وافية جدا، الأجزاء الخارجية للسيارة واضحة حتى لقصار القامة الكماليات: المكيف متميز جدا، تلاجة زى ما بيقولوا، عمرى ما قدرت احطه على اعلى سرعة، وحتى السرعة قبل الأخيرة لم اكن استعملها سوى لمدة عشرة دقائق فقط لتبريد السيارة فى ايام الصيف القائظ والزحام الشديد ثم بعد ذلك اخفضه الى السرعة 2 مقدرش اقول انى لقيت فى التقفيل المصرى عيوب ملحوظة، اللهم إلا ان الموكيت كثافته قليلة شوية عن مثيلتها اليابانية، ويحكى البعض ان قابلية زجاجها للخدش اكثر من مثيلتها اليابانية لكن دة محصلش معايا، فيما عدا ذلك انا لم اواجه مشاكل، الطلاء ممتاز، العزل اسفل السيارة ممتاز، الابعاد والفروقات والفواصل بين اجزاء السيارة (على الشعرة) ، لم اجد بالسيارة اى نقط منسية او اى غلطة تقفيل يمكن ان يشار اليها، ميزات السيارة هى نفس ميزات اختها اليابانية، وعيوبها هى نفس عيوب اختها اليابانية، ربما باستثناء اختلاف عزل الصوت الى حد ما وانا اشرت لزل الصوت فى تقييم السيارة الباور ستيرنج مش بخفة السيارات الأحدث ، لكنه يعطى ثقل مطمئن، يعنى مش هتقدر تلفه بصباعك مثلا، لكن فى الزحام واثناء ركن السيارة مرن ومريح جدا، فى نفس الوقت فان وجود(سنه بوش) فيه يعطى راحة لمن يفضلون القيادة المريحة عن القيادة المتحفزة المرايات الكهربائية عملية جدا ومريحة فى الاستجابة جدا الزجاج الكهربائى سريع وعديم المشاكل وعديم الصوت الكاسيت والسماعات جيدة جدا وصوتها نقى وخالية من المشاكل فيها بعض الاشياء اللطيفة مثل فتح الشنطة بالريموت كونترول ومنع تشغيل الزجاج الكهربى من جانب السائق وزرار التحكم فى السنتر لوك وعدداين رحلات ديجتال وساعة فى التابلوه و ووجود اماكن تخزين متعددة فى الأبواب والتابلوه على يسار السائق وفى منتصف التابلوه وفى الكونسول الأوسط بالإضافة طبعا للدرج التقليدى 5- تقييم السيارة فى نقاط(10 هى الأفضل وصفر هو الأسوء) 1- التسارع: 9 2- الثبات: 9 4- العفشة: 7 5- الضوضاء: 5 6-النعومة:7 7-االتحكم فى السيارة:8 8-الكماليات: 9 9-القيمة بالنسبة للسعر:10 10-المتانة: 9 11- الاعتمادية: 10 12- مراكز الصيانة: مودرن موتورز 6 - السبع 10 13- توافر قطع الغيار واسعارها وسهولة الصيانة وانتشار مراكز الصيانة:10 14-العمر الافتراضى:9 15- كفائة تصميم المساحات المستخدمة فى السيارة بالنسبة لحجمها الخارجى: 7 ولا زلت حتى هذة اللحظة ارى ان الصنى هى انسب سيارة سيدان للاختيار من فئة 85 وحتى 100 ألف

[mido magdy]

لو سمحتم يا جماعه ا- sab3aawy الوحيد اللى بيتكلم عن الصنى اللى احنا عارفنها
الباقى انا حاسس انهم بيتكلموا عن s 500 + ان شكلها من جوه قديم موديلات تسعينات ودى (ازواق)