#1
|
|||
|
|||
مشكله فشل فى حلها كل الميكانيكيه
انا عربيتى اللانوس 2003 اشتريتها من 3 شهور العربيه كويسه بس فيها مشكله غريبه حيرت الميكانيكيه
العربيه فى الاول بتدور كويس بس ساعات تحتاج خبطه صغيرة على البطاريه بس المشكله الغريبه انى بعد ما امشى بيها 5 كيلو تقريبا الاقى المكنه تبقى خشنه جدا والسحب يقل خالص والعربيه الاقيها بتتهز تحت رجلى شويه والاقيه بتنتش وتنط كام نطه كدة يعنى ابقى ضاغط بنزين الاقيها سحبت مرة واحدة ورجعت قللت السحب تانى وبعد 5 او 10 كيلو من المعاناه دى الاقى العربيه بقت زى الفل والسحب رجع ميه ميه وبقت ناعمه تانى وتستمر زى الفل لحد تانى يوم روحت اميكانيكى غيرلى البوجيهات بس مفيش فايدة قلتله يمكن الفلتر قاللى لاء يا بيه الفلتر زى الفل روحت لواحد تانى اكثر خبرة قاللى بردو المشكله فى البوجيهات قلتله انا مغيرها من اسبوعين قاللى لاء انت كنت جايب نوع صينى هات نوع يابانى روحت جبت اليابانى بردوا والمشكله هيه هيه ارجو الافادة يا اهل الخبرة |
#2
|
||||
|
||||
رد: مشكله فشل فى حلها كل الميكانيكيه
السلام عليكم
ضعها على الأسكانر وشوف الأول ممكن عيب في الكمبيوتر والله اعلى واعلم والله المستعان
__________________
صل اللهم على خير الأولين والآخرين وعلى آله الطيبين الطاهرين واصحابه الغر الميامين ومن تبع هديه إلى يوم الدين سبحان الله وبحمده سبحان الله العظيم ربي اغفر لي وتب علي إنك انت التواب الغفور لا إله إلا أنت سبحانك إني كنت من الظالمين
|
#3
|
||||
|
||||
رد: مشكله فشل فى حلها كل الميكانيكيه
جرب مش حتخسر حاجة
لو العربية فول أوبشن .............. افصل خرطوم ال egr
__________________
سبحانك لا علم لنا الا ما علمتنا |
#4
|
||||
|
||||
رد: مشكله فشل فى حلها كل الميكانيكيه
اعتقد ده عيب رداخ (طرمبه البنزين) ضغطها ضعيف ..
بس واضح انك بتتعامل مع صنايعية مش قد كده .. شوف حد بيفهم وسمعته كويسه وبعدين دى لانوس يعنى من السهل اوى تلاقى حد بيفهم فيها ..
__________________
رحـــمـــــــــــة الله عـــلــــــيـــــــك يا حــبـيـبـنــــــــا ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــ |
#5
|
|||
|
|||
رد: مشكله فشل فى حلها كل الميكانيكيه
بص يا باشا...الكويل عاوز يتغير و كمان غير طقم سلك البوجيهات...
انا واجهتنى نفس المشكلة و كان ده حلها و ربنا معاك كويل dac اصلى يتراوح بين 550 -600 جنية و طقم سلك بوجيهات جى ام 50 جنيه |
الكلمات الدليلية |
مشكله فى اللانوس |
|
|