#1
|
||||
|
||||
تجربتى مع بنزين 80 فى الفيرنا
فى البدايه دى تجربه شخصيه و لو حد جربها لنفسه انا مش متحمل اى عواقب
طبعا زى ما كلنا عارفين ان غلو اسعار البنزين خلت الناس تتجنن و انا منهم بس اعمل ايه معروف ان الفيرنا ضغط الموتور بتعها بيوصى ببنزين 91 على الاقل انا معايا واحد صحبى فى الشغل معاه شاهين و دى عادى لما تحطلها 80 مابتقولش لا و كذا مره اكون معاه و هو بيحط بنزين و الاقى فيرنا و لانسر و لانوس و تويتا و حاجات حديثه كتير بتحط 80 فى مره سالت واحد من ملاك الفيرنا اخباره معاك ايه قالى زى الفل العربيه ممتازه و مافيهاش اى مشاكل خالص و من هنا ابتدت الفكره تلعب فى دماغى و بصراحه حسبتها لقيت فرق فى التفويله الواحده حوالى 35 جنيه برضو مبلغ بدل 70 بدفع 35 فرق كبير توكلت على الله و روحت حطيت 80 و كانت العربيه فاضيه خالص فولتها ب 37 جنيه و مشيت طول الطريق من الرحاب الى مدينه نصر الحب كويس و العربيه ماشيه تمام مافيش مشاكل خالص جيت اول ماركنت العربيه و بطلتها لقيتها تمام برضو مافيش مشاكل جالى مشوار بليل دورت العربيه حسيت برعشه خفيفه جدا تكاد تكون غير محسوسه قولت عادى و لسه بقول بسم الله و بكبس بنزين سمعت صوت تصقيف المحرك قولت برضو عادى اظبط رجلى شويه و هايروح و فعلا ظبط رجلى و الصوت راح بس برضو مارحش قوى مع اى كبسه او مطلع جامد ماتكونش كابس فيه العربيه بتكركر معاك و شائت الصدفه انى تانى يوم اروح احمل العربيه حاجات كتير من البيت لمصر الجديده و جيت طالع طلعتى العاديه سمعت برضو صوت الكركره المحترم و بما ان الكهرباء فى العربيه الكترونى فامينفعش انى ااخر الشراره او اقدمها خالص المهم قولت اتعايش مع الصوت شويه و اعلى الكاست و مش هاسمعه جيت فى يوم بعديها ابويا خرج بالعربيه و لقيته راجع من الشغل بيقولى العربيه دى مش عربيتى انت عملت فيها ايه لا انا متعود ادوس العربيه تجرى معايا و لما اكبس تستجيب انت موتها انا لما قولت ان السحب و الكبس كان عادى معايا لانى بحسب الكبس بعد 3 ار بى ام لكن والد لما بيكبس بيكبس على 2 ار بى ام و دلا كفيله انها تبينله جميع الاصوات و تحسسه ان العربيه بطه بلدى من الاخر عمليه الكركره دى مالهاش حل خالض و و كترها بيودى الى انهيار البيلات و الصباب فنصيحه محدش يحط ال80 فى العبيه دى خالص اخرك 92 كمان من الاخر هتلاقوا مركز شباب الشيشه فى الموتور قاعد بيكركر
__________________
®AHMEDCAR سبحان الله و بحمده سبحان الله العظيم اذكروا الله اللهم اغفر للمسلمين و المسلمات و المؤمنين و المؤمنات الاحياء منهم و الاموات
التعديل الأخير تم بواسطة AHMEDCAR ; 18-10-2009 الساعة 02:05 PM |
#2
|
||||
|
||||
رد: تجربتى مع بنزين 80
انا جربت بنزين 90 و كان شغال مفهوش مشكلة بس قلبي مجمدشي اني اجرب بنزين 80 و بعدين لقيت الفرق بريزة ما بين 92 و 90 فقلت مش مستاهله |
#3
|
||||
|
||||
رد: تجربتى مع بنزين 80
طيب تعرف يا احمد ان صديق ليا بيحط 90 فى فرنته و بيقوله انه احسن علشان مش بيطير بسرعه عكس ال92 اللى بيطير بسرعه
وجهه نظر
__________________
®AHMEDCAR سبحان الله و بحمده سبحان الله العظيم اذكروا الله اللهم اغفر للمسلمين و المسلمات و المؤمنين و المؤمنات الاحياء منهم و الاموات
|
#4
|
|||
|
|||
رد: تجربتى مع بنزين 80
خليك كده ياقرصان ورا العربية جننها
لحد لما هاتخليها عربية فول وبليلة
__________________
عجبي علي العجب العجيب العجاب عجبى !!( صلاح جاهين )لما الحقيقة تطل بعد احتجاب و تروح و تحلا وفجأة تصبح مفيش كمثل طراطيش بحر ياما خد و جاب |
#5
|
||||
|
||||
رد: تجربتى مع بنزين 80
ياسيدى هو لقب القرصان ده جيه من شويه ما هو انا لازم اضحى بعربيتى علشان باقى الفيرنات تعيش
__________________
®AHMEDCAR سبحان الله و بحمده سبحان الله العظيم اذكروا الله اللهم اغفر للمسلمين و المسلمات و المؤمنين و المؤمنات الاحياء منهم و الاموات
|
الكلمات الدليلية |
تجربتى, بنزين |
|
|