لو زوجتك او اختك او بنتك طلبت الخروج فى مظاهرات اليومين دول

[m.genedy]

المشاركة الأصلية كتبت بواسطة MmFFoR بعيدا عن جو التهريج اللي شمل الموضوع هذا السؤال في الاصل هو احد اهداف طنطاوي و مجلس السمكرية من الاصل و هو حجب العنصر النسائي و الذي يمثل 40% من الثوار و المثقفين على الاقل عن طريق التعدي عليهم بصورة ابشع حتى من التعدي على الرجال و ذلك لاثارة حفيظة الاسر و الشعب المصري المحافظ و بهذا القضاء على 40% من القوة الباقية من الثورة بعد ان قضوا على 60% من القوة المتمثلة في الاسلاميين عبر القاء عضمة مجلس الشعب لهم و هما مش واخدين بالهم ان مجلس الشعب يمكن حله في كلمه!!! و يبقوا يوروني حيعملوا ايه ساعتها لاني برغم من توجهي الاسلامي اللا انني للاسف باعترف ان الاسلاميين جبناء حتى النخاع.. و ساعة ما حينزل الضرب عليهم لواحدهم مش حيصبروا و يثابروا بل حينسحبوا في صمت و يعودوا الى الظل من جديد و يستنوا ثورة جديدة بعد 50 او 80 سنة علشان يخربوها تاني بجهلهم و غباءهم السياسي.. ردا على السؤال و لكي اكون صادق لن اسمح لاي من اسرتي من السيدات بالنزول امام ضباط و جنود جيش لا يمتلكوا اي نخوة او عزة او اخلاق يمكن ان يوصف بها المسلمين او العرب او حتى الرجال بل ولا يمتلكون ما يمتلكه اشباه الرجال من الغربيين الذين نسخر منهم... و لكن اي فتاه او سيده تتطوع للنزول اقسم بالله انها ارجل مني و من كل رجال الجيش بقاداتهم

المشاركة الأصلية كتبت بواسطة MmFFoR و شوف مشاركاتي و تحليلاتي منذ بداية الثورة في المنتدى و للاسف حتلاقي ان كل تحليلاتي للاسف كانت صحيحة...

افادكم الله.. واضح جدا
اضحك خللى الثورة تطلع حلوة

[تامر ديزل]

المشاركة الأصلية كتبت بواسطة MmFFoR يا تامر انا اشعر بالاسف من اللي بيحصل الاخوان و فاهم موقفهم انهم بيمشوا مع الكداب لحد باب الدار و هما عندهم مخاوف عميقة و حذرين من العسكري لكن العديد من شيوخ السلفية اعلنوا الحرب على الثورة و الثوار و الناس كلها و بصموا بصوابعهم العشرة للعسكري علشان شوية وعود لا تعني تعريفة للعسكري ذاته!!! و لما لاقوا انهم فازوا بشوية مقاعد في البرلمان!!! انا اشعر بالاسف للغباء السياسي مش بخون - لان فيه فرق بين انك تكون متواطيء و بين انك تكون غبي و شوف مشاركاتي و تحليلاتي منذ بداية الثورة في المنتدى و للاسف حتلاقي ان كل تحليلاتي للاسف كانت صحيحة...

انت فهمتني غلط يا ممفور .... انا مبقولش انك بتخون التيار الاسلامي ... وهتخونه ليه اصلا ؟ كان حرق البلد ؟ حد من التيار الاسلامي قابض فلوس علشان يولع البلد ويعمل فتنه ؟ اللي بقول عليه خاين هوا اللي بيولع البلد ... شوف انت بقى هما مين ؟
وبعدين موضوع البنت والسحل ده قلنا خلاص قضيه خسرانه ومش هنتكلم فيها وفيه اتنين زملاء افاضل عملوا موضوعين علشان يقولوا كفايه خوض في حكاية البنت دي .... ده اللي فهمته من كلامهم الا اذا كان قصدهم نبطل كلام في عرضها ونستمر في المتاجره بالموضوع وتسخين الناس بيه
ايه المطلوب بالضبط ؟
انت حطيت الكلام بتاع شيماء ده على انه حقائق مؤكده وانها اخوان ودكتورة وشيماء دي بتحاول تلبسها لكل طوائف المجتمع علشان يسخنوا
تاني وبصراحه ومن الاخر ايه المطلوب بالضبط من موضوع البنت دي ؟ يمكن اقتنع وانضم ليك ....

[MmFFoR]

المطلوب اننا نفتح عينينا و نعرف العدو من الصديق
مش من موقعة البنت اللي اتسحلت فقط
1- 2 فبراير: موقعة الجمل - قامت قوات الشرطة العسكرية و الحرس الجمهوري بفتح الطريق و تأمين جماهير من البلطجية و المأجورين الذين تم الدفع بهم من قيادات النظام السابق و الحزن الواطي بتعليمات مباشرة من المجلس العسكري بهدف القيام بمجزرة تقضي على الثورة و تأدها في مهدها و بفضل الله فشل المخطط الحقير و لكن تعدى الضحايا ال 200 شهيد و 3 الاف مصاب!!!

برعاية : المجلس السمكري

[mohammed fathi]

بسم الله الرحمن الرحيم

( وقرن في بيوتكن ولا تبرجن تبرج الجاهلية الأولى وأقمن الصلاة وآتين الزكاة وأطعن الله ورسوله إنما يريد الله ليذهب عنكم الرجس أهل البيت ويطهركم تطهيرا )

هو ده رأيى بصراحة لما الرجاله تخلص يبقى البنات اللى منهم اختى وبنتى وامى ينزلواااا

[MmFFoR]

المشاركة الأصلية كتبت بواسطة mohammed fathi بسم الله الرحمن الرحيم ( وقرن في بيوتكن ولا تبرجن تبرج الجاهلية الأولى وأقمن الصلاة وآتين الزكاة وأطعن الله ورسوله إنما يريد الله ليذهب عنكم الرجس أهل البيت ويطهركم تطهيرا ) هو ده رأيى بصراحة لما الرجاله تخلص يبقى البنات اللى منهم اختى وبنتى وامى ينزلواااا

ما هو لما الرجالة باقت***** و تشوف المسلمين بينضربوا و يتسحلوا و هما قاعدين في بيوتهم و يقولوا يستاهلوا ايه اللي نزلهم يبقى لازم الستات تنزل*******