لو زوجتك او اختك او بنتك طلبت الخروج فى مظاهرات اليومين دول

[Eng/salwa]

المشاركة الأصلية كتبت بواسطة AboNoRa يا استاذة سلوى يا ماما سلوى بلاش ياريت اسلوب التريقة ده علشان ميصحش ثانياً هو مش دفتر حضور لازم الكل يمضى فيه المفروض حضرتك كنتى تفهمى ان طرحك ممكن يكون مثار رفض او حتى اشمئزاز من الاخريين وبالتالى السكوت بيكون افضل وكلمة اخيرة يمكن تريحك بخصوص نزول السيدات انا شخصياً لما كنت بنزل كان علشان ميجيش اليوم اللى الاقى فيه اولادى سواء البنات او الولاد بينزلو يعنى علشان بالبلدى لما يكبرو اقولهم انا نزلت اهوه والبهايم هى هى بس صدقينى لو صممو ينزلو مش همنعهم غير كده نزلت مظاهرات كتير وكان فيها بنات وسيدات وكانو امهات واخوات لينا واعتقد المظاهرة النسائية اللى نزلت انهارده ابلغ رد على تشويهك لصورة المتظاهرات اخيرً رجاء صادق اتقى الله فى اعراض البنات وكفاية لحد كده

اظن عيب جدا الالفاظ دى فى منتدى محترم
الناس كلها شايفة كلامى وتقرأه من اول الموضوع
و اللى شايف انى اجبرت احد على الرد
واللى شايف انه اصابه الاشمئزاز من سؤالى
واللى شايف ان احنا بهايم
واللى شايف اننى لا اتقى الله فى اعراض البنات
واللى شايف انى المفروض ابطل اهانات لنزول البنات للثورة
رجاء من الناس تقولى ان انا غلط وفى ايه لكى اهان بهذه الالفاظ من الاستاذ المحترم ابو نورا
اللى تغاضيت عن تريقة الامس بدون ادنى اعتذار منه ليهيننى اليوم صراحة
وحسبى الله و نعم الوكيل

[د.هبه77]

لا حول ولا قوة الا بالله العلي العظيم اكثري من الاستغفار ومتزعليش نفسك
اللي انا متاكدة منه ان اكيد ابو نورا مستحيل يكون يقصد اهانة لحضرتك
حضرتك اسهاماتك ومواضيعك كلها اثراء
هو اكيد لا يقصد اهانة مطلقا لحضرتك لان حضرتك فعلا لولا ان فرق السن بيننا مش كبير انا كنت شخصيا نادتلك ماما سلوي وبالتالي ليس المقصود بها تهكم او سخرية

وعلي فكرة اللي انا فهمته من كلمة بهايم مش السيدات اللي منزلوش لا بالعكس المقصود بها النظام الحاكم اللي هيفضل زي ما هو

في اية يا جماعة شيطان ودخل ولا اية وحدو الله واستعيذو بالله من الشيطان الرجيم
الخلاف في الراي لا يفسد للود قضية
استهدو بالله

[Eng/salwa]

المشاركة الأصلية كتبت بواسطة AboNoRa يا استاذة سلوى يا ماما سلوى بلاش ياريت اسلوب التريقة ده علشان ميصحش ثانياً هو مش دفتر حضور لازم الكل يمضى فيه المفروض حضرتك كنتى تفهمى ان طرحك ممكن يكون مثار رفض او حتى اشمئزاز من الاخريين وبالتالى السكوت بيكون افضل وكلمة اخيرة يمكن تريحك بخصوص نزول السيدات انا شخصياً لما كنت بنزل كان علشان ميجيش اليوم اللى الاقى فيه اولادى سواء البنات او الولاد بينزلو يعنى علشان بالبلدى لما يكبرو اقولهم انا نزلت اهوه والبهايم هى هى بس صدقينى لو صممو ينزلو مش همنعهم غير كده نزلت مظاهرات كتير وكان فيها بنات وسيدات وكانو امهات واخوات لينا واعتقد المظاهرة النسائية اللى نزلت انهارده ابلغ رد على تشويهك لصورة المتظاهرات اخيرً رجاء صادق اتقى الله فى اعراض البنات وكفاية لحد كده

المشاركة الأصلية كتبت بواسطة د.هبه77 لا حول ولا قوة الا بالله العلي العظيم اكثري من الاستغفار ومتزعليش نفسك اللي انا متاكدة منه ان اكيد ابو نورا مستحيل يكون يقصد اهانة لحضرتك حضرتك اسهاماتك ومواضيعك كلها اثراء هو اكيد لا يقصد اهانة مطلقا لحضرتك لان حضرتك فعلا لولا ان فرق السن بيننا مش كبير انا كنت شخصيا نادتلك ماما سلوي وبالتالي ليس المقصود بها تهكم او سخرية وعلي فكرة اللي انا فهمته من كلمة بهايم مش السيدات اللي منزلوش لا بالعكس المقصود بها النظام الحاكم اللي هيفضل زي ما هو في اية يا جماعة شيطان ودخل ولا اية وحدو الله واستعيذو بالله من الشيطان الرجيم الخلاف في الراي لا يفسد للود قضية استهدو بالله

يا هبة ارجوكى اقرأى باقى كلامه قبل ان تفسرى الموضوع على انه مجرد قول ماما سلوى
طيب و اتقى الله فى اعراض البنات دى كمان مش ليه وهل انا لا اتقى الله فى الاعراض
وهل لما بنتكلم انا وانت فى التليفون بيكون رأيك اننا ننزل المظاهرات الآن

[AbOnOrA]

المشاركة الأصلية كتبت بواسطة Eng/salwa اظن عيب جدا الالفاظ دى فى منتدى محترم الناس كلها شايفة كلامى وتقرأه من اول الموضوع و اللى شايف انى اجبرت احد على الرد واللى شايف انه اصابه الاشمئزاز من سؤالى واللى شايف ان احنا بهايم واللى شايف اننى لا اتقى الله فى اعراض البنات واللى شايف انى المفروض ابطل اهانات لنزول البنات للثورة رجاء من الناس تقولى ان انا غلط وفى ايه لكى اهان بهذه الالفاظ من الاستاذ المحترم ابو نورا اللى تغاضيت عن تريقة الامس بدون ادنى اعتذار منه ليهيننى اليوم صراحة وحسبى الله و نعم الوكيل

لا حول ولا قوة الا بالله

يا مدام سلوى البهائم هم افراد الامن وسواء شرطة او جيش دلوقتى
وراجعى سياق الكلام وللمرة التانية بطلب من حضرتك تهدى وانتى تفهمى
حضرتك انا اتصابت فى وشى فى احداث يناير وده معنى اشارتى لاولادى بان البهائم ( افراد الامن (( كلاب النظام)) ) واسف على الالفاظ حضرتك هما اللى عملو كده
ومعايا لحد دلوقتى ورق زميلى اللى مات جمبى بنفس رصاصهم مش من طرف تالت وبرضو هفكر اولادى ان البهائم اللى قتلوة ممكن يقتلوكوم انتو كمان
هما تقريباً فاهمين ده من دلوقتى بس مش بخوف الحمد لله
علشان كده بفهم حضرتك انى مش همنع اولادى قهراً انهم ينزلو ولو صممو هيسبهم

حضرتك سيبتى كل ده مع ان موضوعك اصلاً وتريقتك كانت علشان نرد على السؤال ده ومسكتى فى كلمة واحدة !!؟
اسمى ده تحفز ولا ايه طيب ؟

[AbOnOrA]

بخصوص اتقاء الله فانا مش بحاسب حضرتك انا بفكرك بس
وده بسبب ان محاولات حضرتك واضحة جداً لاظهار ان البنات اللى نزلو كان على اقل تقدير غلطانين ومش متربيين او ملهومش اهل رجالة يمنعهوم

او بالبلدى فين الرجالة اللى تسمح لمراتتها وبناتها يحصلهم كده
فاللى يقول انا انزل بنتى ولا مراتى يبقى مش راجل علشان كده بيسمح يحصلها كده
واللى يقول لا يعم وانا مالى ان شاء الله تتحرق البلد يبقى راجل وبيخاف على اهل بيتة

اظن قياس معيب ومسىء ومثير للاشمئزاز فعلاً

معلش يا مدام سلوى حضرتك ليكى كل التقدير والاحترام شخصياً وانا لما كنت بقولك ماما سلوى كان تقديراً وتذكيراً

لكن انا من طبعى لا اجد غضاضة فى وصف او تحليل اراء مطروحة للنقاش على العام
خاااااااااااصة مع الحاح حضرتك على المشاركة

يارب اكون وضحت الفكرة