لو زوجتك او اختك او بنتك طلبت الخروج فى مظاهرات اليومين دول

[مادا]

المشاركة الأصلية كتبت بواسطة MmFFoR بعيدا عن جو التهريج اللي شمل الموضوع هذا السؤال في الاصل هو احد اهداف طنطاوي و مجلس السمكرية من الاصل و هو حجب العنصر النسائي و الذي يمثل 40% من الثوار و المثقفين على الاقل عن طريق التعدي عليهم بصورة ابشع حتى من التعدي على الرجال و ذلك لاثارة حفيظة الاسر و الشعب المصري المحافظ و بهذا القضاء على 40% من القوة الباقية من الثورة بعد ان قضوا على 60% من القوة المتمثلة في الاسلاميين عبر القاء عضمة مجلس الشعب لهم و هما مش واخدين بالهم ان مجلس الشعب يمكن حله في كلمه!!! و يبقوا يوروني حيعملوا ايه ساعتها لاني برغم من توجهي الاسلامي اللا انني للاسف باعترف ان الاسلاميين جبناء حتى النخاع.. و ساعة ما حينزل الضرب عليهم لواحدهم مش حيصبروا و يثابروا بل حينسحبوا في صمت و يعودوا الى الظل من جديد و يستنوا ثورة جديدة بعد 50 او 80 سنة علشان يخربوها تاني بجهلهم و غباءهم السياسي.. ردا على السؤال و لكي اكون صادق لن اسمح لاي من اسرتي من السيدات بالنزول امام ضباط و جنود جيش لا يمتلكوا اي نخوة او عزة او اخلاق يمكن ان يوصف بها المسلمين او العرب او حتى الرجال بل ولا يمتلكون ما يمتلكه اشباه الرجال من الغربيين الذين نسخر منهم... و لكن اي فتاه او سيده تتطوع للنزول اقسم بالله انها ارجل مني و من كل رجال الجيش بقاداتهم

اعترضى على كل كلام حضرتك اعتراض شديد جدآ عنصر نسائى ايه االلى بيمثل 40 % من قوة الثوار اللى الجيش بيضربهم علشان يخافوا ينزلوا .. ياعمنا هى فى واحده محترمه تقبل تباد بره البيت . هى فى واحده محترمه تقبل تنام فى خيمه مع شباب .. معلش خلينا ساكتين

اما بخصوص ان المجلس رمى عظمه للاسلاميين يسكتهم بيها وهى البرمان .. مع اعتراضى الشديد للالفاظ اقول ليك ان الشعب هو اللى اختار الاسلامين فى انتخابات نزيهه مش المجلس العسكرى هو اللى اعطاهم العظمه زى ما بتقول وكان نازل معاهم شباب الثورة والليبرالييين وسقطوا وافكرك ان اسماء محفوظ أخذت 200 صوت فقط ولما سقطت راحت ميدان التحرير وقالت اكمل الثورة وحمزاوى لما نجح مرحش الميدان علشان نجح مع انهم كانوا مع بعض فى كل مليونيه ...


اما بخصوص ان الاسلاميين جبناء حتى النخاع .. اقول لك ان شاء الله عن قريب اتشوف جيش الاسلام وايدخل الاسلام كل بيت سواء بعز عزيز او بذل ذليل وابقى خلى 6 ابريل ساعتها تنفعك

[aborawan]

اولا بالنسبه لزوجتي لا طبعا (غيره) وهنزلها وسط مين!!!
بنتي لسه صغيره 8 سنين ولو اكبر كانت مش ممكن تطلب طلب زي دا
اختي اكبر مني ومتزوجه يعني اكيد مش هتشاورني
شكرا على الموضوع الحيوي يا باشمهندسه

[M.TONSY]

المشاركة الأصلية كتبت بواسطة MmFFoR بعيدا عن جو التهريج اللي شمل الموضوع [SIZE=7]و لكن اي فتاه او سيده تتطوع للنزول اقسم بالله انها ارجل مني و من كل رجال الجيش بقاداتهم

كويس انك عارف نفسك ... ابقى اشرب بريل

[Eng/salwa]

الغريب بقه ان عدد المشاهدة تقريبا 600 فرد
اللى ادلوا بصوتهم 30
اللى مش موافقين على نزول نسائهم 27 و دخلوا و عرفناهم مين
وقالوا كمان اسبابهم
الغريب بقه ان اللى همه شجعان ووافقوا على نزول زوجاتهم للميدان
لا نعرفهم ولم يدخلوا لكى يقولوا لنا بشجاعة اسبابهم ومن يكونون يا ترى
يا سلام على الشجاعة ؟؟؟؟؟؟؟؟؟؟؟

[احمد على 1999]

انا تقريبا اول مرة اشارك مشاركة ايجابية فى مواضيع 25 يناير
اولا بيعجبنى الاخ MmFFoR بالرغم انى مختلف معاه بنسبة 99 % لانه ثابت على موقفه و اكيد ليه دوافعه و اكيد اتعرض لظلم
ثانيا انا مبفهمش فى السياسة بس مش المفروض الجنزورى ده راجل كويس ؟
و فعلا انا مش فاهم هما بيتظاهروا ليه اساسا ؟ عشان اذا كنت اوافق او موافقش

بالظبط زى واحد فجأه يقولى : خش مع الناس دى بسرعة ........ ها موافق و لا لأ ؟
طيب يا عم هو ف A ؟
خش بسرعة .......... انت معانا ولا معاهم ؟
انتم مين و هما مين ؟ كلنا مصريين

اللى حصل ده خناقة او اعتصام و قلب بخناقة سواء بقى من خلال مندسين او من نفسهم
المهم بقت خناقة
حد يقدر فى خناقة كبيرة يعرف مين صح و مين غلط ؟
حتى لو تأكد من الطرف الحق طالما قلبت بخناقة فهى فتنة عظيمة و ما اسهل اثارة الفتن فى التجمعات
no communication