#1
|
|||
|
|||
ارتفاع درجة حرارة السيارة الانسر
العربية بتسخن اووي وبدون داعي وعلي فترات متباعدة
العربية لانسر 2003 اوتوماتيك وبحطلها مياه خضراء ولما رحت للمكانيكي لما موضوع الحرارة ده وجع دماغي مع العلم اني عيني علطول علي امبير الحرارة مما حماني من اتلاف وش السلندر الحمد لله المهم المكانيكي فك ترموستات واداهوني قلتله اشتري غيره عشان تركبه قالي لا خلاص انا لغيته هو ده اللي كان بيسخنلك العربية وفعلا بالتجربة بعد كدا لقيت العربية مش بتسخن ولا حاجة وبقت زي الفل بس يا تري الترموستات دي حتأثر بعد كدا او هي مهمه لدرجة اني المفروض ارجعها تاني يا ريت اللي اتعرض للموقف ده او عنده خبرة يدلنا علي الصح ايه مع خالص شكري |
#2
|
||||
|
||||
رد: ارتفاع درجة حرارة السيارة الانسر
بص يا شوتر هو فيه عربيات يتنزل بترموستات تسخين وبيتسمى ترموستات كوعة
ده وظيفتة يقفل الدورة بتاعة التبريد نوعاً ما على كمية قليلة من المية علشان العربية تسخن بسرعة فى الشتاء وبيبقى موجود فى اكتر العربيات اللى بتيجى من بره كان مشهور فى اللادا الروسى جدا لدرجةان الناس كانت بتشترى العربية تشيله على طول على فكره فى الغالب الترومستات ده بيبوظ من المية الخضراء لانه باظ عندى برضو وانا بستخدم المية الخضراء وعامة لو هو ده مفيش مشاكل هو زى اوبشن واتشالت خلاص واحنا مش محتاجينها اوى فى مصر |
#3
|
|||
|
|||
رد: ارتفاع درجة حرارة السيارة الانسر
الله يطمك يا ابو نورا واشكرك حقيقي من كل قلبي لسرعه ردك ولتفاعلك معي في وقت قياسي
|
#4
|
||||
|
||||
رد: ارتفاع درجة حرارة السيارة الانسر
|
#5
|
|||
|
|||
رد: ارتفاع درجة حرارة السيارة الانسر
ثرموستات الكوعة مش الهدف منه بس تسخين السيارة سريعا و للأسف لا يعلم الكثير من الميكانيكية أن فوائدة كثيرة (أو يعلمون و لكنهم يتجاهلون ذلك),
-ثرموستات الكوعة بيحسن من اداء السيارة لأنه يبقيها عند درجة حرارة التشغيل المثالية أثناء السفر مثلا (تدفق الهواء يجعل المياه تبرد عن الحد المثالى). - تدفق المياه و هى باردة عند ادارة السيارة صباحا يتسبب بضرر بالغ للمحرك, لأن الفارق بين حرارة المياه و حرارة المحرك كبيرة و ده بيعمل حمل حرارى على المحرك, مما يقصر عمره, أى ان ثرموستات الكوعة يطيل عمر المحرك. لذا فانه من الأفضل تغييره ان امكن, مشكلته دائما انه بيصدى من المياه العادية, أو المياه الخضراء المغشوشة, لذا فان الميكانيكية بيستسهلوا و يشيلوه, مع انه مهم جدا لضمان أقصى اداء من المحرك.
__________________
أخر مواضيعى : اختبار الفيات برافو 120 حصان تى جيت. وداعا يا ايها الصقر الجسور قضيت معكى أحلى ايامى. فيات برافو مرحى مرحى |
|
|