|
لادا LADA لادا الروسية LADA احدى شركات اوتوفاز AvtoVAZ الروسية بدات فى السبعينيات بتجميع سيارات فيات 124 واستمرت فى تقديمها بشكل اقتصادى لعشرات السنين تمشيا مع الفكر الشيوعى الروسى الا انها الان تسعى للمنافسة والتجديد بعد شراكتها مع مجموعة رينو - نيسان |
|
أدوات الموضوع |
#1
|
|||
|
|||
تفاصيل عن موديلات اللادا موديل 95 حتى 2000 لاهل الخبرة من اللادا
بسم الله الرحمن الرحيم
تحيه مبدئيه للقائمين علي المنتدى واعضاءة 😊😊 كنت بفاضل بين عربيتين منهم اللادا كنت عاوز اعرف من اهل الخبرة من اللادا 1 الفرق بين 2105 و 2107 وانه الافضل 2 الموديلات من 95 حتي 2000 دى تبقي روسي ولا مصري 3 بالنسبه للدريكسون تقيل ولا معقول والعربيه بتسخن ولا ايه النظام 4 عشان اجيب عربيه ومصرفش عليها اظبطها ازاى اركز فب ايه في صيانتها ولو حد يحب يزود حاجه اكون شاكر جدا لان بفكر اجيب حاجه من موديل 95 حتي 2000 وشكرا |
#2
|
|||
|
|||
رد: تفاصيل عن موديلات اللادا موديل 95 حتى 2000 لاهل الخبرة من اللادا
طيب ممكن حضرتك تقولنا إيه هيا العربية التانية و نفاضل بينهم من كل النواحى
عالعموم, بالنسبة لأسئلتك: 1- الفرق بين الـ 2105 - 2107 خارجياً مفيش أى فرق جذرى, يمكن فى الجنوط و شكل الشبكة الأمامية و شكل الفوانيس الخلفية فقط فى الكابينه , طبعاً الـ 2107 أحدث فيها كراسى طيارة و عدادات مش موجوده فى الـ 105, عداد RPM,ECON و ساعة دايماً مخرفه علشان شغالة على البطارية بس موجودة, عداد السرعة فى الـ 2105 آخرة 160, فى الـ 2107 لحد 180, و العربيتين مبيقفلوش عداد حتى لو لسه خارجين من المصنع. اللادا عموماً فيه منها 5 مكنات (محركات), 1200 - 1300 - 1500 - 1600 - 1700 و الأخيرة مش بتنزل غير للنيفا, و الكاتينه بنسبة 90% جنزير مش كاوتش و ده اللى بيخلى الشداد يعمل الصوت الرخم بتاعها. الـ 2105 كلها روسى مفيش منها مصرى, و الـ 2107 أعتقد حتى 2008 روسى, بعد كده مصرى. و مش عاوز أقولك إبعد عن المصرى (مش علشان منشجعش بلدنا و الكلام العبيط ده) بس علشان صاج المصرى غير معالج ضد الصدأ, و وزن العربية المصرى أقل من الروسى حوالى 400 كم!!! بالنسبة للدركسيون و السخونة و بيض المقصات بالمرة, كل الحاجات دى ليها علاج و تعديلات بتخليها شغالة تاكسى 24 ساعة فى اليوم متقولش لأ, بس للأمانه مش هتبقى أبداً زى الكورى و اليابانى. الدركسيون بيركب له مناول على رولمان بلى بدل الفبر, و ممكن يركب له باور و يبقى ناعم حرير. السخونة بتغير الريداتير بواحد نحاس (غالباً كل المستعمل اللى فى السوق هتلاقيه عامل التغيير ده) و مروحة كبيرة , و الإخوه سواقين التاكسى بيلغو ترموستات الكوعة خالص و يشغلو المروحة على طنبورة الدينامو مباشرة (بس ده علشان العربية شغالة على طول) و الحياة ماشية . بيض المقصات بيتغير بشكل دورى و تتابعة أول بأول و تربط عفشتك, و فيه أنواع منه مش بتملص بسهوله. علشان تجيب عربية متصرفش عليها كتير, إهتم بالأساسيات, طبعاً بخلاف الصاج ,حالة الموتور و الفتيس و الكارونه و العفشة, تهتم بمتابعة الزيوت كلها و السيور. دى اللادا. بوجة عام علشان متكرهش اليوم اللى ركبتها فيه, فكر دايماً فى حالك و أنت راكب مكروباص أو أتوبيس أو حتى المترو, و متبصش على أى عربيات ماشية جنبك على الطريق و تفكر تعمل مقارنه (اللادا متكسبش غير فى الناحية الإقتصادية - التوفير يعنى) بإختصار إحنا راكبين لادا (علشان مصر), العربية الوحيده (مع البيجو 504 و كام عربية قديمة) اللى تكسر على أجدعها ميكروباص يخاف منك, تعدى أجدعها مطب و متحكش, تشيل و تحمل فيها متقولش لأ, عربية شقا فعلاً. و إصلاحها سهل و قطع غيار بأقل أسعار السوق (مش رخيصة بس أرخص من غيرها). بس فى المقابل لازم تبقى أيدك فيها أول بأول, فى حاجات تستنى و فى حاجات مينفعش. أخيراً لو حضرتك من القاهرة أو الجيزة, أول متجيبها توكل على الله و إطلع على البشمهندس محمد طلبه فى الوراق, هيضبطلك العربية تمام بإذن الله و تأخدها منه و تسافر بيها بعد كده بالسلامة و أنت مطمئن. ده بجد دكتور اللادا و أسعارة فى المعقول. و أى خدمة تحت أمرك.
__________________
التعديل الأخير تم بواسطة zing0 ; 10-06-2015 الساعة 08:48 PM |
#3
|
|||
|
|||
رد: تفاصيل عن موديلات اللادا موديل 95 حتى 2000 لاهل الخبرة من اللادا
شكرا لحضرتك علي ردك ومعلوماتك
العربيه التانيه اللي بفاضل بينها وبين اللادا فيات ريجاتا انا شغال مندوب وعاوز عربيه الف بيها وتستحمل سفر مرة واحدة في الاسبوع 120 كيلو رايح جي واكيد طبعا الناحيه الماديه هتفرق لان حال البلد تعبان فعاوز حاجه اجبها متقرفنيش عند الصنايعيه وكدة الله المستعان ومستني تعليقك مسترzing0 انا من طنطا مش القاهرة |
#4
|
|||
|
|||
رد: تفاصيل عن موديلات اللادا موديل 95 حتى 2000 لاهل الخبرة من اللادا
أولاً عربية ممتاااااااااااااازة بكل المقاييس و ناعمة عن اللادا و مش واخده حقها فى السوق المصرى كما ينبغى جر أمامى (مش دفع خلفى زى اللادا و الشاهين) و ده هيخليها تجرى أسرع و أفضل من اللادا هيا بس كان فيها مشكلتين: الصاج بتاعها بيمسك بارومه بسرعة , يعنى محتاج تكشف عليها أول بأول و لو فيها حاجة تتلحق بدل متدخل على الدواخل و الحوض و خلافه. تانى حاجة أسعار قطع غيارها أغلى شوية من اللادا, و فيه حاجات ممكن تلف عليها شوية خاصة إن حضرتك مش من القاهرة. فيه ملحوظة أخيرة ممكن تهمك بإعتبار إن حضرتك مندوب و محتاج تحمل حاجات فى العربية.... شنطة اللادا أوسع بكتير من الريجاتا و الشاهين (رغم إن الشكل الخارجى يوحى بالعكس) إستخير ربنا و إبدأ دور و الحالة اللى هتيجى أدامك و تكون حلوه و مستريح لها , توكل على الله. منتظر معاك رد الإخوة الأعضاء للإفادة و التعديل. أعانك الله
__________________
التعديل الأخير تم بواسطة zing0 ; 11-06-2015 الساعة 10:15 AM |
#5
|
|||
|
|||
رد: تفاصيل عن موديلات اللادا موديل 95 حتى 2000 لاهل الخبرة من اللادا
في حاجه عاوز اعرفها يعني ايه كرسي طيارة ويا تري ينفع احط كراسي نوع يكون مريح في اللادا ولا مينفعش وايه راي حضرتك في موضوع الدريكسون ناس بتقول نركب دريكسون بتاع 131 اسكاترا هل حد جرب حاجه زى كدة او عندو فكرة عن الموضوع دة وشاكر جدا ليك ولسرعه ردك |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
تقرير شامل عن سيارات لادا من البداية للوقت الحالى | بدر بسيونى | لادا LADA | 77 | 04-10-2013 03:44 AM |
عام 2006 - السيارات وقتها و سعرها | MmFFoR | منتدى السيارات العام | 3 | 01-07-2011 11:05 PM |