|
#1
08-09-2011, 12:11 AM
|
|||
|
|||
شوية اسئلة عن المازدا
ازيكوا يا مازدوية
كنت ناوى بمشيئة الله اشترى سيارة مازدا323 سيدان وهى اول سيارة لى فى حياتى وعندى شوية اسئلة عنها ياريت حد يفيدنى 1- انا دايما اسمع عن مو 81 و 82 هل مفيش موديلات بعد كده فى نفس رنج السعر ولا كل اللى بعد كده تسعينات وما هو احسن موديل فيهم من حيث قطع الغيار والاسعار وكده (السيدان فقط) 2- ما الفرق بين اليابانى والكورى عند المعاينة عشان اعرفهم يعنى وابص عليهم وهل الكفائة بتفرق كتير؟ 3- هل اليابانى والكورى الاتنين فى منهم بينزل بتكيف ولا حاجة منهم مفيهاش تكييف اصلاً؟ 4- انا عايز عربية كويسة محطش فيها مسمار زى ما بيقولوا وياريت لو ومكيفة وياريت لو بها كماليات سنتر وزجاج كهربائى وكوتشات تيوبلس على المواصفات دى اعمل حسابى فى كام ولو من غير جميع المواصفات ممكن يكون رنجها كام(يعنى من الاخر اجهز كام للعربية) للسيارة السيدان فقط 5- هل فى محافظات ممكن الاقى العربية فيها ارخص من القاهرة ولا مش هتفرق واجيبها من سوق الجمعة وخلاص 6- انا كنت هاروح عند نبيل مازدا اسأله على الحاجات دى بس فى ناس حذرتنى وقالتلى ان الصنايعية هيشتغلونى لو عرفوا انى عايز اشترى عربية وبلبل نفسه مش فاضى يرد على حد سامحونى يا اخوانى على الاسئلة الكتيرة بس بصراحةانا دورت كتير فى النت وتعبت عن اجابات للاسئلة دى شكرا للى هيرد مقدما وربنا يحافظله على عربيه ويباركله فيها 
|
|
#2
08-09-2011, 12:49 AM
|
||||
|
||||
رد: شوية اسئلة عن المازدا
__________________
![[IMG]file:///C:/DOCUME%7E1/ragy/LOCALS%7E1/Temp/moz-screenshot-4.png[/IMG]](image.php?u=5722&type=sigpic&dateline=1317473683)
|
|
#3
08-09-2011, 01:16 AM
|
|||
|
|||
|
رد: شوية اسئلة عن المازدا
مشكور جدا يا اخى على الاجابة الجميلة
انت افدتنى جدا جدا واضفت اضافات رائعة وانا اخد بنصايحك اللى انا مش عارف هى ايه زى مثلاً اشمعنى المازدا 323 ؟؟؟ وده كمان اجابة جامدة جدا مش قادر أفيدك بالضبط بس دة يدل إنها سيارة قديمة ( 30 سنة استخدام ) عشان مكنتش عارف احسبها هو ده حال اللى بيستفسر ؟ بص ياباشا هارد عليك على اسأللتك اقصد اجباتك انت لما كان نفسك تجيب التويوتا الكرولا كانت ميزانيتك 125000 او 130000 مقدرتش تجيبها فقررت تجيب مازدا 3 كنت هتدايق لو واحد دخال قال اشمعنى يعنى ومردش عليك ثانيا انت سألت كتير جدا قبل ما تجيب العربية واظن الناس جاوبتك عرفت اشمعنى ال323 عشان انا ميزانيتى من 20000 الى 25000 يعنى مش غواى قديم يعنى وخصوصا انى كمان قلت انها اول عربية فى حياتى يعنى غالباً عايز عربية اتعلم عليه (المفروض كنت تفهمها لوحدك يا حاج على) ولا يا بشمهندس على ثانيا ازاى كاتب مجال الخبرة السيارات ومتعرفش ان فى مازدا كورى يا بشمهندس انا اللى بسأل وانت بتجاوب واصلاً متعرفش فيه كورى ولا لأ؟ غريبة جدا وعلى العموم اسأل عن المازد الجيش فى موضوع ليك اعمل استفسار فيه واذا كنت تعرف يا حاج يريت تفيدنى يمكن اللى بيقولوه الناس غلط ومازلت فى ردى عليك انت قولت "لازلت بقول انها قديمة ازاى متحطش فيها مسمار" انا بسأل عن سعر سوق يعنى بقول حالتها جيدة عشان الناس ترد عليا فى رنج السعر على فكرة القديم والجديد بيحتاج صيانة ..ولا ايه يا بشمهندس؟ انا بسأل عن سعر بس برضه انت وقفت على الكلام وبرضه مجاوبتش ولا قلت سعر غريبة قوى والله العظيم انا نفسى اعرف انت جاوبت ليه ولا جاوبت على ايه انا مش فاهم عايز افكرك بالموضوع ده http://masrmotors.com/vb/showthread.php?t=27092 فاكر انت مواضيعك كانت ممكن تلغبط ازاى وده شيئ انت معذور فيه لانك طبعا قلقان وكمان اول مرة تشترك فى منتدى بس شوفت رد استاذ وائل وكمان دخل موضوعاتك وعدلها وتعب نفسه الراجل دخل فادك ووجهك وساعدك انت بعد سنة خبرة فى المنتديات واكتر من 300 شكر ليك من الناس برضه دخلت ومساعدتنيش دخلت عملت ايه دخلت سألت اسئلة على اسئلتى ومردتش ولا رد فيه معلومة هى مشاركات وخلاص ولا ايه يا حاج على نسيت اقولك انى انا اللى كنت بسأل وانت مجاوبتش اصلاً ولا اجابة مفيدة ياريت يابشمهندس لو عندك معلومة تفيدنا بيها شكرا مرة اخيرة على الرد يا ريت لو حد استفاد اى معلومة من الرد يقولى يمكن انا مش شايف اخيراً : موضوع السلفية بتاعك جميل جدا بس برضه بصراحة مش قادر انسى ردك المحبط جدا والاتنين بيدوا نطباعات عنك عكس بعض تماماً تقبل تحياتى التعديل الأخير تم بواسطة momsam ; 08-09-2011 الساعة 01:49 AM
|
|
#4
08-09-2011, 01:47 AM
|
||||
|
||||
|
رد: شوية اسئلة عن المازدا
أولا : أنا بعتذر لو كان ردي ضايقك , دة مكانش قصدي
ثانيا : شكرا على أسلوبك الهجومي من تاني مشاركة ليك في المنتدى , بس برضه انت راجل معنا جديد في المنتدى و لسه هناخد على بعض ثالثا : ممكن يكون ردي لم يفيدك لأني ماليش خبرة قد كدة في المازدا 323 و كنت عايز أوجهك لأن في عربيات تانية في الفئة السعرية ممكن تكون أحسن علشان أجدد منها كتير ( على الرغم إنك مقولتش ميزانيتك كام في الأول ) و ممكن نتيجة استعجالي في الرد نتيجة انشغالي بأمور أخرى في العمل لم توصل لك هذه الرسالة على العموم أنا باعتذر مرة أخرى لو اسلوبي دايقك و لم تكن مشاركتي مفيدة لك وفقك الله للاختيار الأصوب
__________________
|
|
#5
08-09-2011, 02:02 AM
|
|||
|
|||
|
رد: شوية اسئلة عن المازدا
احنا اخوات يا حاج
بس انا ردى متقدرش توصفه بانه هجومى اكتر من انه رد واحد محبط ومستنى يشوف حد يرد عليه وعلى قد فرحتى بسرعة الرد على قد الصدمة ان مفيش معلومة وده خلانى اسأل نفسى انت رديت ليه اصلاً وكمان بتقول ان فى عربيات فى نفس الفئة السعرية ما هو انت برضه مدتنيش بدائل عشان ادول واعرف وده برض ه استغربتله يعنى كنت مستنى مثلاً رد زى ده "اشمعنى 323 ما فيه .....و ......و......" تانى حاجة هو ميفرقش تانى مشاركة ليا او 1000 انا رديت على كلامك وثالثاً اعتذارك لانشغالك وعدم تركيزك ده يدل لى كرم اخلاقك وتسامحك وانا واجبى بقى انى انا اللى اعتذر يكفى زوقك بس سامحنى بس عارف انا مضايق ليه ؟ عشان المنتدى ده مفيش زيه تانى فى التخصص يعنى فرصة انى هسأل وحد يجاوبنى وخايف الفرصة تضيع فردك ده خلانى حسيت ان الموضوع بتاعى باظ وهيضيع فى الجدل واللى هيدخل عشان يجاوبنى هينسى ويفضل يقرا كلامنا وفرصة الاستفادة تضيع منى وكمان انا مستنى عشان اقرر اكرر شكرى ليك على موضوع السلفية هى الفهم الصحيح للاسلام رغم ان الموضوع التانى بتاع اعتراف سلفى بدخول الحمام برجله الشمال مكانش واضح الهدف منه وده بسبب برضه نفس المشكلة اللى خلتنا ممكن نزعل وهى ان النت مبينقلش مشاعر وانا اعرف مشاكل كتير حصلت فى منتديات قبل كده بسبب المشكلة الاساسية ان الناس مبتفهمش بعض كويس بسبب قصور وسيلة النت وعشان كده لازم كلامنا يكون واضح جدا عشان ميبقاش عرضة للفهم الغلط تقبل تحياتى وجعل اللى موضوعاتك فى ميزان حسناتك التعديل الأخير تم بواسطة momsam ; 08-09-2011 الساعة 02:23 AM
|
 |
|
|
