ارجو المساعده عربية غزالة

[Hogb]

يا جماعه انا معايا عربيه غزاله موديل 2000 اوتو ماتيك لسه جايبها من يومين العربيه حلوه وماكنتها حلوه والعفشه زي الفل بس الصبح لما جيت ادورها عشان تسخن اول لما رجلي تلمس البنزين العربيه تفصل واللمبه بتاعت الزيت والبطاريه ينوروا في الطابلوه
قلت اسيبها تسخن من غير ما رجلي تلمس البنزين سبتها شويه وراحت فصله تاني قعدت احاول معاها لحد ما سخنت شويه واديتها بنزين ومشيت

ياريت اي حد يعرف حل للمشكله دي يعرفني بسرعه

[hassan_2013]

العربية سليمة اولا يا باشا لمبة الزيت بتنور معنها ان الموتور هيفصل فضغط الزيت قل لما لفات الموتور قلت و كمان البطارية بتنور لان اللمبة دي معناها شحن الدنمو للبطارية ولما الموتور يبقي هيبطل بتقل لفاته فبيلف الدنمو براحة وما يولدش كهربا وبعدها يظهرلك ان ما فيش شحن ف التابله ومشكلتك حلها كالاتي يا سيد :
1- تغير بوجيهات علي وجه السرعه
2- تغير سلك البوجيهات
3- تعليه الموتور شوية
4- ودا الاهم في حاجة اسمها سخان دا
بتشغله الصبح بيسخن العربيية بدل ما تبطل منك

[Hogb]

المشاركة الأصلية كتبت بواسطة hassan_2013 العربية سليمة اولا يا باشا لمبة الزيت بتنور معنها ان الموتور هيفصل فضغط الزيت قل لما لفات الموتور قلت و كمان البطارية بتنور لان اللمبة دي معناها شحن الدنمو للبطارية ولما الموتور يبقي هيبطل بتقل لفاته فبيلف الدنمو براحة وما يولدش كهربا وبعدها يظهرلك ان ما فيش شحن ف التابله ومشكلتك حلها كالاتي يا سيد : 1- تغير بوجيهات علي وجه السرعه 2- تغير سلك البوجيهات 3- تعليه الموتور شوية 4- ودا الاهم في حاجة اسمها سخان دا بتشغله الصبح بيسخن العربيية بدل ما تبطل منك

تمام يا باشا ان شاء الله هعملها الحاجات دي
بس السخان دا بيجي منين وسعره كام

[mr_astra]

معلش يا جماعة اسمحولى
يعنى اية عربية غزالة ؟

[atgps]

المشاركة الأصلية كتبت بواسطة mr_astra معلش يا جماعة اسمحولى يعنى اية عربية غزالة ؟

على ماأظن بيرودوا الماليزى (دايهاتسوا ميرا)