ارشيف الاستراحة 2011

[ايمن عبدالحميد]

المشاركة الأصلية كتبت بواسطة hananelhosiny أشكركم جميعآ ... وأخص بالذكر الأساتذه / حازم فخرى / أيمن عبد الحميد / sad-bird وذلك لمحاولة ايجاد حل لمشكلة صديقتى وكلى أمل أن ربنا هيحلها على يد أ . د / أيمن عبد الحميد . وسؤافيكم بالتطورات أن شاء الله وجعل الله منتدى مصر موتورز عونآ للجميع فى حل مشكلاتهم على كافة المستويات.

تحت امرك ورديت على بريدك

[SHERIF MARLBORO]

المشاركة الأصلية كتبت بواسطة sad-bird اعتذر عن التأخر في الرد لعدم تواجدي على الموقع اليومين الاخيرين ولا انا اللى اسف انى استعجلت حضرتك انا عارف اللي انت بتقوله لاني جربته سنتين ورا بعض في كليتي لكن مش معناه انك تهمل كل شيء في الدراسة خصوصا ان دراستك سهل جدا انك تبدع فيها لو انت بتحبها عندك حق بس تقول ايه شيطان و (و غالبا الناس) بالنسبة للتلاوة وقصص الانبياء وكذلك الشلة والقهوة انتقي لاصحية الل يمعاك وانت هتحس بقيمة وطعم اللي بتعمله لو قريت لوحدك هتزهق والشيطان هيوسوسلك تقوم بسرعة وتزهق زي حالتنا كلنا فحاول يكون معاك حد يساعدك وهيسا نفس الفكرة في الشلة والقهوة والبنات انت ملكش في الجو ده يبقى تبعد عن الجو ده مفيش كلام بعد كده يا بختك بتمشي كل ده ده انا نفسي يكون عندي المساحة واللي يشجعني على المشي ده كده انا هقر عليك تعالى اتمشى معايا ياباشا والله تشرفنى شوف يا سيدي اللي انت فيه حاليا ما يسمي في علم النفس ازمة هوية ودي مرحلة بتعدي علينا كلنا في وقت من الاوقات بيكون الشخص مش عارف يروح فين او يجي منين او هو ايه ولا ايه لازمته في الحياة ساعد على الازمة دي عدم وجود والدك وعدم وجود اي اقارب ليك غير والدتك ( اللي اكيد انت تاعبها ومطلع عنيها ) بهزر طبعا وعلشان تعديها لازم تساعد نفسك والناس تساعدك والا هتكمل معاك وتوصل 30-35 سنة وانت كاره الدنيا كلها يبقى لازم صحاب واصحاب تربيتهم زي تربيتك او على الاقل قريبين منك كلامك صحيح 100%و كأنك دكتور نفسى(شكلك دكتور نفسى بجد) معندكش صبر معندكش هدف او طموح عاوز توصله دراستك كويسة وتقدر تنميها جنب المعهد وبدل ما يبقى شهادة حبر على ورق يبقى عندك الخبارة الكافية على ما تكون اتخرجت فعلا انا هبدأ فى الموضوع ده و هدور على اماكن اخد فيها كورسات متقدمة عاوز شوية اقتراحات على الماشي 1. اتعملت انجليزي ووصل لمستوى متقدم ممكن تكمل عليه كورس محادث وتشتغل في الترجمة الفورية او في الارشاد السياحي 2. اتعلمت انجليزي ووصلت مستوي متقدم جدا طيب ليه مش تشوف مكتب ترجمه تتعاقد معاه او حتى تروح نب الجماعة فيه مكتبات بتعوز ناس تترجم لطلبة الدراسات العليا ودي هتفيدك في حاجتين هتقوي اللغة اكتر - وهتزود معلوماتك اكتر لانك هترجم في فروع كتير من العلم 3. اتعملت كمبيوتر وبرمجة وجرافيكس ومع ذلك مفكرتش تشوف استوديو او شكرة كمبيوتر بتشتغل في البرمجيات وتعمل مشاريع وتعرضها ومنها تسكب ومنها تنمي قدرتك 4. اتعملت كمبيوتر ومتعملتش تطوير مواقع ( كنا هندبسك هنا مع ابو نورا تشتغل في الدعم الفني ) 5. اتعلمت كمبيوتر ومستواك كويس ومع ذلك مفكرتش تجيب حاجة ICDL وتعمل في نفس السيبر اللي كنت شغال فيه دورات تدريبية للي عاوز وبدل ما يجيلك واحد يقولك تعالى اقفلي لعبة او افتحلي الياهو لا يجيلك يقولك تعالى علمني كود او رمز او عرفني اعمل ايه ازاي 6.عندك العربية النقل بدل ما تأجرها على طول تدور على شركة تكون بتعمل نقل لمحافظات كتير وتتعاقد معاهم وتطلع تتعرف على محافظات اكتير وتشوف بلدك دي الحاجات الي انت تعرفها كويس وتقدر تستغلها ومع ذلك معملتهاش فيه بقى حاجات تانية انت متعرفهاش زي ايه 1. الاشتراك في جمعية او مؤسسة خيرية عمل تطوعي واكيد ان شاء الله هتلاقي نفسك فيها زي ( رسالة - سنابل الخير - عندكم جمعية اسمها يرعاني في سيدي بشر بتعوز متطوعين للعمل مع ذوي الاحتياجات الخاص) وطبعا فيه غيرها كتير لكن 2. عندك نادي طيران اسكندرية ممكن تشترك فيه وتعمل تصميمات طيران شراعي وتتفاعل مع الناس اللي فيه مين عالم يمكن يوم نسمع عنك فوزت بمسابقة دولية والا حالة 3. عندك الجمعية الاقليميمة للكشافة البحرية تقدر تشارك فيها وتطلع معاهم معسكراتهم وتتفاعل معاهم 4. عندك ندوات تثقيفية في اسكندرية كتير في المكتبة وغير المكتبة المركز الثقافي لو عاوز اخلي حد يقولك على مواعيدها واماكنها ابعتلهم يقولوك 5. عندك اخونا احمد بدر كل يوم بيطلع على المكس يصطاد هناك روح معاه وتعلم الصيد والاهم تتعلم الصبر علشان تقدر بعد كده تكمل في اي حاجة تدخل فيها اول حاجة في ده كله بس كتبتها في الاخر لو فيه امكانية مادية ممكن تفكر تطلع عمرة انت ووالدتك وان شاء الله ربنا يشرح صدرك ويفرج همك نقي ياعم واختار اللي يناسبك وشوف انت عاوز تعمل ايه وقرر وبلغنا

انا هجرب الأقتراحات دى اقتراح اقتراح و ان شاء الله لما تشبك معاايا حاجه منهم هبعت لحضرتك رسالة شكر.
بس أنا جيال شغل كويس فى مصنع(عامل) بس بيقولوا هاخد الف جنيه فى الشهر وااااااااااو!!!!!
و بصراحة عجبنى المبلغ اوى بس هو 12 ساعة فى اليوم فا لو اشتغلت هنسى بقى كل ده و اعيش بقى للشغل و فعلا انا عندى مش تذبذب فى الهوية
انا عندى شرخ فى الهوية والله
و أنا مش عارف اشكرك ازاى على كلامك ده بجد خليتنى اشوف نفسى اكتر من اى وقت فات

[karem ali]

المشاركة الأصلية كتبت بواسطة _amr.mostafa_ ما الكش اغسل سنانك

لا انا بدخل اغسل اسنانى بنفسى
ههههههههههههههههه

[الدملاوي]

المشاركة الأصلية كتبت بواسطة mido-spicy عارفين يا جماعه انا كنت ناوى ان لما الجيش يسلم البلد للرئيس الجديد اعمل موضوع شكر لرجال القوات المسلحه على الفتره الراقيه اللى عشناها احنا وهما فى البلد ولكن يوم عن يوم بيجعلونى اشكرهم قبل الوقت اللى كنت محدده الجميل فى الصوره كمان ان الظابط دا لوا يعنى بيلعب على الاقل فى 50 سنه يعنى كبير مش صغير فى السن ورغم ذلك بيبوس ايديها ولكن اسمحولى اعتقد انه باس ايديها مش لانه ظابط ولكنى اعتقد انه تذكر فيها امه فى يوم زى دا يوم عيد الام

شكراً لمرورك وأرائك القيمة

أطيب تحية

[حازم فخرى]

المشاركة الأصلية كتبت بواسطة momen_bondok لن اتكلم عن مشكلة لأنى مازلت عزب لكن نظراً لاهتمامى بهذ الموضوع اتكلم عن معظم الحلول للمشاكل الزوجية والتى تكمن فى المرءه باختصار جميع حلول المشكلات الزوجية فى أمرين 1- هو عند حدوث مشكلة يجب اللجوء إلى الله بمعنى لو واحدة زوجها مش بيهتمم بيها ومطلع عينها وخلاها تكره حياتها نقول لها بسيطة فى يوم نامى بدرى واستيقظى قبل الفجر بساعتين على الاقل فى الثُلث الاخير من الليل وتذللى لله بأن يرد لكى زوجك مردا جميلا وهتشوفى اثر هذا الامر وكذلك الرجل 2- قوه المرءة فى ضعفها هو اية اللى خلى حالات الطلاق بعد السنة الاولى من الزواج فى تزايد مستمر أقول لكم هو خروج المرءة من مكانها الطبيعى ألا وهو منزلها عندما يجد الرجل المرءة تعمل مثلة وتشارك فى المصاريف فهذا يستثير رجولتة لان ببساطة اذا استقلت المرءة بمال طغت يعنى اية !!!!!!!!!!! يعنى لما تكون ليها دخل شهرى تقدر تصرف منه تكون بذلك بتضع نفسها اما الرجل لانها بذلك فعلت ما يجب ان يفعله هو يعنى الرجل عندها يُصبح عبارة عن تحصيل حاصل اذا اعطاها مال فذلك خير واذا لم يعطيها فان لديها ما تستطيع ان تصرف منه ولذلك الامر يبدء الزوج يتلكك للمرءة على اى حاجة ولو كانت تافه لماذا لانه شعر ان زوجته تشاركه القوامة والرجولة فهو اذا كان رجل يسرى الرجوله فى دمه لايستطيع البقاء على هذا الوضع باختصار المرءة هى اللى بيدها جميع الحلول الزوجيه بأن تُشعر الرجل بأنه أسد فى هذا المنزل لا مجرد قطعة اثاث وحتى إن كان الزوج سيئ الخُلق تحتسب تحملها له عند الله ولعدم التفكك الاسرى فيوجد مقولة تقول على ما اتذكر "أبركَ فقد اوثقق ومن جافاك فقد اطلقق" يعنى لو المرءه ظلت تبر الرجل وتُحسن اليه فهو لا ينسى لها هذا البر لماذا لانها اوثقته بهذا الاحسان طبعا مما أسلفت من خروج المرءة من بيتها يؤدى الى الانفصال بعد مرور عام او عامين من الزواج لذلك اقول ان قوه المرءة فى ضعفها وذكائها وملازمتها لبيتها لكى تخرج لنا ابطالا لا اقزاما طبعا الموضوع طويل الذيل وانا عارف إن اسلوبى بة شىء من الصعوبة او التعقيد على القارئ لكن اتمنى بأن يصل لكم وجه نظرى ولو 10% فقط وانا تحت امركم فى اى سؤال

صديقي العزيز مؤمن .. رغم أنك لست متزوجا ولكن كلامك فيه الكثير من الحقيقة ولا أعلم من أين جئت بهذه النتائج .. فالمرأة فعلا حينما يكون لها دخل شهري أو مال تشعر بالإطمئنان .. ولكن هذا ليس بمشكلة مع كل النساء فهناك زوجات لا تتعامل من هذا المنطلق مع أزواجهن .. وأن الزوج زوج في كل الحالات .. ولكن الخطأ يقع على طرف واحد فقط في الحالتين الآتيين :

الحالة الأولى : أن تكون الزوجة أغنى من زوجها سواء كان ذلك حالها قبل الزواج أو آل إليها ميراث أو دخل من أى مورد وقد يكون دخلها الشهري من وظيفتها أعلى من زوجها .. هنا إن كان الزوج حساس لهذه النقطة ولا يعلم شرع الله يبدأ في الإحساس في الدنو منها وأنها أغني وأعلى منه دخلا .. فيوسوس له الشيطان بكل الأفكار التي تجعله يركز في هذا الموضوع فقط وتبدأ الشكوك في كل كلامها وحركاتها التي تدل على علوها عنه .. ويبدأ يتعامل معها بكبرياء لكي يعوض هذا النقص المادي من وجهة نظره الخاطئة .. ويبدأ أيضا في الحديث عن هذا الموضوع صراحة أمامها .. والنتيجة أنه يقلل من شأنه أمامها ويظل الأمر يتطور للمشادات والخناقات وقد يصل الأمر لتبادل السباب .. وتسود الدنيا أمام عينه ويشتكي لأصدقائه .. إلخ إلخ إلخ .. حتى يحقق الشيطان مراده .. وتكون النهايه .. وهي الطلاق .. وهنا يقع اللوم على الزوج وليس الزوجة .. فإن ترك الزوج هذا الأمر من تفكيره وقدر مجهودها وشجعها في عملها ووقف إلي جانبها .. لكانت له مثال الزوجة المثالية التي تحترم زوجها حتى لو كان أقل منها مالا ودخلا .

الحالة الثانية : أن تكون الزوجة دخلها أيضا أعلى من زوجها ولكن الفرق هنا أن الزوج لا يعمل ويعتمد إعتمادا كليا على مال زوجته ومع ذلك هي تساعده .. ولكن بعد فترة يتعود الزوج على هذا الوضع ويصبح أمرا مسلما به أن تصرف المرأة على البيت وهو مثله مثل أي قطعة أثاث بالمنزل .. وليس هذا فقط بل يبدأ الزوج في طلب المال بكل وقاحة ويتشلجر معها وقد يضربها .. وهي تتضر للرضوخ من أجل الأولاد وتصبح هي الرجل وهو المرأة .. وبطبيعة حال المرأة .. هي تحب الرجل القوي الذي يحترم المرأة ويعلم جيدا كيف هو حق الزوجة عليه من نفقة وحب وحنان وخوف عليها .. فإن لم يتغير هذا الزوج السلبي .. قد تنجذب إلى رجل آخر وتتمنى أن تكون زوجة له بدلا من هذا الذي معها الذي يشبه الخنزيز الذي ليس عنده مروءة ولا نخوة ولا إحساس ولا يستحق أن يكون زوجها .. وفي النهاية قد تضطر الزوجة أن تضحي ببيتها بعد طول صبر .. ويتحقق غرض الشيطان للمرة الثانية ويقع الطلاق وطبعا يقع اللوم أيضا على الزوج في هذه الحالة .

صديقي العزيز إن لكل مشكلة ولها بداية .. وأنا لا أعتقد أن المرأة هي التي في يدها سعادة الأسرة وحدها .. ولكن الحياة الزوجية مشاركة بين إثنين .. وإلا لما يطلق على كلاهما - شريك حياة - الرجال قوامون عن النساء في كل شئ وهي لمم تتزوجه إلا حينما شعرت أنه رجل ويجب أن يظل رجلا بعد الزواج لأن الله ميزه بالعقل والحكمة والرزانه في التفكير وإن تغير بعد الزواج .. فلم يعد رجلا ولا يستحق هذه الكلمة

إذا فالرجل هو الذي بيده مقاليد الأمور .. وهو القادر على إحتواء زوجته وجعلها تحبه وتحترمه بتصرفاته الرجوليه العاقله .. فوقتها فلن ترى الزوجة سواه ولن تحتاج إلى إنسان إلا هو .. وسيكون عندها أغلى الناس وأولى إهتمامها .. وسيعيشون في هناء وسعادة .. فقط يكون رجلا .

وعمل المرأة ليس سببا دائما للمشاكل طالما ترى زوجها وترعى أولادها وبيتها .. ويجب على الزوج تقدير هذا المجهود المضاعف وشكرها على مساعدتها له .. فكم من بيوتا لا تقوى على الإستمرار إلا بمساعدة عمل المرأة .. وإن تضايق أحد الأزواج من عملها .. فليكن رجلا ويصرف على بيته وزوجته وأولاده من الألف إلى الياء .

أتمنى أن تكون وجهة نظري واضحة .. ولازال عندي الكثير لأقوله .. فهذا هو إهتمامي الأول .. هو العلاقات الزوجية ومشاكلها .. ووفقك الله في إختيار الزوجة الصالحة .