السنتر بيعلق

[mohamed200]

السلام عليكم ورحمة الله وبركاته

مرحبا يا شباب

انا ساعات لما بركن العربيه يومين تلاته واجى افتحها بالريموت السنتر ميرضاش يفتح اجرب كتير ومش بيلقط اى اشارة من الريموت سواء من بعيد او من قريب
جربت افتح الباب بالمفتاح الانزار يشتغل اقفل الباب واجرب الريموت تانى يفتح عادى
تفتكرو ايه المشكله ؟

وياريت تقوليلي ازاى لو السنتر علق وفتحت العربيه بالمفتاح اوقف الانذار ازاى ؟

[mohamed200]

ايه يا رجاله الموضوع صعب اوى كده محدتش عنده فكره ؟

[esafegypt]

على فكرة ممكن تكون موش معلق ولا حاجه لانك بتقول بتركنها 3 ايام ممكن يكون بيكلبش لما بيتقفل مده طويلة
عموما علشان السنتر وما ادراك ما السنتر ليه حوارات كتيرة وممكن تدوخ نفسك فى الموضوع ده روح لكهربائى غير اللى ركب لك السنتر وخليه يبص على الوصلات ممكن يلاقى حاجه موش راكبة كويس او موش فى مكانها وابق احكي لينا لما ترجع عملت ايه

[romioromio]

يا جماعه انا عندي سنتر مش بريموت
يعني لما افتح بالمفتاح كله بيفتح وهكذا من غير ريموت
كان بيعلق
بس اقعد افتح القفل بتاعه باب السائق كذا مره والاقيهم كلهم فكوا
المهم
انا مبمشيش بالعربيه كتير دلوقتي
ممكن كل يومين تلاته
والسنتر مابيفتحش خالص...
هل ده كلبشه ولا كده باظ خلاص

ولو مكلبش ايه الحل
ليجانزا

[elgazzar0111]

دة عيب فى توصيل الوصلات
روح للكهربائى وخليه يبص على الوصلات لان حصلت معايا
معايا شاهين وكان كل فترة تقريبا حوالى اسبوعين او 3
كل اما اروح الجراج اطلع العربية الاقى السنتر معلق ومش عايز يفتح ل=بالريموت
فبضطر اروح للكهربائى وطبعا بيقولى كتاوت سنتر اروح اجيبها ويركبها
وكذا مرة على كدة
لحد اما رحت لكهربائى تانى وقلتله السنتر بيعلق
جاب جهاز فيه لمبة صغيرة متوصلة بابرة
ودخل الابرة فى العلبة اللى بتتركب فيها الكتاوت
هى 3 فتحات
دخل فى اول واحدة اللمبة منورتش
دخل فى التانية نورت
دخل فى التالتة نورت
قالى مين اللى مركبلك السنتر قلتله الكهربائى اللى بتعامل معاه
قالى دة حمااااااااااااااااااااااا ار
وغير بس مكان سلكتين
وقالى انسى السنتر بقى لحد لبعمر الافتراضى بتاع الكتاوت
ودلوقتى الحمد لله بقاله اكتر من 4 شهور