صنى ولا سيراتو ..ارجو المساعدة

[Dr. Bolbolan]

المشاركة الأصلية كتبت بواسطة emoron dr. bolbolan شكرا جزيلا على نصيحتك .. الالنترا كتير بيشكروا فيها و شكلها حلو بجانب وجودك فى السعودية بيخلى نصيحتك واقعية بالنسبة ليه .. بس انا لسه قدامى سنتين تلاته و انزل مصر و كنت بافكر اجيب زيرو هنا ينفعنى بدل اعطال المستغمل و هيبقى مواصفات خليجى وعلى ماانزل يقل جمركها شوية بجانب انى ممكن انزلها فى الاجازات بدل الشحططة ولا ايه رأى حضرتك ؟ بس فيه نقطتين لو سمحت : اللى بيتقال عن توكيل غبور للهيونداى يفرق معايا ف حاجة؟ و السعر انا لسه بعد العيد هنزل المعارض اسأل(انا فى المنطقة الشرقية ) لكن هل حضرتك عندك فكرة كام للالنترا فل اوبشن هنا؟ اعتقد اكتر شوية من امكانياتى انا لغاية 40 -42 انا كنت بافكر فى الاكسنت لانى اعتقدت انها فى رانجى. و اخيرا شكرا ليك يادكتور على وقتك و نصيحتك.

سعادة الباشا ! ماهو لو حضرتك قلت كل معطياتك من الآول ربما كانت الاجابه اختلفت !

يعنى لم تقل انك ح تنزل من السعوديه كمان سنتين تلاته وأن الشراء سيكون من السعوديه !

بالتالى مالك بقى و توكيل غبور حلو ولا وحش ؟؟ ثانيا لو انت فى السعوديه يبقى نيسان

صنى فول أوبشن أحسن على افتراض انها يابانى ! ولو ان الالنترا برده مش وحشه ومعظم

التاكسى هنا فى الخبر النترا ! بالنسبة لامكانياتك 40-42 ألف ( برده ماقلتش جنيه ولا ريال )

لو كانت بالريال فهى تجيب النترا مستريح خاصة مع التخفيضات بعد رمضان ! والآكسنت أرخص

( حوالى 37 ألف ريال ) ! و طبعآ لو كنت حتنزل بها مصر يبقى نستبعد الآكسنت لآنها أصغر

فى الحجم ! وعمومآ نزول مصر بالسياره مش نعمه قوى الا لو كانت أسرتك كبيره و ح توفر

تذاكر الطياره ! لآنه تغور عطلة العبارات و تناكة ورزالة رجال وعمال الموانىء فىمصر

وشرطة المرور والآوراق والحسنات اللى بيطلبوها !

Dr. Bolbolan ptmnlo123per122

[Dr/Mohammed]

بص حضرتك
بالنسبه للصني ex وفرقها عن السوبر صالون
بتفرق كتير
اولا واكبر فرق هو ان السوبر صالون العفه بتاعته احسن بكتير من عفشه الاي اكس
وهو ده اهو ميزه هاتحس انها نعمه معاك وجامده وكويسه
ده فعلا اهم ميزه في السوبر صالون
وكمان بباقي الكماليات ( الاوبشن )
يعني زي الميرايات بتنطوي بالكهرباء وكمان الطبلوه فيه خشب زان وكمان جنوط15 وكمان فيه مدخل ل ipod وفي كمان شويه اوبشن مش موجوده في الاي اكس
وانا اخترت سوبر صالون مش الاي اكس
لان الفرق في السعر مش شايفه كبير حوالي 10 الاف مصري
بالذات ان الكل شكر في الصني سوبر صالون
وقالولي هاتجيب صني يبقي سوبر صالون
العموم لو في اي استفسار بخصوصها انا تحت امرك

[sam ram]

معلش سؤال ... هو حضرتك بتتكلم عن الصني اللي في مصر حاليا ولا عن الصني ( الكوري )

صني الكوري

صني المصري (الفيس ليفت لصني 2005 )

وعلى حد علمي فالنيسان صني ليها مسميات كتيره زي بولسار وفرسا مثلا ... و يقال ان البلو بيرد سيلفي هي نفس فئه الصني و بديل لها ...
فبصراحه موديلات نيسان (بره مصر) تحير جامد .. و ياريت حضرتك توضخ تقصد اي موديل في الصني علشان تبقى الافاده واضحه



نيسان صني 2009 !!!

عموما الصني المصري صالونها صغير نسبيا خصوصا من ورا
اما بخصوص جزئيه الانتشار .. فالسيراتو ابتدت تنتشر زي الانسر
وزي ما قال دكتور بلبلان .. الالنترا واسعه ... و صالونها اوسع من السيراتو
لكن مواصفات و ضمان السيراتو افضل في مصر
فحضرتك اهم حاجه في المقارنه تبقى عارف الفروق بين العربيه هنا و في السعوديه
وبالتوفيق ان شاء الله

[emoron]

Dr.Bolbolan شكرا على ردك الوافى و اسف على عدم التوضيح فنظرا لجهلى الشديد فى مجال السيارات بيبقى عندى افكار و اسئلة كتير لما اجى اكتبها و اختصر بانسى بعضها.
عموما كده الكل متفق على الصنى و الاختيار التانى يبقى النترا انشاء الله.
شكرا جزيلا على اهتمامك

[emoron]

Dr.Mohammed شكرا على متابعتك معايا .اللى حصل انه فى موقع النت للنيسان فى السعودية (على اساس انى هاشترى من هنا) بيتكلم عن الEX بس و مفيش كلام عن السوبر صالونعلشان كده بسأل. عموما هتوضحلى الامور لما انزل ادور بعد العيد وانشاء الله هبلغ حضرتك لأستشيرك فيما يجد.
موضوع العقشة انا قريت عنه و الفرق بين الرياضى و الغير رياضى .لكن لو تقدر تدينى فكره اوضح اكون شاكر و ايهما افضل لمطبات مصر المحروسة .
شكرا على ردك للمرة التانية و مبروك عليك سيارتك الجديدة و ربنا يديك خيرها و يبعد عنك شرها .امين