حيره بسبب الكريستاله

[hazem_khidr]

المشاركة الأصلية كتبت بواسطة funnymickey طب ايه الفرق بين الخليجي والمصري في الكريستاله في كريستاله 1500 سي سي انجكشن؟؟؟ ايه الاحسن فيهم

فيه منها 1500 انجكشن فعلا
و ال1300 كربيراتير
الاتنين كويسين و ال1500 اقوي من ال1300
عموما شوف حاله العربيتين
و الحاله الافضل توكل علي الله
بالنسبه للفرق بين الخليجي و المصري مافيش اي فروق
المصري اساسا كانت بتنزل بمواصفات خليجيه لسبب بسيط
ان مافيش معايير للسيارات المصريه فالوكيل كان بيجيب المواصفات الخليجيه

[mandomax]

المشاركة الأصلية كتبت بواسطة funnymickey احلي سلام علي احلي ناس في المنتدي انا اخوكم صبحي من القاهره وواقع في حيره شديده جدا بسبب اسعار الكريستاله في السوق بجد زهقت من الناس المبالغه في سعرها اوي اوي يعني انا من خلال الحاجات اللي قريتها هنا معاكو لاحظت ان افضل كريستاله تتجاب glx 2000 او 1999 طيب اوكي دورت لقيت اقل حاجه مثلا بنتكلم في 47 والمفروض ان دي حاله تعبانه علي كونتاكت كار وسوق السيارات يوم الجمعه الاسعار دي ولاحظت ان الناس اللي علي كونتاكت اغلبهم هما هما بتوع السوق وطالبين بقي اسعار خرافيه 50 51 كده والله اعلم بحاله العربيه وصراحه بقي انا شفت عربيات من اللي معروضه دي وبصيت فيها وانا مدفعش فيها اكتر من 40 وده بالعين المجرده كده مجرد بصه وانا مبفهمش اصلا في العربيات ما بالك بقي اما تتترفع وناس بقي حاطه اسعار عجيبه 66 و58 ومش قادر افهم يعني علي ايه مهما كان العربيه موديلها من 10 سنين يعني قديمه ازاي طالبين الاسعار دي مهما كانت الحاله انا بجد مش عارف اوصل لكريستاله حلوه بسعر كويس علي فكره انا كلمت همام اللي في صقر قريش امبارح وقاللي ال2000 تعمل في حدود 45 والراجل ده فعلا محترم جدا وتسلم ايد اللي دلني عليه مش عارف ازاي مع اني شايف ال2000 كله مش اقل من 50 وممكن تبقي حالات تعبانه انا بجد مش عارف اعمل ايه انا فعلا ابتديت اكنسل الموضوع وادور علي عربيه تانيه بالفلوس الي معايا انا مقدرش ازود عن 50 وخايف اجيب كريستاله وادفع ال50 وتيجي تحتاج مصاريف مش حقدر اعمل فيها حاجه فعلا وحركنها يبقي حرام ابقي جايب عربيه جديده واركنها تاني حاجه بقي انا خايف من موتور العربيه لانه 1300 وطبعا لو متهان ولا ضعيف ولا ماشي كتير مش حيدي كفاءه للتكييف سؤالي بقي لو ملقيتش كريستاله بالسعر اللي انا عاوزه اجيب ايه انا فكرت اجيب كيا سيفيا 99 او 2000تجميع كوري وحتبقي كويسه وحاله وكبيرها اوي 48 انا بعشق حاجه اسمها كريستاله وبحب شكلها جدا بس ما باليد حيله في الاسعار المبالغ فيها دي ياريت اقتراحتكم كده وفكروا معايا تعملوا ايه لو معاكو 50000 الف اقصي تقدير وده بالعافيه كمان تجيبوا ايه ملحوظه معروض عليا كريستاله 97 ب43 وخايف تكون حالتها بقي تعبانه واعاني من اللي خايف منه واقعد اصرف عليها وبتاع ده غير انها مش كامله ناقصها ازاز كهربا انا رغيت كتير وصدعتكو معايا بس انا فعلا في حيره كبيره ومش عارف اعمل ايه

الكريستالة عن تجربة سابقة 10/10 ممتازة فى جميع النواحى

[funnymickey]

فعلا خلاص
بصمت بالعشره ان الكريستاله احلي
واجمل وكل حاجه في الدنيا
قريب اوي حفرحكو ان شاء الله

[hazem_khidr]

ربنا يكرمك و تجيب عربيه كويسه
و ابقي فرحنا معاك

[max_ziro]

ربان يوفقك ياباشا
و ال 1300 افضل من حيش استهلاك البنزين و توافر قطع الغيار و يمشى 80 ميقولش لا ..
استخير و توكل على الله ..
على فكرة اداء ال 1300 جبار مش هتتخيلة ..