الحمد لله عملت صيانة ال5000 للكروز - قمت بالحجزعن طريق التليفون 16424 ورحت فى الميعد المحدد وكان الحجز متاكد على البوابه وهم اكدو معايه عن طريق الرسايل الخاصه على الموبايل وانا طلبت فرع منصور الكيلو4.5 طريق مصر الاسكنريه الصحراوى لان سمعت ان سمعتهم محترمه بخلاف الفروع الاخرى او الوكلاء المعتمدين (الوكلاء المعتمدين بيزودوها 200حبه فى اسعار الصيانه وقطع الغيار ولا قدر الله ان كان فى حاجه كبيره بيقولولك ارجع للوكيل والوكيل بيرجعك ليهم علشان تجيب حاجه اسمها خط سير جدول الصيانه بتاع حضرتك عندهم وهم بيرفضو تقوم سيادتك................... ......................... ....الخ الخ الخ
وتصلح علع حسابك )المهم رحت في الميعاد على الرغم انى من بورسعيد والناس هناك اغلبهم زوق ومحترمين جدا استلم السياره مهندس وهو الى بيسلمهالك بياخد كل طلباتك وبيفهمك الموضوع بالضبط ايه اللى هيتم اوتوماتيك من غير ما تطلب ولو فيه طلبات من حضرتك بتبلغهالو وهو بيناقشك فيها وبيسال عن الزيت الى بتفضلو ان كان5000 او10000وبيقولك على الاسعار
(ال5000 وهونفس الزيت ال3000 فبلاش منه ثمنه 150ج اما ال10000 موبيل وان وانا بفضلو لان جوه التوكيل او بره اسمه 10000 فثمنه 267 ج والاسعار دى شامله الفلتر وطبعا دى اول مره فبتكون المصنعيه والصيانه مجانا وبعد كده بتكون المصاريف 200ج بخلاف الزيت او لو فيه تمن قطعة غيار)-(وفى عرض لو هتعمل الصيانه كل 5000 يبقى الصيانه رقم 5 مجانا شامله الزت والفلتر وكل حاجه ولو استمريت برده الصيانه ال10 وهاكذا -ادفع تمن 4 والخامسه ببلاش)-(وممكن تعمل الصيانه كل 5000 واتغير الزيت عند ال10000 يعنى مره ومره) بيوصلك لمهندس تانى بيجرب العربيه معاك وبيثبت الحاله الخارجيه والداخليه للسياره وبيطلب منك عدم ترك اى متعلقات داخل السياره طبعا بياخد بيناتك ورقم التليفون وبيحددلك ميعاد الاستلام وهما عملين خدمه لذيذه ان فى سياره مجانا بتروح كارفور بعد منهم ب10 او12 كيلو الساعه 11 وبترجعلك الساعه1.5 بتكون السياره تقريبا خلصت- استلمت السياره زى الفل كرسي القياده متغلف بالنايلون +عجلة القياده متغلفه +دواسه اماميه عليها شعار المركز ودى ملاحظاتى عند الاستلام ( العافشه زى الفل تم تربيطها - والكشف على الزوايه - وتقريبا الترصيص - وفى حاجه عملوها فى الفتيس مش عارفها بس السحب مشاء الله اختلف كتير جدا- والغيارات اختلفت عن الاول بمراحل - والفرامل اتظبطط وانا مكنتش بشتكى نها بس الفرق كان ملحوظ - ويارب اكون وصلت الصوره كويس والف شكر
19-03-2011, 04:32 PM
رد: الحمد لله استلمت الكروز من يومين بسم الله ماشاء
