برسونا والصني طيب أنا تعبت والله....!

[Sherif8]

السلام عليكم

كل سنة وانتو طيبين

أنا عايز أجيب عربية نضيفة في حدود التسعينات
لقيت البروتون برسونا والصني

دورت كتير هنا وفي أماكن تانية كتير على مميزات وعيوب كل واحدة

وكل اللي أخدته إني تهت أكتر ومش عارف أختار ايه

أنا عارف كل واحد حيدخل يقول رايه من وجهة نظره البحتة مش أكتر وأنه لولا اختلاف الأذواق لبارت السلع

بس الله يكرمكم أنا نفسي بجد أستقر
أنا عايز أنزل أشتري بعد العيد على طول، فياريت يكون فيه تجاوب كويس

[star over]

نيسان صني احسن من بيرسونا في انها ياباني وحمارة شغل وتستحمل وانتشارها احسن وتوافر قطع غيارها وتوكيل انضف واعادة بيع احسن بكتييييير
بس عيوبها انها ضيقة من ورا واستهلاك بنزين عالي وتقفيل مصري وشكل قديم

[محمد فيصل]

ممكن تفكر فى الكيا ريو كاملة فى نفس الفئة
اداء ممتاز
توكيل محترم
ثم بعد ذلك الصنى او البروتون جين تو ولكن توكيل البرتون احتكارى واسعارة مرتفعة

[SHABRO]

الاتنين اسوأ من بعض بصراحة ....اشتري لانسر 2008 سوبر اكشن من 90-95 الف حسب الحالة وحط اعصابك في التلاجة

[SALAHHAKIM]

اسعار قطع غيار البروتون ارخص قطع غيار في مصر لكن بالمقارنة داخل التوكيل .
المشكلة عندنا هي انك تقارن مثلاً زجاج البيرسونا في التوكيل ب800 جنية وتقارن زجاج السيراتو في الشارع بـ700 جنية مع العلم ان زجاج السيراتو في التوكيل 3000 جنية
البروتون سيارات محترمة جداً جداً
نصيحة لوجة الله الاختيار السليم تعمل الاتي تجيب ورقة وقلم وتكتب السيارات الي حضرتك بتفاضل بينها . وتكلم 140 دليل وتجيب رقم التوكيلات الي بتبيعهم بروتون = عز العرب
نيسان = مودرن موتورز لانسر = دايموند موتورز سيراتو = ام اي تي
اولا تكتب الاسعار
ثانيا تشوف قطع الغيار في التوكيلات بكام مثال فانوس امامي يمين زجاج امامي اسطوانة وديسك مساعدين . مع العلم انك لازم اول لما تشتري تأمن علي العربية (ضروري جدا) غير كدة لاي نوع سيارة محترمة حضرتك حتغير اول 3 او 4 سنوات (فلتر البنزين - البوجيهات - فلتر الزيت - والزيت - فلتر الهواء )
انا الحمد لله معيا بروتون بيرسونا وبروتون ساجا والاتنين مشاء الله عليهم انظمة امان وثبات وقوة فوق الممتازة ومعدلات تسارع