|
#1
31-10-2011, 10:37 PM
|
|||
|
|||
ايهم افضل ؟
 انا عايز اشترى عربية جديدة بشرط متزيدش عن 75 الف وانا محتار جدا فى عربيات كتير 1- الفيرنا بس بيقولوا ان انتاجها هيتوقف فى 2012  2- اللانوس لسة معرفش اى عيب فيها الا انها بتحك فى المطبات  3- اللوجان بس قطع غيارها مولعة  4- بروتون ساجا بس 1300 سى سى  5- byd بس خايف منها لانها صينى وبيقولوا كل الصينى زبالة  واهم حاجة عايز اعرف انى واحدة الافضل فى المواصفات وانى افضل فى السعر وانى افضل فى قطع الغيار وانى واحدة اوسعهم ؟ محتاج رأيكم 
|
|
#2
31-10-2011, 10:55 PM
|
|||
|
|||
رد: ايهم افضل ؟
و ربنا يعطيك الصالح تقبل تحياتي 
__________________
 """"&& Juba &&""""
|
|
#3
31-10-2011, 10:56 PM
|
|||
|
|||
رد: ايهم افضل ؟
بص يا غالي انا مش عايز بس نبتدي الموضوع بكلمة الصيني زبالة لان كدا مينفعش ومحدش هنا من ملاك الصيني هيرضي ان يتقال كدا علي العربية اللي راكبها بس يا زعيم انا هكلمك علي العربية اللي جربتها الفيرنا والانوس واللوجن لكن البي واي دي للاسف لسه مجربتهاش بص يا استاذ اسامه انا امتلك الفيرنا وهيه عربية جميلة بمعني الكلمة يعبها فقط الفرامل وانها واطيه ده عيب بالنسبالي ومش عيب بالنسبة لفئة تانية لان علو العربية بيخليها تفقد جزء من ثباتها علي الطرق السريعة وايضا يعبها نوع الكاوتش اللي بتنزل بيها وده بيتحل بالتجنيط ل 14 مع تغيير الكاوتش لكن كعربية واداء مفيش بعد كدا حمارة شغل وقوة ماتور مفيش بعد كدا بالنسبة للانوس العربية طبعا ثابته وجودها بقالها فوق ال 10 سنين وهيه والفيرنا توأم في اعادة البيع وقطع الغيار والصيانة ولكن الفيرنا تتفوق في قوة الماتور والثبات والفرامل وكرسي السائق واسع بعكس اللانوس اللي اهتموا بتوسيع الكنبة علي حساب راحة السائق ودماغي كنت خابطه في السقف ومرجع الكرسي علي الاخر وبردك مخنوق في سواقتها بعكس الفيرنا اللي مريحة جدا في قعدتها اللوجن اوسع من الفيرنا واللانوس وعاليه عنهم هما الاتنين وشنطتها كبيرة بطريقة غريبة وفيها تكنولوجيا جميلة بس للاسف قطع غيارها غالية وكمان صيانتها غالية وزراير الزجاج في اماكن غريبة والكلاكس مش في الدركسيون بس العربية بتنتشر بطريقة رهيبه في السوق وعليها اقبال كبير جدا البي واي دي انا قليل لما بشوفها ملاكي وهيه منتشرة بطريقة كبيرة كتاكسي وانا سئلت ناس من ملاكها بيشكروا فيها جدا بس كل شكواهم من التوكيل بتاعها وربنا يوفقك لما فيه الخير
|
|
#4
31-10-2011, 11:07 PM
|
|||
|
|||
رد: ايهم افضل ؟
عيب اللوجان الوحيد غلو سعر قطع الغيار
|
|
#5
31-10-2011, 11:09 PM
|
|||
|
|||
رد: ايهم افضل ؟
لكن مش انا اللى بقول على الصينى وحش كل ما اسأل حد يقولى عربية وحشة طيب بالنسبة لحضرتك تفضل ايه ؟
|
 |
|
|
