مين نازل يوم 30|6 ؟؟؟؟؟

[حسام نوبيرا]

سلملى علىطائر النهضه

[goudai]

المشاركة الأصلية كتبت بواسطة الكردي2000 مش نازل طبعا لعدة اسباب : 1 - مرسي هو الرئيس الشرعي لمصر( رغم تحفظي علي أداءة ) ولانه جاء عبر الصناديق بإراده شعبيه حره 2 - هناك قاعده فقهيه تقول ( درء المفاسد مقدم علي جلب المنافع ) حيث ان عزل الرئيس بهذا الاسلوب هو اسلوب لي زراع لا يجوز ويؤدي الي مزيد من الدم ويدل ايضا علي أن المصريين لا يحترمون الديموقراطيه في مصر 3- لا يوجد علي الساحه من هو خير منه او أفضل منه علي الاقل في هذه المرحله , فأذا سقط مرسي سنعود للمربع صفر ( لا رئيس - لا مجلس شعب - لا مجلس شوري - لا دستور ....لالالالا ) وسندخل في حرب اهليه لا محاله للصراع علي الكرسي 4 - هل الاحتياطي النقدي سيسمح بأنقلاب أو ثوره اخري .... ام ستعلن مصر افلاسها ونصبح مثل سوريا أو العراق تقطعها الصراعات 5- من يضمن انه اذا جاء رئيس اخر لا يظهر لنا فريق اخر يطالب بإسقاطه بعد شهرين أو ثلاثه 6 - هل من أيد الرئيس مرسي سيسمح بأسقاطه من قبل المعارضين الذين طالبوا باسقاطه يمكن حتي قبل ما يوصل لقصر الرئاسه 7 - مقتنع تماما بأن الصراع الحالي ليس له اي صله بمصلحة الوطن بقدر ما هو صراع للوصول للكرسي حتي لو كان علي جسد المصريين من القتلي والجرحي 8 - كيف اثق في المعارضه بعد أن خانوا الثوره وتعاونوا مع الفلول والبلطجيه المأجورين لإحداث فتن وصراعات في الشارع لخلق تصور للمصريين أن هكذا سيكون حكم الاخوان وانهم غير جديرين بالحكم 9 - السؤال المهم والخطير للساده الداعين لتظاهرات 30 - 6 .... ماذا بعد اسقاط الرئيس ؟؟؟ هل ستستقر الامور ويعود الامن والامان وتحل مشكلة المرور والخبز وسد النهضه والحد الادني للاجور وتصبح مصر ذات ترتيب عالمي في الاقتصاد ..... لو ضمن لي حد هذا سأكون أول من ينزل ويطالب بأسقاط الرئيس

اسمحلى ارد على حضرتك
1- على سبيل المثال انت راكب عربيتك وانا راكب عربيتى وجيت قولتلى انا همشى وراك علشان معرفش الطريق وبعد شوية واحنا ماشيين لقتنى نزلت الترعة تنزل ورايا ولا تلحق نفسك
2- فعلا درء المفاسد مقدم على جلب المنافع ولذلك اسقاط الاخوان مقدم على منافعهم ان وجدت
3- لا معلش متقوليش ان مرسى هو خير من انجبت مصر وان مفيش زيه وان كان من ناحية مفيش زيه فهو مفيش زيه مفيش حد زيه يعرف يقول 56734 بيروحوا فى حارة مزنوقة ويعملوا حاجة غلط ، لو القرد مات القرداتى يشتغل ، .....لضمان سلامة الخاطفين والمخطوفين، وعد السودان بحلايب وشلاتين ، يعنى باختصار تحس انه حاجة كدة اسبيشيال
4-ده على اساس انك مش متجه حاليا وبخطى ثابته تجاه الافلاس
5- الضامن ربنا
6- متنساش ان مرسى نجح بفضل عاصرى الليمون ولو على حد الاخوان لوحدهم مكانش فاز
7- الصراع الحالى هو صراع بين ناس عايزة تعيش عايزة تشتغل عايزة تحس بالامان عايزة تخلى البلد دى احسن بلد فى الدنيا وبين فئة كل اللى يهمها احكام قبضتها على السلطة
8- يعنى المعارضة هم من اتفقوا مع الفلول على التصالح مثلا عن التهم الموجهة ضدهم مقابل المال
9- حضرتك بتتكلم زى ماتكون الحاجات دى فى ايدينا والناس حاسة بيها لكن من بطرهم على النعمة نازلين يوم 30
عامة انا لا اعتقد ان بلد ربنا ذكرها فى القران ورسوله كرمها هتنهار
اللهم احفظ مصر

[sherifabden]

وعلى فكرة مرسي هو اللي جابه لنفسه
يعني لو معملش المصايب والكوارث اللي عملها في اول سنة ليه محدش كان يقدر يعترض وحتى لو كان في معارضين مش هيبقوا كتير زي دلوقتي

[احمد على 1999]

العيب فى الناس كلها
لم نتغير
اللى بيرمى زبالة لسة بيرمى
اللى بيخالف لسة بيخالف
اللى بيشتم لسة بيشتم
كل السلبيات موجودة
بل زادت
ربنا يسترها علينا

ما زال رأيى ان اللى يجى يمسك البلد ايا من كان المهم ياتى باسلوب شرعى و سلمى و عن اختيار حقيقى للشعب
و لن يحدث هذا الا من خلال انتخابات قانونية شرعية
اى بديل اخر يؤدى الى فوضى

مع الرئيس السابق كان كل الشعب ضده
الرئيس الحالى الشعب انقسم

فنزول الشارع ضده لازم يكون سلمى
و التغيير الحقيقى من خلال البرلمان القادم و الرئاسة بعد 3 سنين
و الفرصة اكيد 100 % للمعارضة بعد ضمانهم كم التأييد لتمرد
يستغلوها بقى و يكسبوا البرلمان و الحكومة ساعتها الرئاسة ملهاش تلاتين لازمة

هذا افضل لمصرنا الحبيبة

[goudai]

لا العيب مش فى الناس وهاضرب لحضرتك مثال صغير فى ازمة البنزين مثلا او الجاز شوف حضرتك محطة وطنية التابعة للجيش منظمين والناس واقفة فى الطابور عارفة ان محدش هياخد مكانها او يعدى دوره ونفس الاشخاص وديهم محطة تانية هتلاقى الهرجلة والمنظر اللى كلنا بنشوفوه الفايدة ان الناس عندها الاستعداد للانتظام للالتزام للعمل عندهم الاستعداد للمستحيل بس اديهم امل او حسسسهم بالامان حتى معاك انما انت حرمتهم الامل ومعدتش فى امان ، ياريت حضرتك متجيبش العيب فى الناس علشان عيب