تجربتى مع سواق تاكسى byd

[peter magdy]

امبارح اول يوم العيد كل سنة و حضراتكم بخير
كنت معزوم على خطوبة صديق لي فى كازينو المعمورة قدام القصر العينى الفرنساوى ربنا ما يجيب حاجة وحشة لحد
فضلت واقف مستنى تاكسى byd ( على فكرة كل مرة كدة ) علشان انشاء اللة ناوى اشتريها قريب
وقف تاكسى المهم ربنا وقعنى مع شاب من سنى بس زى العسل
فسألتة اية رأيك فى العربية دى فقال دى كويسة و زى الفل بس دا ماتورها متسوبيشى بس عايزة محافظة و لاقيتة بياخد و يدى فى الكلام مش زى ناس كتير ركبت معاهم السؤال على قد الاجابة
فقلت استغلة و اسئلة على كل المشاكل اللى فى بعض الاعضاء بتتكلم عنها هنا فى المنتدى
بالنسبة للعضة كانت معاة الاول لغاية ما اشتكى منها لصاحب السيارة فقالة العربية دى بالذات لازم تدوس على الدبرياج للاخر و بعد كدة اتعود اتعود انة يجيب دبرياج للاخر و العضة اختفت و قالى الفتيس بتاعها خفيف و حرك الفتيس بترتيف صوابعة و جربها قدامى وورانى
و اللى بيقول ان العربية نص بور و هو ماشى بقا يلف الدركسيون بسيط بقت العربية ترمى نفس الاتجاة بقوة فقالى لازم تكون متمكن منة
و بالنسبة للسخونة اللى من عند الدواسة قالى انا بطلع من 6 الصبح لغاية قبل الفطار فعلا بتظهر سخونية بس ابتداء من الساعة 3 الظهر بس بتكون العربية كفرت مشاوير و انا ركبت كذا عربية موديلات تانى و بردو نفس الحكاية الموتورمع الجو دا طبيعى لكن لما تبقى ملاكى الوضع هيبقى مختلف و مش هتحس اكيد بالكلام دا
و هو شاب مجنون شوية بقا يجرى بالعربية و الشوارع فاضية ماشاء اللة سحبها حلو
و خد نزلة من كوبرى 6 اكتوبر على السريع فيها ملف بصراحة انا خفت بس بصراحة ثابتة بقوة
و كنت هكلمة على حكاية مؤشر درجة حرارة الموتور اللى بيزيد جامد مرة واحدة
بس قولت الاجابة قدام عينى فبصيت فى التلوة اللى قدامة لقيت المؤشر فى المنتصف تمامآ
و لاحظت العربية ماشية 80 الف و كسور
و ودى تجربتى الشاب اللى زى العسل اللى مبخلش عليا بحاجة سألتة فيها
و اللة على ما اقولة شهيد ولا زوت ولا نقصت
تحياتى للجميع و كل سنة و حضراتك بخير

[NASERELFHHAM]

[dr.death]

البي واي دي محبوبة أوي من السواقين ومشوفتش حد بيعيب فيها ... بس كلمة السر لازم تصونها ماتهملش فيها تحياتي

[sherifabden]

[احمد على 1999]

تجربة رائعة
بس اللى استنتجته
طالما ناس بتشكر و ناس بتشتكى
ده دليل ان فى اتنين شغالين فى خط التجميع و مفيش منظومة جودة