تقرير صيانة 1000 كيلو بكيا سيرفس المعادى

[kmatrex]

يافندم تحت امرك ومبروك عليك العربية

لا ممكن تروح عادى من غير حجز وهم محترمين بطبعهم بس حاول تروح بدرى احسن علشان هما بيدخلو السيارات بالدور وان شاء الله تكون صيانة موفقة ولو عندك اى استفسار ممكن تكام أ/محمد السيد وهو هايقوم بالمطلوب

[mohamed hossnie]

اشكرك علي سرعة الاجابة
و انشاء الله هأحكيك اللي حصل مجرد ما اروح و ربنا يطمن قلبك

[moha4tec]

احزر منهم نصابين و حراميه,يقولك الحاجه الفلانيه عاوزه تتغير ,و لما تقوله غيرها (مع انها مش محتاجه )يقولك غيرناها و هى متغيرتش و يحاسبك عليها زى الباشا.
و دى حكايتى معاهم .للامانه بلاش تهين فلوسك و عربيتك هناك ممكن كمان تتقلب هناك يبدلو تيل او بوجيهات .و فى كذا واحد اشتكى منهم فى الحوار ده
خش على نايل موتورز و انت هتفهم كل حاجه
http://www.**********.net/Nile/244882-moha4tec.html

[mohamedaaa45]

المشاركة الأصلية كتبت بواسطة kmatrex الاخوة الاعزاء بصراحة انا كنت مقلق شوية من حكاية الضمان الخليجى وخصوصا ان التجربة السابقة لى كانت نيسان صنى وتوكيل السبع بالمعادى وكانت هذة المرة اول تجربة لى فى كيا وكمان ضمان خليجى انا كنت شارى الضمان من شركة اسمها AAA وبصراحة كنت منسق مع المهندس محمد السيد مدير بيع الضمان ان يقوم بالتوصية على فى الضمان (اصل احنا ضربنا صحبية مع بعض ) وبصراحة كلمتة والراجل متاخرش قالى روح مركز الصيانة وكلمنى من هناك وبعدها ب نص ساعة فوجئت بوجودة (شخصية مرحة ومحترمة جدا ) المهم نيجى بقى للشغل والمهم 1-استلام السيارة طريقة محترمة وبنفس طريقة الوكيل السبع السايق بالنسبة للنيسان بصراحة وجدت نفس الطريقة المحترمة وكشف السيارة والملاحظات وشرح ماسوف يتم عملة وكماب بالتكلفة (كنت مفتقد هذة الجزئية فى السبع ) وكمان اى ملاحظات او متطلبات خاصة مثل الغسيل -النتروجين -الخ المهندس كان ظريف واسمة احمد سمير على فكرة الملاحظة لى كانت المرايا الخاصة بالسائق بتصفر صوت عالى مزعج 2- بعد الاستلام وكانت السيارة رقم 3 على الدخول ذهبت الى الاستراحة هى محدنقة حبتين بس بصراحة منظمة ومكيفة واهم حاجة نظيفة يوجد بها 2 شاشة LCD واحدة لمتابعة السيارة داخل الورشة والثانية للمشاهدة البرامج 3 دخلت السيارة للعمل الصيانة تغيير زيت 10.000 شل وتغيير فلتر -تربيط عفشة -مراجعة السوائل - الخ 4- غسيل الموتور بالفوم والمياة انا كنت مستغرب موضوع المياة وسالت المهندس قالى لا تقلق احنا عارفين بنوجة المياة بطريقة معينة وفى الاخر احنا المسئولين امامك اثناء متابعتى للغسيل والسيارت السابقة فوجئت بعدم وجود الغطاء العلوى للماتور حيث انة موجود فى السيارت السابقة وبسوالى للمهندس احمد افاد بان الخليجى 2012 الاردنى لاتاتى بهذا الغطاء وسالتة عن اهميتة افاد بانة مهم حيث يقوم بغطاء الرشاشات والجزء العلوى للماتور وبصراحة طلبت تركيبة فقام بطلبة وتركيبة فى خلال 15 دقيقة طبعا دة برة الحساب وادى 350 جنية ظهرو بالنسبة لى فجاءة 5- بعد غسيل الماتور والذى منة 350 طبعا خرجت السيارة للغسيل الخارجى وبصراحة اتغسلت بضمير جانب مركز الخدمة 6- نيجى باقى للملاحظة الوحيدة الى عندى وهى مراية السائق وهنا كانت المفاجاءة ان صوت الصفارة دة عيب فى المرايا ولازم تغيير هنا ونقطة باقى ومن اول السطر طبعا انا مكدبش عليكم اتخديت وقمت ناديت للمهندس محمد السيد اية يابو حميد الكلام دة احنا متفقناش على كدة اقلى متقلقش هاغيرهالك على حساب الضمان لان دة عيب فى مريات السيراتو كدة باقى الكلام باقى تمام وبرجوع الى المهندس احمد مسئول المركز افاد بانة سوف يقوم بطلبها وان شاء الله تركب فى خلال يومين ان شاء الله يارب اكون اقدرت اوصل التقرير بصورة سليمة ومش مملة حيث انة اول تقرير لى بصحبة سيادتكم واخص بالشكر المهندس محمد السيد مدير مبيعات الضمان السيد احمد مدير مركز الخدمة على التعاون وحسن الضيافة والسلام عليكم ورحمت الله وبركاتة

السلام عليكم ورحمة اللة وبركاتة
تهدي اسرة شركة تريبل اية ايجبت ارق واطيب الامنيات لعميلنا العزيز
ونشكرك علي الكلام الجميل دة الذي نعتبرة شهادة فوق صدورنا نعتز بها من سيادتكم وارجوا ان نكون عند حسن ظن سيادتكم
وانتهز هذة الفرصة لكي اعلن عن رقم تليفوني لوجود اي استفسار او شكوي
0113223600
محمد السيد (مدير مبيعات تريبل اية ايجبت)

[mohamedaaa45]

المشاركة الأصلية كتبت بواسطة mohamed hossnie معجب جدا بطريقتك في شرح الموضوع و اسمحلي اتقل لاعليك لاني زميلك في الخليجي و في الـ، AAA و في الكيا و لكن soul2011 و عاوز اروح لصيانة الـ 1000 ك و عايز اعرف هل الدوربالحجز او بالميعاد المسبق و لا اروح و معايا ربنا ؟ لان الوقت عندي مهم ؟ هل كل التعامل بهذا الاحترام و لا ده علشان المهندس احمد - وصي عليك ؟ لاني بصراحة ماخدتش علي الاحتراف ده في بلادنا ؟ انا طولت عليك الف مبروك العربية و شكرا علي التقرير ( ربنا يطمن قلبك )

تهدي شركة تريبل اية ايجبت لسيادتكم ارق واطيب الامنيات
اولا : انا ارحب بك في اسرة تريبل اية ايجبت
ثانيا :ردا علي سوالك هل دة بس علشان انا موصي علية لا طبعا احنا حرصين جدا ان احنا نبقي عند حسن ظن سيادتكم ولذلك موضح بكتيب الضمان مراكز الخدمة الخاصة بالشركة
وارقام التليفوناتلوجود اي استفسار او شكوي
0113223600 محمد السيد (مدير مبيعات تريبل اية)
والف مبروك