أيهما تفضل مستورد ام وكيل

[miam0502788391]

كده فيه 4 مشاركات فضلوا المستوورد ويشترى على العربية ضمان مقابل 3 مشاركات فضلوا الوكيل مع مشاركة واحدة وقف موقف حيادى بين الإثنين

عاوزين مشاركات كتيرة علشان نعمل احصائية أكبر من كده عاوزين تفاعل يا جماعة

[miam0502788391]

الله يسامحكوا يا أعضاء المنتدى 422 مشاهدة و 8 بس هما اللى تفاعلوا مع الموضوع ايه هو الموضوع عويص أوى للدرجة دى

[مورو]

يا دكتور محمد اذا كنت بتفكر تشترى اتوكل على الله وهات الخليجى انا اشترتها خليجى والحمد لله العربيه زى الفل - وانا عاوزك تسأل اللى اشتروا خليجى او وكيل ايه العيوب اللى وجدوها فى عربياتهم - اعتقد ان محدش اشتكى من عيوب الصناعه - ويا عم كل اللى بيتعمل فى التوكيل هو الكلام الفاضى اللى انت عارفه زى تغيير الزيت والفلتر (زيت - هواء - بنزين) غير كده مفيش حاجه تانى بتتعمل - الا بقى اذا حصلت مشكله ساعتها تبقى تروح اى مركز خدمه خارج التوكيل ويصلحا زى ما هيصلحها التوكيل . انا جبتها بـ 110000 تانى فيه فى الوكيل بـ109000 لكن بصراحه انا ركبت الاتنين لقيت الفرق شاسع بين العربيتين . وانا مش عارف ايه غباوه التوكيل دى ما هوه اللى هيخسر فلوس صيانه الخليجى - يعنى هوه فاكر لما ميعملش صيانه الناس هتبطل تشترى خليجى - لأ طبعا . طبعا انت دلوقت محتار ومش عارف تختار - صلى صلاه استخاره وربنا يوفقك ان شاء الله.

[مورو]

على فكره انا نسيت اقولك انا لا اشتريت ضمان ولا يحزنون - وربنا يسترها على الجميع (توكيل وخليجى)

[هشام20000]

مساء الخير انا احب اعرفكم ان انا اشتريت عربية خليجي واشتريت ليها ضمان من شركة اسمها تريبل اية في مصر وفعلا بيضمنوا العربية ضد عيوب الصناعة وناس محترمين جدا ونمرتهم0113223600 الاستاذ محمد مدير المبيعات ولو عوز تسال علي اي حاجة دول ناس كويسين جدا جدا جداجدا