سال وهتلاقى المتخصص الى هيجاوبك عن سوالك فى بيجــو

[hisam2010]

المشاركة الأصلية كتبت بواسطة yaso12 ممكن يا هندسة مميزات وعيوب 307 SW موديل 2006 ربنا يبارك فيك

بدون تجيز عربية كويسة جدا ومفهاش غير مشكلة الفتيس الاوتوماتيك فقط

[hisam2010]

المشاركة الأصلية كتبت بواسطة Eng.Mido السلام عليكم يا هندسة أنا بصراحة بحب البيجو 106 و روحت اشتري واحده مستعملة و لاحظت فيها حاجات غريبة 1 - العربية رشة دواخل و لون العربية زيتي و تحت اللون الزيتي في لون أحمر سالته قال لي ان ده البرايمر ؟! ده فعلا البرايمر ؟ 2- قاللي ان كان عندة مشكلة في ال صباب و فتح وش السلندر؟ دي حاجة مش تمام و ممكن كون الموتور معمر؟ 3 كان فيها وحدة كمبيوتر عشان كلمة السر قبل ما تدور دي فصلها و جايب و حدة جديده بس مشتغلتش؟ المهم هو كان طالب فيها 28000 ؟ اية رايك و اصلا اية رايك في العربية نفسها ؟ افيدني بالله عليك زززز و شكرا

وعليكم السلام ورحمة الله.....
1- اة ممكن يكون البرايمر.
2- ممكن يكون غير وش سلندر كامل او حتى الصبابات مش شرط يكون عمل عمرة.
3- مش مهم وجود وحدة كمبيوتر من عدمه مش هتأثر على حاجة.
4- رايي وبصراحة بلاش الموديلات القديمة دى علشان أصلا مش بنقبلها فى التوكيل وملهاش قطع غيار.

[hisam2010]

المشاركة الأصلية كتبت بواسطة kaiser_130 بشمهندس هيثم شكرا جدا علي مجهودك انا كلمتك اكثر من مرة في التليفون بخصوص العربية بتعتي كان من سنة تقريبا المهم مش ده الموضوع الموضوع اني اعشق المحركات القوية عندي بيجو405 برستيج 1997 و قدامي موتور بتاع peugeot 605 sv24 6 cyleder 3000 cc 24 valve 197 bhp الموضوع هو اني نفسي اركبة عندي هل ينفع بدون تغيير في القواعد هل له صيانة و قطع غيار هل يركب علي نفس الفتيس الاوتامتك بتاعي ولا لا واستهلاكة في البزين قد اية بالضبط ارجو الافادة لو تكرمت ولك جزيل الشكر

أوعى تغير الموتور يا راجل حرام عليك تشيل موتور الــ 405 البرستيج ال 2000 سى سى لانك اكيد لاوم هتغير القواعد....... والموتور الى حضرتك بتقول عليه دة انا صراحة مشفتوش قبل كدة فى ال605

[hisam2010]

المشاركة الأصلية كتبت بواسطة ooda2003 تحياتي لحضرتك يا بشمهندس هيثم كنت عاوز اسال عن مكان طبة زيت الفتيس في ال405 مو 91

دى أقرب صورة أقدر اساعدك بيها..
فك الطبة رقم 2 وزود منها زيت للفتيس.

[hisam2010]

المشاركة الأصلية كتبت بواسطة حسين اهلا بيك يا بشمهندس وشكرا ع المجهود الرائع ده ربنا يجعله فى ميزان حسناتك..انا كان ليا استفسار بخصوص السيارة 5008 المميزات والعيوب والاسعار فى مصر؟ورايك شخصيا فيها؟

أهلا بحضرتك وجزاك الله كل خير.........
بالنسبة الـــ 5008 هى لسة منزلتش مصر بس موجودة فى دول الخليج بس هى قريبة جدا فى الأساسايات مع ال 3008 بس فى بعض الأختلافات فى الــــشكل.
من وجهة نظرى أول مشكلة هتواجهنا فى العريبات دى هى قطع الغيار لان لسة العربية مجتش بعيوب تخلى التوكيلات تبدأ تشترى قطع غيارها..
وعامة هى عربية جامدة وتكنولجيا عالية جدا وكمان بيجو حلت مشكلة الفتيس ونزلت فيها أحسن فتيس نزل لغاية دلوقتى وهو فتيس يابانى AT6