سال وهتلاقى المتخصص الى هيجاوبك عن سوالك فى بيجــو

[hisam2010]

المشاركة الأصلية كتبت بواسطة LC71 شكراً لك أخي الفاضل مهندس هيثم على ترحيبك الكريم، طيب أنا شايف بين الكراسي الأمامية عدد 3 زراير مكتوب عليها حروف تماماً مثل الحروف اللي في التابلوه أمامي و اللي بتنور وقت حدوث المشكلة، و هذه الأزرار الثلاثة مكتوب عليها بالترتيب S * 1 و بالضغط على الزرين (1)، و (*) عند حدوث المشكلة لا يحدث شئ لكن أظن بالضغط على الزر المكتوب بجواره (1) أرى تحرك في اللمبة التي في التابلوه فتشير إلى 1 ثم 2 ثم 3 و هكذا إن لم تخني الذاكرة، أي أنه بالضغط على الزر الجانبي الموجود بين الكراسي الأمامية و المكتوب عليه (1) و المذكور عاليه تتحرك اللمبة في التابلوه إلى (2)، و بالضغط مرة أخرى تتحرك لمبة التابلوه لرقم 3. السيارة بها عدة أشياء تحتاج لتصليح زي السنتر لوك،و الإيرباجز، و الزجاج الكهرباء و لكن أكثر شئ مزعج هو عدم قدرتي أن أزيد السرعة عن 78-80 كيلومتر، و أنا في جدة فهل تنصح أوديها لواحد نصحوني أروح له هل أفعل ذلك و لا أدور على توكيل بيجو و أروح له، يعني هذا الشخص لديه جهاز فحص بالكمبيوتر أيضاً فهل يغني و يكفي هذا عن الذهاب لتوكيل تويوتا (مع إني مش عارف هو فين). تقبل ودي و امتناني .

العفو أخـــى....
بالنسبة للزراير الموجودة عند عصايا الفتيس ملهاش علاقة بمشكلة الفتيس عندك غير انها بس بتحدد ان عايز حد اقصى للنقلات يعنى مثلا لو انت دست على رقم 1 الفتيس هيمشى على الغيار الأول فقط ومش هيجيب بقيت النقلات.
وثانيا أنصحك انك تروح التوكيل المعتمد لبيجو فى السعودية واعتقد ان بيانات الوكيل هى كالأتى:-
توكيل المتوكل - الرياض - 11481 المملكة العربية السعودية

Tel:- +966-02-2711111

[محمد خميس]

عندى سؤال بخصوص الطمبورة اللى بتاخد الحركة من عمود الكرنك لتدوير الدينامو ومروحة التبريد الطمبورة دى كسرت التيلة وخرجت من مكانها هل ممكن تركب بسهولة ولا لازم حل الموتور

شكرا لك باشمهندس هيثم

[LC71]

شكراً بشمهندس هيثم على المعلومات القيمة، و بإذن الله أعمل بنصيحتك و اروح التوكيل (في جدة) و هو فعلاً المتوكل على الطريق السريع باتجاه مكة، و ربنا يسهل لأن واضح إن هحتاج أعمل كشف الكمبوتر و أكيد داه حيطلع كل العيوب الكتيرة اللي فيها، لكن أنا حالياً يهمني في المقام الأول تتحل مشكلة ال
Automatic Gear Fault
الي منعتني إني أدوس دواسة البنزين براحتي، يعني تخيل حضرتك حتى لو ماشي على 50 و بعدين قمت دايس بنزين بسرعة شوية (بمعدل سريع) تلاقي الرسالة ظهرت، و الصوت بقى عالي، و عدد لفات الموتور زاد ...

هل هذا نوع من أنواع الدفع الرباعي أو التراكشن كونترول أو الدفرانس لوك؟
باحس إن أحياناً بيصاحب حدوث العيب سماع صوت تحت العربية زي ما يكون في جير تقيل تم تعشيقه وتقل العربية.

المهم إني لما بتحصل المشكلة دي و انا سايق على الطريق مش بقف .. لأ .. بنقل الفتيس على ال(N) و بعدين بطفي الكونتاكت و بعدين أشغل الكونتاكت و ادور العربية و تمام الرسالة بتختفي ، و المشكلة بتتحل، بس أحيانا أثناء طفي الكونتاكت الدركسيون بيقفل (يسوجر) و مرة كنت هلبس في الرصيف لأن الدركسيون قفل أثناء لفة لليمين .

[hisam2010]

المشاركة الأصلية كتبت بواسطة LC71 شكراً بشمهندس هيثم على المعلومات القيمة، و بإذن الله أعمل بنصيحتك و اروح التوكيل (في جدة) و هو فعلاً المتوكل على الطريق السريع باتجاه مكة، و ربنا يسهل لأن واضح إن هحتاج أعمل كشف الكمبوتر و أكيد داه حيطلع كل العيوب الكتيرة اللي فيها، لكن أنا حالياً يهمني في المقام الأول تتحل مشكلة ال Automatic Gear Fault الي منعتني إني أدوس دواسة البنزين براحتي، يعني تخيل حضرتك حتى لو ماشي على 50 و بعدين قمت دايس بنزين بسرعة شوية (بمعدل سريع) تلاقي الرسالة ظهرت، و الصوت بقى عالي، و عدد لفات الموتور زاد ... هل هذا نوع من أنواع الدفع الرباعي أو التراكشن كونترول أو الدفرانس لوك؟ باحس إن أحياناً بيصاحب حدوث العيب سماع صوت تحت العربية زي ما يكون في جير تقيل تم تعشيقه وتقل العربية. المهم إني لما بتحصل المشكلة دي و انا سايق على الطريق مش بقف .. لأ .. بنقل الفتيس على ال(N) و بعدين بطفي الكونتاكت و بعدين أشغل الكونتاكت و ادور العربية و تمام الرسالة بتختفي ، و المشكلة بتتحل، بس أحيانا أثناء طفي الكونتاكت الدركسيون بيقفل (يسوجر) و مرة كنت هلبس في الرصيف لأن الدركسيون قفل أثناء لفة لليمين .

طيب كويس على بركة الله وأن شاء الله التوكيل يحللك مشكلتك....
اما بالنسبة لموضوع ان الموتور صوتو بيعلى فدة معناه ان الفتيس مفوت وانا توقعى ان الفتيس دة هيتفك كلو ويتعملو عمرة..
هل هذا نوع من أنواع الدفع الرباعي أو التراكشن كونترول أو الدفرانس لوك؟
العربية دى مفهاش اى نوع من الحجات دى خالص اولا هى دفع امامى ومفهاش دفرانس ومفهاش تراكشن كنترول.
... معلومة اخيرة متحولش تبطل العربية ابدا وانت سايق علشان حصلت مع واحد صحبى وربنا ستر كان هيعمل حادثة لان الدريكسيون قفل. أرجو افادتى بما حدث فى التوكيل وخليه يطبعلك بالكمبيوتر الاعطال المسجلة فى كنترول الفتيس وكنترول المحرك علشان اشوفها.

[hisam2010]

المشاركة الأصلية كتبت بواسطة محمد خميس عندى سؤال بخصوص الطمبورة اللى بتاخد الحركة من عمود الكرنك لتدوير الدينامو ومروحة التبريد الطمبورة دى كسرت التيلة وخرجت من مكانها هل ممكن تركب بسهولة ولا لازم حل الموتور شكرا لك باشمهندس هيثم

حـــــــدد نوع العربية بالظبط.
بس احب اطمنك مبدئيا ان طنبورة سير الدينامو او حتى طنبورة سير الكاتينة
مش بتحتاج حل موتور طبعا.