اساسيات الفلوانس 2011

[Hazem.Net]

السلام عليكم ورحمة الله وبركاته:

بفضل الله ربنا كرمنى واشتريت فلوانس 2011 مستعملة وانا اول مره طبعا اشترى عربيه

كنت عاوز استفسر عن الاساسيات فى التعامل مع العربية زى مثلا ازاى املى المية بتاعت المساحات والميه بتاعت الموتور واعرف ان الزيت قليل ازاى المعلومات البسيطة ديه
كمان عاوز اعرف هل لازم اودى العربية لنفس التوكيل اللى كان بيروح فيه اللى اشترتها منه( الميكانيكون العرب) ولا اى توكيل
لو حد يقولى عليها وجزاكم الله خير

[AbOnOrA]

الصيانات الاساسية ممكن تعملها فى اى مكان

بس هى العربيه فى الضمان ولا خليجى ولا ايه اصلاً

وبالنسبة للصيانات الاساسية متقلقش مش محتاج تعمل حاجة دلوقتى معاها بنفسك
انت بس تابع موضوعات المنتدى وبالاخص الورشة الفنية والدنيا هتنور معاك واحدة واحدة متقلقش

[Hazem.Net]

المشاركة الأصلية كتبت بواسطة AbOnOrA الصيانات الاساسية ممكن تعملها فى اى مكان بس هى العربيه فى الضمان ولا خليجى ولا ايه اصلاً وبالنسبة للصيانات الاساسية متقلقش مش محتاج تعمل حاجة دلوقتى معاها بنفسك انت بس تابع موضوعات المنتدى وبالاخص الورشة الفنية والدنيا هتنور معاك واحدة واحدة متقلقش

الاخ AbOnOrA بجد ربنا يجزيك كل خير على سرعه الرد.
ان شاء الله انا فعلا ناوى اتابع كويس الورش الفنية.

انا مش عارف هى فى الضمان ولا خليجى انا كل اللى اعرفه ان اللى كانت معاه كان بيروح عند الميكانيكيون العرب وعامل الصيانة 10 تلاف فى التوكيل بالفاتورة وفيه صيانات تانية زى مثلا ظبط حساس الABS بالفاتورة بردوه فى التوكيل.
لكن انا اعرف ازاى هى فى الضمان ولا ايه.
ربنا يجيزيكم خير

[wael - mohamed]

اخي الفاضل
لو في فاتورة وتم دفع مبلغ مالي لموضوع ضبط الABS يبقى العربية خليجي لو الي معاك بيان اعمال فقط تمت بالسيارة يبقى العربية توكيل , وبعدين في كتيب الاستعمال الخاص بالعربية والكاسيت بيبقى موضوع في شنطة صغيرة رمادي ,لو معاه كتيب الصيانة مختوم بختم الوكيل تبقى وكيل لو مش موجود تبقى خليجي .
بس هوه فيه سؤال عربية حضرتك اي فئة وانا باذن الله ادلك اذا كانت خليجي والا لا لوجود بعض الفروق بين الخليجي والوكيل

[Hazem.Net]

المشاركة الأصلية كتبت بواسطة wael - mohamed اخي الفاضل لو في فاتورة وتم دفع مبلغ مالي لموضوع ضبط الABS يبقى العربية خليجي لو الي معاك بيان اعمال فقط تمت بالسيارة يبقى العربية توكيل , وبعدين في كتيب الاستعمال الخاص بالعربية والكاسيت بيبقى موضوع في شنطة صغيرة رمادي ,لو معاه كتيب الصيانة مختوم بختم الوكيل تبقى وكيل لو مش موجود تبقى خليجي . بس هوه فيه سؤال عربية حضرتك اي فئة وانا باذن الله ادلك اذا كانت خليجي والا لا لوجود بعض الفروق بين الخليجي والوكيل

اه فيه فاتورة ومكتوب فيها انه عمل كشف بالكمبيوتر وظبط حساس ABS ب 143 ,الفاتورة التانية صيانة 10 تلاف كيلو ب 663 جنية بالضريبة المبيعات .
بصراحة انا اصلا مشكلتى فى الحياه انى بتحرج وكمان يعنى هو عشان كان تبع واحد معرفه وقالى كويس تمام فانا مسالتش على اى حاجة ولا اخدت الكتيب ما اخدتش غير الفاوتير
هى الفئة ال142 الف اللى فيها تاره مالتى وفيها اربع جنوط سبور وتكيف ورا وقدام ومفتاح كارت لكن مفهاش حساس ركن ولا فتحة سقف
ربنا يكرمك على الاجابة والاهتمام انا مش عارف اقول ايه صراحة
للعلم انا ما بعرفش اسوق اصلا
ففيه سؤال بس لو امكن هو فتحة تنك البنزين بتفتح منين من جوا العربية ؟
اشكرك