استهلاك اللانسر للبنزين

[yoga]

بدايه كنت عاوز اسال عربيه بومه 2007 استهلاكها كام ف الصفيحه جو البلد وبره البلد

لان انا قرفت من الصنايعيه وضحكهم ع الناس

1- ضبط التاكيهات هل له علاقه بتعديل استهلاك البنزين والمفروض تتظبط كل قد ايه وهل فى اعراض تقدر تقول بعدها المفروض تظبط تاكيهات

2- توجد صعوبه ف النقل الى الاولانى ف الفتيس بعد التانى يعنى لو العربيه هديت وانت عاوز تجيب الاولانى ميجيش معاك خالص وباضطر افضل ماشى ع التانى هل كده ف غلط
واحد ميكانيكى قال الغويشه فيه مشكله هل يوجد حل ولا لازم تغير الفتيس كله

هل يوجد مشكله اذا فضلت ماشى ع التانى عااادى ولا كده بتعمل مشكله

[memodina1]

هى مش غلط عادى بس الافضل انة يكون الاولانى لكن لازم تتصلح لاما هتلاقى الفتيس باظ منك لانى اكيد فى مشكلة فية
اما عن الاستهلاك انا اللى اعرفة فى العربية عندى فيرنا 1600
بتعمل 180 الى 200 فى الصفيحة الله اعلم بقى عندك شوف وقولى لانى مهتم اوى بالموضوع دا

[احمد على 1999]

عندى شك ان اللانسر تاكيهاتها على بلوف و دى ملهاش ظبط هى بتظبط نفسها اما موضوع الاولانى فو الله اعلم ممكن يكون التصميم كده حماية للفتيس و الماتور و العربية من الدمار لو حد غلط و جاب الاولانى و العربية ماشية بسرعة لكن المفروض تعرف تجيبه لو السرعه هديت قوى

[yoga]

شكرا ع الرد جزاكم الله خير

استهلاك البنزين عندى كالتالى والعربيه 300 1


جو البلد من 180 الى 190

بره ع السريع 210 الى 220

وطبعا ع عربيه يابانى وكمان 1300 بيتهيالى كتير ولا انا فاهم غلط لان سالت ناساصحاب لانسر زى و1300 برضه
بره ع السريع لا يقل عن 325
جو لا يقل عن 250
وانا عندى الدنيا مختلفه خالص
موضوع الفتيس محدش اجمع انه ممكن يتصلح كله قال لازم تغيير الفتيس كامل

[samirsaid1]

بس خلى بالك ان فية عربيات لما بديها الاول وهى بتتحرك مش بيجى

لكن هل انت لما بتدى الغيار وانت واقف قبل ماتتحرك بتعشق كويس بدون مشاكل

والله اعلم يبقى كدة تمام لان الموضوع موجود بعربيات كتير