فيات فلوريدا

[hanyryd]

لوحد عنده معلومات عن مميزات وعيوب الفيات فلوريدا ياريت يفيدني علشان قدامي واحدة وعاوز اشتريها
وجزاكم الله كل خير

[FlaminGo]

اخى الفاضل
واضح ان العربية مالهاش اى اهتمام من اى حد من اى حتة فى المعمورة.
انا كنت زيك وواضح انى مش حشتريها على الرغم من اغراءات الأوبشن بتاعها.
خلينا فى المعروف افضل
شكرا

[فادى]

الفلوريدا هى سيارة تقوم على تصميم الفيات تيبو (التمبرا هاتشباك) و لكنها بصناعة يوغوسلافية كاملة من شركة يوغو و ببعض الاضافات اليوغوسلافية,
أداء جيد نظرا لأنها كانت سيارة مميزة من فيات و لكن باعتمادية أقل لصناعتها فى يوغوسلافيا و زاد على ذلك الدعم السىء من شركة النصر للسيارات المأسوف على شبابها.
قطع الغيار لن تعثر عليها بسهولة مثل شقيقاتها من عائلة فيات, لكنها موجودة و بأسعار معقولة.

[islamabdelmonem]

المشكلة ان العربية دي الناس بتستغل فرصة ان ملهاش قطع غيار و ينزلة من سعرها كتير ، حسبي اللة و نعم الوكيل في العالم دي انا كان معايا عربية زيها موديل 2003 و كنت شاريها بي 25500 و صرفت عليها صيانة و اصلاحات و كنت متعقد منها علشان كل ميكانيكي يقولي قطع غيارها مش عندي و انزل اسئل عليها في الحرفين او في عزبة شلبي ، المهم علشان ما طولش عليكم انا بعتها بالعافية بي 21500 دة غير اني صرفت عليها حوالي 3000 مصاريف عارفين كل دة في خلال 11 شهر بس ، حسبي الله و نعم الوكيل -- ربنا يوفق و الناس تتقي الله في السعر

[محمد اشرف]

العربيه شكلها حلو وموديلتها عاليه ورخيصه عيبها حاجه وحده بس م هتلاقى ليها اى قطع غيار خالص فبلاشها خالص عشان هدوخ على قطه الغيار خالص ورايي خليك فى الى ليه قطه غيار خالص